Minhlangano Ya Ntirho Ya July
Vhiki Leri Sungulaka Hi July 5
Risimu 6
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa vandlha xa ntirho wa nsimu wa April. Nkhensa vamakwerhu hikwalaho ka ntirho lowunene lowu va wu endleke. Marungula Ya Swa Mfumo.
20 min: “Khongelela Mpfuno Wa Yehovha.” Xingheniso xa wena a xi ve ehansi ka minete, ivi ku landzela bulo ra swivutiso ni tinhlamulo. Hlamusela ndlela leyi swikhongelo swo hambana-hambana leswi humaka embilwini swi nga swa nkoka ha yona evutirhelini lebyi humelelaka. Kombela vayingiseri va hlamusela mintokoto ya vona leyi kombisaka ndlela leyi swikhongelo leswi nga enkarhini swi va pfuneke ha yona evutirhelini bya vona.—Vona Xihondzo xo Rindza xa October 15, 1996, tluka 32.
15 min: Tirhisa Tibroxara Hi Ndlela Leyinene. Nkulumo ni minkombiso. Hlamusela ndlela leyi tibroxara ti nga pfunaka swinene ha yona evutirhelini bya hina. Ti hlamusela kahle timhaka leti khumbaka vanhu vo tala, ti hlamusela timhaka tin’wana ta nkoka hi ku komisa ivi ti hlamusela ni tidyondzo ta Matsalwa hi ku komisa. Hlamusela tibroxara leti fambisiwaka n’hweti leyi ivi u kombisa leti nga kona hi xitalo sweswi evandlheni ra ka n’wina. Endla minkombiso mimbirhi kumbe minharhu yo koma leyi sekeriweke eka swiringanyeto leswi kumekaka eka xihloko lexi nge “Presentations” lexi nga eka Watch Tower Publications Index.
Risimu 181 ni xikhongelo xo pfala.
Vhiki Leri Sungulaka Hi July 12
Risimu 103
10 min: Switiviso swa vandlha. Xiviko xa timali. Mulanguteri wa ntirho u hlamusela malunghiselelo yo hetelela ya ku tirha nsimu leyi nga aviwangiki—masiku, ndhawu leyi nga ta tirhiwa, byetlelo, malunghiselelo ya swofamba ni tibuku leti nga ta fambisiwa.
15 min: “Ku Lunghiselela Ka Ha Ri Ni Nkarhi Swi Tisa Ntsako.” Nkulumo ni mimbulavurisano. Hlamusela ndlela leyi ku lunghiselela ku nga ka nkoka ha yona entirhweni wa nsimu ni ndlela leyi ku hi pfunaka ha yona leswaku hi kuma ntsako lowukulu eka leswi hi swi endlaka. (Vona Buku Yo Letela Ya Xikolo, tluka 39, tindzimana 1-3.) Burisana ni vahuweleri vambirhi kumbe vanharhu lava nga ni vuswikoti lava nga ta hlamusela ndlela leyi va lunghiselelaka ha yona va nga si ya entirhweni wa nsimu ni ndlela leyi ku endla tano swi va pfunaka ha yona. Hlamusela ntokoto lowu nga eka Xihondzo xo Rindza xa April 15, 1993, tluka 30, lowu kombisaka ku tirhisa buku leyi nge Ku Hlamulana, hi ndlela leyi humelelaka loko u lunghiselela vutirheli bya nsimu.
20 min: “A Hi ‘Ngheneni eMhakeni!’” Nkulumo leyi nga ni minkombiso ni ku hlanganyela ka vayingiseri. Hlamusela xiringanyeto xin’wana ni xin’wana xa leswi hi nga swi vulaka leswaku n’wini wa muti a hi yingisa. Kombela vahuweleri lava nga ni ntokoto va kombisa swingheniso swo hlayanyana leswi tirhaka. Kombela vayingiseri va hlamusela swiringanyeto swin’wana va tlhela va hlamusela mintokoto leyi khutazaka leyi kombisaka swingheniso leswi tirhaka swinene endhawini ya ka n’wina.
Risimu 183 ni xikhongelo xo pfala.
Vhiki Leri Sungulaka Hi July 19
Risimu 31
10 min: Switiviso swa vandlha.
15 min: Swilaveko swa vandlha.
20 min: Xana Swa Boha Leswaku Ndzi Joyina Nhlengeletano Yo Karhi? Ku burisana ni vayingiseri loku sekeriweke ebukwini leyi nge Ku Hlamulana, matluka 185-9. Hakanyingi hi hlangana ni vanhu lava yingisaka rungula ra Mfumo kambe lava nga swi laviki ku “joyina” nhlengeletano yo karhi ya vukhongeri. Boxa nhlamuselo ya rito “nhlengeletano” ni swihlawulekisi swa nkombo leswi endlaka leswaku nhlengeletano ya Yehovha leyi vonakaka yi va leyi hlawulekeke. Hlamusela leswaku ha yini yi nga fani ni tin’wana ni ndlela leyi ku tihlanganisa na yona swi tisaka mikateko ha yona.
Risimu 189 ni xikhongelo xo pfala.
Vhiki Leri Sungulaka Hi July 26
Risimu 184
15 min: Switiviso swa vandlha. Khutaza hinkwavo leswaku va tisa swiviko swa vona swa ntirho wa nsimu wa July. Vafambisi va Dyondzo ya Buku ya Vandlha va fanele va vutisa un’wana ni un’wana la nga kona entlaweni wa vona la nga vikangiki, leswaku va ta rhumela swiviko hinkwaswo leswi nga vikiwangiki swa tin’hweti leti hundzeke ni xiviko xa July. Bokisi Ra Swivutiso.
10 min: “Nongonoko Lowuntshwa Wa Nhlengeletano Ya Xifundzha.” Nkulumo. Tivisa masiku lawa nhlengeletano ya xifundzha leyi landzelaka yi nga ta va ha wona. Khutaza lava ha riki vantshwa leswaku va anakanyisisa hi ku khuvuriwa. Khutaza hinkwavo leswaku va va kona eka xiyenge xin’wana ni xin’wana xa nongonoko.
20 min: Xana Ha Va Endla Vadyondzisiwa? Mulanguteri wa ntirho u burisana ni nandza un’we wa vutirheli kumbe malandza mambirhi ya vutirheli hi tinhla leti nga eka Xihondzo xo Rindza xa February 15, 1996, matluka 19-22. Kandziyisa swivangelo swa Matsalwa leswi kombisaka nkoka wa ku lava vanhu lava fanelekaka lava nga ensin’wini ya hina ivi hi va endla vadyondzisiwa. (Mat. 10:11) Vanhu lava hi vona lava konyaka hikwalaho ka vubihi hinkwabyo ni swiyimo swa nkala-vukwembu leswi nga kona lomu va tshamaka kona naswona hi vona lava nga lavaka Yehovha siku ra vukarhi byakwe ri nga si fika. (Ezek. 9:4; Sof. 2:2, 3) Exikarhi ka vona ku ni lava nga ni ‘mboyamelo lowunene eka vutomi lebyi nga heriki.’ (Mint. 13:48) Ntirho wa hina i ku endla vanhu vadyondzisiwa, hi va dyondzisa hinkwaswo leswi Yesu a hi leriseke swona. (Mat. 24:14; 28:19, 20) Hambiloko eku sunguleni hi pfuxa ku tsakela ka vanhu lava hi hlanganaka na vona entirhweni wa yindlu na yindlu, hi ku nyikela vumbhoni bya xitshuketa ni ntirho wa le xitarateni, hi endla vanhu vadyondzisiwa loko hi tlhelela eka vona—hi ku endla maendzo yo vuyela ni hi tidyondzo ta Bibele. Hlamusela swiringanyeto leswinene leswi tirhaka emhakeni leyi.
Risimu 14 ni xikhongelo xo pfala.