Minhlangano Ya Ntirho Ya October

Vhiki Leri Sungulaka Hi October 5

Risimu 199

10 min:Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min:“Hi Wahi Makungu Ya Wena Ya Tin’hweti Ta Ximumu?” Nkulu u burisana ni vahuweleri vambirhi kumbe vanharhu malunghana ni leswi va swi kunguhateleke tin’hweti ta ximumu leti taka. Va hlamusela malunghiselelo ya ku va kona entsombanweni, ku engetela ntirho wa vona wa nsimu, ku ya eku wiseni ni ku endzela vanghana ni maxaka. Hinkwavo va pfumela leswaku a va nge yi honisi dyondzo ya munhu hi xiyexe, minhlangano kumbe ntirho wa nsimu naswona va hlamusela ndlela leyi va kunguhateke ku tshama va landzela fambiselo ra swa le tilweni ha yona.

20 min:“‘Ku Byala Mbewu Ya Mfumo’ Hi Mintila Ya Timagazini.” Bulo ni vayingiseri. Vana ni van’wana va hlamusela ndlela leyi va sunguleke ntila wa timagazini ha yona ni ku wu hlayisa. Kutani endla nkombiso wa ku fambisiwa ka timagazini laha ku endliwaka malunghiselelo ya ku tlhelela ni minkandziyiso leyi landzelaka.

Risimu 133 ni xikhongelo xo pfala.

Vhiki Leri Sungulaka Hi October 12

Risimu 42

5 min:Switiviso swa vandlha. Xiviko xa timali.

10 min:“Valanguteri Lava Rhangelaka—Matsalana.” Nkulumo hi matsalana wa vandlha, a hlamusela mintirho leyi a averiweke yona. U kandziyisa mhaka ya leswaku hinkwerhu hi nga kombisa ntirhisano loko hi yisa swiviko swa ntirho wa nsimu hi ku hatlisa.

10 min:Va Hisekela Ntirho Wa Vuphayona. Nkulumo leyi khutazaka leyi sekeriweke eka 1998 Yearbook, matluka 104-7. Hlamusela leswi endlaka ku va ni maphayona yo tala swonghasi eJapani, leswi endlaka leswaku vamanana va mindyangu va rhangisa swilaveko swa moya, lexi susumetelaka vo tala ku nghenela ntirho wa vuphayona ni leswaku i vamani lava nghenelaka ntirho wa vuphayona hi xitalo. Kombisa nkucetelo lowunene lowu vatswari lava nga maphayona va wu kombisaka. Kandziyisa ku tiyiseka loku lavekaka leswaku munhu a endla mindzulamiso leyi faneleke evuton’wini leswaku a ta phayona. Khutaza hinkwavo leswaku va anakanyisisa hi vuenti ni hi xikhongelo leswaku va tlhela va kambisisa makungu ya vona ya ku phayona.

20 min:“Xana Wa Ti Hlaya Timagazini?” Swivutiso ni tinhlamulo. Hlamusela swiringanyeto leswi pfunaka swa ku veka nkarhi wa ku tihlayela timagazini leswi kumekaka eka Buku Yo Letela Ya Xikolo, dyondzo 4, tindzimana 5-6.

Risimu 107 ni xikhongelo xo pfala.

Vhiki Leri Sungulaka Hi October 19

Risimu 16

10 min:Switiviso swa vandlha. Hlamusela tinhla leti ku nga vulavuriwaka ha tona eka minkandziyiso ya sweswinyana ya timagazini. Hlamusela mintokoto leyi nga eka1997 Yearbook, tluka 45. Khutaza hinkwavo leswaku va hlanganyela eku hangalaseni ka timagazini mahelo-vhiki lawa.

20 min:“Mintsombano Ya Muganga Ni Ya Matiko Hinkwawo Ya ‘Ku Hanya Hi Ndlela Ya Xikwembu’ Wa 1998.” (Tindzimana 1-17) Swivutiso ni tinhlamulo. Hlaya tindzimana 11 na 12. Kandziyisa nkoka wa Matsalwa wa ku tikarhatela ku languteka ni ku tikhoma hi ndlela ya Vukreste ni ku langutela vana va hina hi mfanelo.

15 min:Ndlela Yo Lunghiselela Dyondzo ya Xihondzo xo Rindza. Bulo leri katsaka vayingiseri hi mufambisi wa Dyondzo ya Xihondzo xo Rindza, leri sekeriweke eka Xihondzo xo Rindza xa May 15, 1986, matluka 19-20, tindzimana 16-18 ni Buku Yo Letela Ya Xikolo, dyondzo 7, ndzimana 11, ni dyondzo 18, tindzimana 4-6. Kombela tinhlamulo eka swivutiso leswi landzelaka: (1) Ha yini swi ri swa nkoka leswaku hi vuyeriwa swinene eka nkandziyiso wun’wana ni wun’wana wa Xihondzo xo Rindza? (2) Xana hi fanele hi endla yini loko hi kuma nkandziyiso lowuntshwa? (3) Hi yihi ndlela leyinene ya ku lunghiselela Dyondzo ya Xihondzo xo Rindza? (4) Xana matsalwa lama kombisiweke eka dyondzo hi fanele hi endlisa ku yini hi wona? (5) Xana hi nga swi pfuxetisa ku yini leswi hi swi dyondzeke? (6) Xana i tinhla-nkulu tihi leti hi faneleke hi anakanyisisa ha tona loko hi heta dyondzo ya munhu hi xiyexe eka dyondzo yoleyo? (7) Xana hi nga yi lunghiselerisa ku yini nhlamulo? (8) Xana tinhlamuselo to hambana-hambana ti nga nyikeriwa njhani eka xivutiso xin’we? Kombela van’wana leswaku va hlamusela leswi vona hi voxe va swi endleke, leswaku va vuyeriwa swinene eka Dyondzo ya Xihondzo xo Rindza.—Nakambe vona buku leyi nge Ku Hleleriwa Ku Hetisisa Vutirheli Bya Hina, matluka 65-7.

Risimu 95 ni xikhongelo xo pfala.

Vhiki Leri Sungulaka Hi October 26

Risimu 98

10 min:Switiviso swa vandlha. Tanihi leswi ku nga ta va ni minkarhi yo wisa hi December na January, lowu wu ta va nkarhi lowunene eka vantshwa lava khuvuriweke ni van’wana leswaku va anakanyisisa hi vuphayona bya nkarhinyana. Tsundzuxa hinkwavo leswaku va tisa swiviko swa vona swa ntirho wa nsimu.

20 min:“Mintsombano Ya Muganga Ni Ya Matiko Hinkwawo Ya ‘Ku Hanya Hi Ndlela Ya Xikwembu’ Ya 1998.” (Tindzimana 18-23) Swivutiso ni tinhlamulo. Hlaya ndzimana 18 ni tsalwa leri kombisiweke. Kandziyisa xilaveko xa ku hleleka ni ku anakanyela van’wana, ngopfu-ngopfu loko swi ta etimhakeni ta switulu. Gimeta hi nkulumo yo koma leyi hlamuselaka “Switsundzuxo Swa Ntsombano.”

15 min:Ku Fika eMinhlanganweni Hi Nkarhi. Bulo exikarhi ka vafambisi vambirhi kumbe vanharhu va Dyondzo ya Buku ya Vandlha kumbe malandza ya vutirheli malunghana ni xiphiqo xa ku nga fiki hi nkarhi eminhlanganweni. Va swi xiya leswaku swiyimo leswi nga tolovelekangiki, swo tanihi swilo swa xihatla, maxelo, ntlimbano wa swo famba ni swin’wana swi nga endla leswaku mani na mani a nga fiki hi nkarhi. Hambiswiritano, van’wana va tolovele ku fika nkarhi se wu hundzile. Hi maendlelo lamanene, vamakwerhu lava va hlamusela ni ku kombisa leswi lavekaka leswaku munhu a fika hi nkarhi: (1) ku tlangela lunghelo ra ku va kona eminhlanganweni hi mbilu hinkwayo ni swakudya swa moya ni xinghana lexi hi xi kumaka kwalaho, (2) ku kunguhata ka ha ri ni nkarhi ni ku hlela swilo swa munhu hi xiyexe, (3) ku tirhisana hi ku swi rhandza exikarhi ka swirho swa ndyangu, (4) ku suka ka ha ri ni nkarhi ni ku pfumelela nkarhi wa ku langutana ni swiphiqo leswi nga rindzeriwangiki ni (5) ku khumbeka ka xiviri ka leswaku hi nga kavanyeti van’wana lava nga eku yingiseleni. Hinkwavo va pfumelelana leswaku xiphiqo lexi xa ku fika nkarhi se wu hundzile xi nga ololoxiwa hi ku tiyimisela ku antswisa nkarhi na nkarhi.

Risimu 86 ni xikhongelo xo pfala.