Switiviso

◼ Tibuku leti nga ta fambisiwa hi May: Tikopi ta Xihondzo xo Rindza ni Xalamuka! Tshamani mi ri ni broxara leyi nge Leswi Xi Swi Languteleke leswaku mi ta yi fambisela vanhu lava tsakelaka, naswona tikarhateleni ku sungula tidyondzo ta le kaya ta Bibele. June: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75. July na August: Yin’wana ni yin’wana ya tibroxara leti landzelaka leti nga ni matluka ya 32, yin’we yi nga ha fambisiwa hi munyikelo wa R1,20: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini?, Xana Xikwembu Xa Hi Khathalela Hakunene?, ni leyi nge Loko U Feriwa Hi Loyi U N’wi Rhandzaka. Tibroxara leti landzelaka, Buku Ya Vanhu Hinkwavo, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Our Problems—Who Will Help Us Solve Them?, ni leyi nge Will There Ever Be a World Without War? ti nga fambisiwa laha swi faneleke.

◼ Emalembeni lawa swa olova ku teka riendzo ro ya ematikweni mambe. Hikwalaho ka sweswo, vamakwerhu vo tala va kunguhate ku endzela matiko mambe. Nkarhi na nkarhi va tihlanganisa ni marhavi ya Sosayiti leswaku va kombela rungula ro karhi malunghana ni matiko lawa. Tihofisi ta rhavi ta swi tsakela ku nyika vamakwerhu tiadirese ta Tiholo ta Mfumo ni minkarhi ya minhlangano leswaku swi va olovela ku kuma mavandlha ya ndhawu yoleyo. Nakambe, ma nga ha pfuna eku nyikeleni ka nkongomiso malunghana ni ku endzela hofisi ya rhavi. Hambiswiritano, swiviko swi kombisa leswaku ku komberiwa vuxokoxoko lebyi engetelekeke malunghana ni malunghiselelo ya swofamba, ya byetlelo, tindhawu to tsakisa ta tiko rero ni timhaka tin’wana to fana ni leti. Tihofisi ta rhavi a ti na byona vuxokoxoko byebyo naswona a ti na nkarhi wa ku nyikela rungula ro tano. Lava lavaka ku endzela ematikweni mambe va komberiwa leswaku va tihlanganisa ni minhlangano ya swofamba kumbe tihofisi ta vuvalangi.

◼ Tsima ra nsimu leyi nga aviwangiki ra 1999 ri ta va hi tin’hweti ta August ku ya eka October. Hambileswi mavandlha yo tala ma nga ta tirha nsimu leyi nga aviwangiki hilaha ku tolovelekeke, ku ta hlawuriwa mavandlha ma nga ri mangani leswaku ma pfuna mavandlha ya vantima leswaku ma hlanganisa nsimu ya wona. Lunghiselelo leri ri ta pfuna hikuva mapurasi yo tala a ma na vaaki loko hi hala tlhelo malokixi ya vantima ma ri ni vanhu vo tala lerova mavandlha ya tindhawu leti a ma swi koti ku khathalela nsimu ya wona hi ku hetiseka. Mavandlha ma khutaziwa leswaku ma kunguhata ka ha ri ni nkarhi leswaku loko ma tirha nsimu leyi nga aviwangiki ku va ni vuyelo lebyinene.

◼ HI KOMBELA MI XIYA: Hi lawa masiku lamantshwa ya mintsombano leyi landzelaka:

December 10-12:

Durban (Xinghezi, Ririmi ra Mavoko)

East London (Xinghezi; i ntsombano wo sungula)

Empangeni

George

Soweto (Xizulu 1)

Walvis Bay (Xibunu/Xinghezi; i ntsombano wo sungula)

December 17-19:

Cape Town

Durban (Xizulu)

Ermelo

Mbabane (Xinghezi; i ntsombano wo sungula)

Phalaborwa

Pretoria (Xibunu, Xinghezi; i ntsombano wo sungula)

Pretoria (Xizulu)

Soweto (Xisuthu)

Thohoyandou

Umtata

Windhoek (Xikwanyama ntsena)

December 24-26:

Lebowakgomo

Mafikeng

Newcastle

Pietermaritzburg

Soweto (Xizulu 2)

Vereeniging (Xisuthu, Xizulu; i ntsombano wo sungula)