Switiviso

◼ Tibuku leti nga ta fambisiwa hi December: Vutivi Lebyi Yisaka eVuton’wini Lebyi Nga Heriki kun’we ni Vuhundzuluxeri Bya Misava Leyintshwa Bya Matsalwa Yo Kwetsima hi munyikelo wa R25,00 loko byi fambisiwa ni buku leyi nga ni xifunengeto xo tsindziyela, kasi loko byi fambisiwa ni leyi nga ni xifunengeto xo olova, byi ta fambisiwa hi munyikelo wa R23,75. Vuhundzuluxeri Bya Misava Leyintshwa Bya Matsalwa Ya Vukreste Ya Xigriki byi ta fambisiwa hi munyikelo wa R9,00 loko hi byi fambisa ni buku leyi nga ni xifunengeto xo tsindziyela naswona hi ta byi fambisa hi munyikelo wa R7,75 loko hi byi fambisa ni buku leyi nga ni xifunengeto xo olova. January: Vuhundzuluxeri Bya Misava Leyintshwa Bya Matsalwa Ya Vukreste Ya Xigriki na buku leyi nge Nghwazi Leyi Tshameke Yi Hanya kumbe Ku Lavisisa Ka Vanhu Xikwembu. February: Xihundla Xa Ntsako eNdyangwini. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala ya ku sungula tidyondzo ta le kaya ta Bibele.

◼ Mulanguteri la ungamelaka kumbe un’wana la hlawuriweke hi yena u fanele a hlaya timali ta vandlha hi December 1 kumbe hi ku hatlisa hilaha swi nga kotekaka hakona endzhaku ka sweswo. Loko se ti hlayiwile, tivisani vandlha hi nkarhi lowu mi endlaka xiviko xa timali xa n’hweti yoleyo.

◼ Xitsundzuxo xa 2001 xi ta va hi Sonto, April 8, endzhaku ka ku pela ka dyambu. Xitiviso lexi xi endliwa ka ha ri ni nkarhi leswaku vamakwerhu va ta endla malunghiselelo lama faneleke yo kuma tindhawu kumbe ku kombela ku tirhisa tiholo tin’wana leti kumekaka loko ku ri ni mavandlha yo hlayanyana lama tirhisaka Holo yin’we ya Mfumo naswona swi boha ku tirhisa tindhawu tin’wana. Hikwalaho ka leswi xiendlakalo lexi xi nga xa nkoka, loko huvo ya vakulu yi hlawula xivulavuri lexi nga ta nyikela nkulumo ya Xitsundzuxo, yi fanele yi hlawula makwerhu la fanelekaka swinene ematshan’weni yo cincana lembe ni lembe kumbe ku tirhisa makwerhu un’we ntsena lembe rin’wana ni rin’wana. A swi bihanga loko ku ri ni nkulu la nga ni vuswikoti loyi a nga mutotiwa leswaku a nyikela nkulumo leyi.

◼ Hi kombela mi xiya leswaku tindhawu ta tibuku ta Sosayiti, ku katsa ni leyi nga eBethele, ti ta pfariwa hi ku helela ku sukela hi December 10, 1999, hikwalaho ka lunghiselelo lerintshwa ra ku fambisa tibuku.