Minhlangano Ya Ntirho Ya August
Vhiki Leri Sungulaka Hi August 2
Risimu 39
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela xiviko xa ntirho wa nsimu xa sweswinyana xa vandlha ra ka n’wina. Khutaza vahuweleri hinkwavo ku hlanganyela entirhweni wa nsimu hi August. Tivisa malunghiselelo ya nsimu ya August 9.
17 min: “Xixima Swinene Vito Ra Yehovha Ro Saseka.” Xingheniso xa wena xi nga tluli minete, kutani a ku landzele bulo ra swivutiso ni tinhlamulo. Kandziyisa matsalwa lama tshahiweke.—Vona buku leyi nge U Nga Hanya, matluka 184-5.
18 min: “Dyondzo Ya Misava Ni Tipakani Ta Wena Ta Swa Moya.” Mutswari u bula ni n’wana wa yena wa mufana kumbe wa n’hwanyana hi xihloko lexi. Nakambe va tlhela va pfuxeta rungula leri yelanaka eka Xalamuka! ya January 8, 1996 matluka 23-7.
Risimu 148 ni xikhongelo xo pfala.
Vhiki Leri Sungulaka Hi August 9
Risimu 138
8 min: Switiviso swa vandlha. Xiviko xa timali. Boxa pakani ya ku va vahuweleri hinkwavo va hlanganyela entirhweni wa nsimu hi August.
12 min: Maphayona Ma Pfuna Van’wana—Ku Endliwe Nhluvuko Wo Tanihi Kwihi? Nkulumo ni mbulavurisano hi mulanguteri wa ntirho. Pfuxeta nkongomiso lowu nga eka Vutirheli Bya Hina Bya Mfumo bya September 1998, tluka 4. Hlamusela leswi hleriweke evandlheni, kutani hlamusela vandlha nhluvuko lowu endliweke hi lava pfuniweke. Bula ni phayona rin’we kumbe mambirhi swin’we ni vahuweleri van’wana lava vuyeriweke hikwalaho ka mpfuno wa maphayona lawa. Khutaza lava nga enxaxamelweni wo pfuniwa leswaku va tirhisa lunghiselelo leri.
25 min: “Xana Nyangwa Ya Vuphayona Yi Ku Pfulekerile Sweswi?” Bulo ra swivutiso ni tinhlamulo leri fambisiwaka hi nkulu. Hi ndlela leyi khutazaka, kombisa leswaku swi nga koteka leswaku vahuweleri vo tala va va maphayona. Vulavurisana ni maphayona lama nga ta hlamusela mintokoto ya wona leswaku ma swi kotise ku yini ku hlula swihinga leswi tolovelekeke leswaku ma humelela. Hlamusela “Xikombiso Xa Xiyimiso Xa Maphayona Ya Nkarhi Hinkwawo,” kandziyisa leswaku munhu a nga swi kota ku fikelela tiawara leti lavekaka loko a kunguhate kahle. Tivisa leswaku un’wana ni un’wana la navelaka ku kuma fomo ya xikombelo xa vuphayona, a nga tikumela yona loko ku hele minhlangano.
Risimu 202 ni xikhongelo xo pfala.
Vhiki Leri Sungulaka Hi August 16
Risimu 131
10 min: Switiviso swa vandlha. Ku sale mavhiki mambirhi ntsena eka August, kutani khutaza un’wana ni un’wana leswaku a hlanganyela entirhweni wa nsimu ku nga si hela n’hweti. Hlamusela “Nongonoko Lowuntshwa Wa Siku Ra Nhlengeletano Yo Hlawuleka.”
15 min: Swilaveko swa vandlha.
20 min: Xana Wa Hlanganyela Eku Endleni Ka Vadyondzisiwa? Bulo ni vayingiseri. Hikwalaho ka nhlayo leyikulu ya tibuku leti fambisiweke, pakani ya hina i ku sungula tidyondzo ta Bibele leswaku hi ta pfuna vanhu va vuyeriwa hi tibuku leti va tikumaka. Vana ni vahuweleri va hlamusela xiphiqo lexi va sivelaka leswaku va fambisa tidyondzo to tala: (1) A swi olovi ku kuma vanhu lava pfumelaka ku dyondza. (2) Van’wana va vanhu lava kombisaka ku tsakela va vula leswaku va tshama va khomekile lerova a va nge swi koti ku dyondza. (3) Endzhaku ko va dyondzo yi sunguriwile, a swi olovi ku kuma munhu yoloye ekaya leswaku u fambisa dyondzo nkarhi ni nkarhi. Nakambe hlamusela ndlela leyi van’wana va vahuweleri va nga ha titwaka ha yona hi ntirho wa dyondzo ya Bibele: (1) ‘Ndzi ti twa ndzi nga faneleki ku va mudyondzisi.’ (2) ‘A ndzi na nkarhi wo fambisa dyondzo vhiki ni vhiki.’ (3) ‘Ndza kanakana ku tiboha eka munhu un’wana.’ (4) ‘Ndza eneriseka hi ku hlanganyela eka swiphemu swin’wana swa vutirheli.’ Nyikela swiringanyeto leswinene leswi kombisaka leswaku va nga swi hlula njhani swihinga leswaku va ta hlanganyela entirhweni lowu wo endla vadyondzisiwa. Vana ni vahuweleri lava humelelaka va hlamusela hi ntsako lowu va veke na wona entirhweni wo fambisa dyondzo ya Bibele.—Vona xiengetelo xa Vutirheli Bya Hina Bya Mfumo bya April 1998, tindzimana 3-8, 15.
Risimu 100 ni xikhongelo xo pfala.
Vhiki Leri Sungulaka hi August 23
Risimu 94
10 min: Switiviso swa vandlha. Hlamusela nhluvuko lowu endliweke ensin’wini leyi nga aviwangiki. Tivisa vandlha hi malunghiselelo lama nga ta tirhisiwa hi September. Burisana ni muhuweleri un’we kumbe vambirhi malunghana ni ndlela leyi va tiphineke ha yona hi ku tirha nsimu leyi nga aviwangiki.
15 min: Pfuna Lava Ha Ku Tsakelaka Leswaku Va Tlangela Ku Kwetsima ka Mucato. Nkulu u fambisa bulo leri sekeriweke eka buku leyi nge, Ku Hlamulana, matluka 337-38. Hi hlangana ni mimpatswa leyi tsakelaka rungula ra Mfumo kambe leyi nga wu endleki nhluvuko hikwalaho ka leswi yi tshameke swin’we yi nga catanga. Bula hi ndlela leyi yi nga pfuniwaka ha yona leswaku yi twisisa xivangelo lexi endlaka leswaku Vakreste va va ni vukati lebyi xiximekaka. (Vona Xalamuka! (ya Xinghezi) ya January 8, 1992 matluka 26-7) Nyikela swiringanyeto leswi hi nga swi vulaka hi vutlhari ku pfuna mimpatswa leyi leswaku ha yini yi nga faneleki ku va xiphemu xa vandlha kukondza yi tekana hi nawu.
20 min: “Ku Tirhisa Swiphephana Leswaku Hi Kuma Vuyelo Lebyinene.” Swivutiso ni tinhlamulo. Endzhaku ka ndzimana 7, kombisa ndlela yo sungula dyondzo ya Bibele hi ku tirhisa xiphephana. Endzhaku ka ndzimana 9, kombisa ndlela yo sungula dyondzo hi ku tirhisa xiphephana lexi nge Xana Misava Leyi Yi Ta Pona? Khutaza hinkwavo leswaku va fikelela pakani ya ku va muhuweleri un’wana ni un’wana a fambisa dyondzo ya Bibele.
Risimu 133 ni xikhongelo xo pfala.
Vhiki Leri Sungulaka Hi August 30
Risimu 99
10 min: Switiviso swa vandlha. Tsundzuxa hinkwavo leswaku va tisa swiviko swa ntirho wa nsimu swa August. Vafambisi va Dyondzo ya Buku ya Vandlha va fanele va tiyiseka leswaku un’wana ni un’wana la nga entlaweni wa vona u tisile xiviko leswaku swiviko hinkwaswo swi ta hlanganisiwa hi September 6. Va fanele va tiyiseka leswaku swiviko hinkwaswo leswi nga vikiwangiki swa lembe leri ra ntirho swi yisiwa eka matsalana.
17 min: Hi Rhandza Vamakwerhu. Nkulumo hi nkulu, ku katsa ni ku burisana ni vayingiseri loku sekeriweke eka Xihondzo xo Rindza xa December 1, 1995, matluka 15-17, tindzimana 7-11. Kandziyisa vunghana lebyi hi byi tsakelaka loko hi va tiva kahle vamakwerhu, hi khutazana ni ku pfunana leswaku hi tiyisela miringo. Ringanyeta ndlela leyi ha yona hi nga kurisaka swinene vunghana bya hina. Rhamba vayingiseri leswaku va hlamusela mintokoto ya vona leyi kombisaka ndlela leyi va phyuphyisiweke ha yona ni ku tiyisiwa hi swikhutazo swa rirhandzu leswi va swi kumeke eka van’wana.
18 min: Nyikela Xivangelo Xa Ripfumelo Ra Wena. Nkulu u burisana ni muntshwa un’we kumbe vambirhi lava ha riki exikolweni xa le hansi. Nkarhi ni nkarhi va hlangavetana ni swiyimo leswi tintangha ta vona ta misava ti lavaka ku tiva xivangelo xa ku va vantshwa va hina va hlawula ku nga tihlanganisi na vona emintirhweni ya vona. Loko va ri karhi va tirhisa minkarhi yo tano ku hlamusela ripfumelo ra vona leri sekeriweke eBibeleni, vantshwa va hina va fanele va tiya eka leswi va swi nyenyaka. Vantshwa lava va burisana hi leswi va nga ta swi vula loko va nyikiwa fole kumbe swidzidzirisi. Pfuxeta nhlamuselo leyi nyikeriweke eka buku leyi nge Vantshwa, matluka 277-81. Hlamusela leswaku ku tiyimisela ku lwela ku endla leswi lulameke swi tirha tanihi xisirhelelo naswona swi nyikela vumbhoni lebyinene.
Risimu 129 ni xikhongelo xo pfala.