Switiviso
◼ Tibuku leti nga ta fambisiwa hi August: Yin’wana ni yin’wana ya tibroxara leti landzelaka leti nga ni matluka ya 32, yi ta fambisiwa hi munyikelo wa R1,20 yin’we: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini? ni leyi nge Xana Xikwembu Xa Hi Khathalela Hakunene? Tibroxara leti nge Buku Ya Vanhu Hinkwavo, Mimoya Ya Vafi—Xana Yi Nga Ku Pfuna Kumbe Yi Nga Ku Vavisa? Xana Yi Kona Hakunene?, Our Problems—Who Will Help Us Solve Them? ni leyi nge Will There Ever Be a World Without War? ti nga fambisiwa laha swi faneleke. September: Vutivi Lebyi Yisaka eVuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi R3,75. October: Tikopi ta Xihondzo xo Rindza ni Xalamuka! hi munyikelo wa R1,00 yin’we. November: I Yini Leswi Xikwembu Xi Swi Languteleke Eka Hina? hi munyikelo wa R1,20 kumbe Vutivi Lebyi Yisaka Evuton’wini Lebyi Nga Heriki hi munyikelo wa R5,00 eka buku leyi nga ni xifunengeto xo tsindziyela naswona leyi nga ni xifunengeto xo olova hi munyikelo wa R3,75. Ku nga ha fambisiwa: Vuhundzuluxeri Bya Misava Leyintshwa Bya Matsalwa Ya Vukreste Ya Xigriki hi munyikelo wa R4,00.
◼ HI KOMBELA MI XIYA: Lembe leri nakambe ku ta va ni nongonoko lowu heleleke hi Xibunu entsombanweni wa muganga wa le Durban. Swi ta tlangeriwa loko swivulavuri swa Xibunu leswi fanelekaka swi nga tiendla swi kumeka. Leswaku u kuma rungula leri engetelekeke leswaku ku endlisiwa ku yini, vona papila leri nge Eka Tihuvo Hinkwato Ta Vakulu, ra March 15, 1999.
◼ Ku sukela hi August 28, 1999 ku ya eka August 31, 1999, Sosayiti yi ta va yi hlaya xitoko xa tibuku hinkwato leti nga kona eBethele. Hikwalaho ka ku hlaya loku, a ku na tiodara ta tibuku ta mavandlha leti nga ta endliwa leswaku ti rhumeriwa kumbe ku landziwa hi masiku wolawo.
◼ Vandlha ha rin’we ri ta kuma tifomo tinharhu ta Literature Inventory (S-AB-18). Matsalana wa vandlha u fanele ku hlangana ni nandza wa tibuku eku sunguleni ka August kutani va veka siku leri va nga ta hlaya tibuku hinkwato leti va nga na tona evandlheni eku heleni ka n’hweti. Ti fanele ti hlayiwa hi xiviri tibuku leti nga kona exitokweni, naswona ntsengo wu fanele ku tsariwa eka fomo ya Literature Inventory. Ntsengo wa timagazini leti nga kona wu nga kumiwa eka nandza wa timagazini. Hi kombela mi tiyiseka leswaku swi endliwa hi September 1 ni leswaku kopi leyi tatiweke yi fanele yi rhumeriwa eka Sosayiti hi xihatla endzhaku ko va mi kume xitatimendhe xa August. Hlayisani kopi ya xona etifayilini ta n’wina. Kopi ya vunharhu yi nga tirha ku tsalela eka yona. Phepha ro hlayela eka rona ri fanele ri languteriwa hi matsalana, naswona fomo leyi heleleke yi fanele yi kamberiwa hi mulanguteri la ungamelaka. Matsalana swin’we ni mulanguteri wa vandlha va ta sayina fomo ya kona.
◼ Mavandlha ma fanele ma sungula ku oda tibeji ta ntsombano wa muganga wa 1999 eka odara ya wona ya tibuku ya August. Tibeji ti ta kumeka hi Xibunu, Xinghezi, Xipedi, Xiputukezi, Xisuthu, Xitswana, Xixhosa ni Xizulu. Tibeji ti nghena eka leswi odiwaka hi ku ringanisela, naswona mali ya tona yi ta nghenisiwa eka akhawunti ya tibuku ta vandlha, ti ta va khume wa tisente yin’we. Hi kombela mi oda hi nhlayo ya 20. Mavandlha lawa ma nga riki na akhawunti ya tibuku eka Sosayiti kumbe lama nga ni xikweleti eka akhawunti ya wona ma fanele ku rhumela oda ya wona ni mali. Tioda leti ti fanele ti fika eka Sosayiti ku nga si hundza November 1, 1999. Endzhaku ka sweswo a hi nge he tiamukeli tioda ta tibeji.