Xiyimiso Xa Nhlangano Wa Ntirho

Vhiki Leri Sungulaka Hi January 10

Risimu 107

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: “Ku Twarisa Vito Ra Yehovha eMisaveni Hinkwayo.” Bulo ra swivutiso ni tinhlamulo. Nyika tinhlamuselo mayelana ni ku nyikela vumbhoni hi xitshuketa, leti nga ebukwini leyi nge Vutirheli Bya Hina, matluka 93-4.

15 min: “Kambisisa Rito Ra Yehovha Siku Ni Siku!” Nkulumo kun’we ni ku burisana ni vayingiseri. Khutaza un’wana ni un’wana leswaku a xi tirhisa hi ndlela leyi vuyerisaka xibukwana lexi nge Ku Kambisisa Matsalwa Siku Ni Siku—2000. Katsa ni tinhlamuselo leti nga eka rito ro rhanga, matluka 3-4. Kombela vahuweleri va hlamusela matshalatshala lama va ma endlaka leswaku va kambisisa ndzimana ya siku ni tinhlamuselo ta yona siku ni siku.

Risimu 155 ni xikhongelo xo pfala.

Vhiki Leri Sungulaka Hi January 17

Risimu 12

10 min: Switiviso swa vandlha. Xiviko xa timali.

15 min: Swilaveko swa vandlha.

20 min: “Sungula Mabulo Hi Ku Tirhisa Swiphephana.” Hlamusela swiphephana swa mune leswi tirhisiwaka ngopfu ensin’wini ya ka n’wina. Vutisa xivutiso lexi nhlamulo ya xona yi kumekaka eka xiphephana ha xin’we. Kombela vayingiseri va ringanyeta ndlela leyi xivutiso xi nga tirhisiwaka ha yona ku sungula bulo kumbexana hambi ku ri ku sungula dyondzo ya Bibele. Kombisa ndlela leyi leswi swi nga endliwaka ha yona hi ku tirhisa swiphephana swimbirhi.

Risimu 57 ni xikhongelo xo pfala.

Vhiki Leri Sungulaka Hi January 24

Risimu 110

15 min: Switiviso swa vandlha ni mintokoto leyi kumiweke ensin’wini.

30 min: “Lunghiselelo Ra Hina Leri Antswisiweke Ra Ku Fambisa Tibuku.” Nkulu la fanelekaka u tlhuvutsa xihloko lexi ni vayingiseri. Nkulu loyi a nga katsa ni tinhla ta papila ra Sosayiti ra October 15, 1999. Kutani vana ni phayona kumbe muhuweleri la nga ni ntokoto la lunghiseleleke kahle, a kombise ndlela leyi rungula ra nkulumo leyi ri nga tirhisiwaka ha yona entirhweni wa nsimu. Hi ku tirhisa wun’wana wa timagazini ta sweswinyana leti nga ta fambisiwa entirhweni wa nsimu eka mahelo-vhiki lawa, muhuweleri a nga burisana ni n’wini wa muti hi xin’wana xa swihloko swa magazini. Loko muhuweleri a ri karhi a hlamusela yin’wana ya tinhla leti nga eka magazini, n’wini wa muti u ri: “Swa tsakisa leswi u ndzi byelaka swona.” Muhuweleri u ri: “Ndzi tsakela ku ku siyela magazini lowu leswaku u ta kota ku hlaya xihloko lexi kun’we ni swin’wana leswi nga eka magazini lowu.” N’wini wa muti wa vutisa: “Xana timagazini leti i mali muni?” Muhuweleri u ri: “A wu hakerisiwi mali loko u lava tibuku, kambe loko u swi tsakela ku endla munyikelo wutsongo wa ku seketela ntirho wa hina wa ku dyondzisa vanhu Bibele emisaveni hinkwayo, ndzi nga swi tsakela ku wu amukela.” N’wini wa muti u humesa munyikelo naswona muhuweleri u kombela n’wini wa muti leswaku a wu hoxa hi ku kongoma emvhilopheni leyi endleriweke ntirho wa misava hinkwayo. Muhuweleri u nkhensa munyikelo lowu humesiweke hi n’wini wa muti naswona u n’wi byela leswaku u ta tlhela a n’wi tisela minkandziyiso leyi landzelaka ya timagazini. Eka nkombiso wa vumbirhi, kombisa ndlela leyi muhuweleri a nga ta yi tirhisa leswaku a nga siyi buku eka n’wini wa muti loyi a swi tsakeleke ku vulavurisana ni muhuweleri kambe a nga ri tsakeli nikatsongo rungula ra Mfumo. U siya n’wini wa muti ni xiphephana. Eka nkombiso wa vunharhu, kombisa ndlela leyi xiphephana xi nga siyeriwaka munhu la nga tsakelaka kambe swi nga erivaleni leswaku u khomekile hi nkarhi wolowo naswona swi tikomba swi nga fanelanga hi nkarhi wolowo ku hlamusela ndlela leyi ntirho wa hina wa misava hinkwayo wu seketeriwaka ha yona. Muhuweleri u tshembisa ku tlhela a vuya hi nkarhi lowu faneleke. Loko a tlhela a vuya, u ta ringeta ku vona loko hakunene n’wini wa muti a wu tsakela ntirho wa hina, naswona loko a wu tsakela, u ta n’wi hlamusela hi ntirho wa hina ni ndlela leyi wu seketeriwaka ha yona.

Risimu 157 ni xikhongelo xo pfala.

Vhiki Leri Sungulaka Hi January 31

Risimu 16

15 min: Switiviso swa vandlha. Tsundzuxa hinkwavo ku tisa swiviko swa n’hweti ya January. Hlamusela buku leyi nga ta fambisiwa hi February: Buku leyi nge Ntsako eNdyangwini. Kombisa ndlela leyi swivutiso swinharhu leswi nga ebokisini leri nga eka tluka 12 ra buku leyi, swi nga tirhisiwaka ha yona tanihi xisekelo xa ku sungula bulo ni munhu un’wana.

30 min: Lunghekela Ku Landzela Nawu Wa Xikwembu eMhakeni Ya Ngati. Nkulu la fanelekaka u hlamusela nkoka wa ku tata khadi ra Advance Medical Directive/Release. Endzhaku ka nhlangano lowu, Timbhoni hinkwato leti khuvuriweke ti ta nyikiwa khadi lerintshwa ra Advance Medical Directive/Release, naswona lava nga ni vana lavatsongo lava nga khuvuriwangiki va ta nyikiwa Identity Card ra n’wana ha un’we. Makhadi lawa a ma fanelanga ma tatiwa madyambu ya namuntlha. Ma fanele ma tatiwa hi vukheta ekaya kambe MA NGA sayiniwi. Ku sayina ka wena ni ku sayina ka timbhoni ta wena ni ku tsala masiku eka makhadi hinkwawo swi ta endliwa endzhaku ka Dyondzo ya Buku ya Vandlha leyi landzelaka, mi ta pfuniwa hi mufambisi wa dyondzo ya buku. Loko mi nga si sayina, tiyisekani leswaku makhadi ma tatiwe hi ku helela. Entiyisweni, lava nga ta sayina tanihi timbhoni va fanele va n’wi vona hi ku kongoma loko n’wini wa khadi a sayina. Vahuweleri lava nga khuvuriwangiki va nga ha tiendlela makhadi ya vona kun’we ni ya vana va vona va cinca swin’wana leswi tsariweke ekhadini leri leswi nga va khumbiki, va tsala leswi pfumelelanaka ni swiyimo swa vona swin’we ni leswi va pfumelaka eka swona, leswaku va ta ma tirhisa. Vafambisi va Dyondzo ya Buku ya Vandlha va fanele va tiyiseka leswaku hinkwavo lava averiweke entlaweni wa vona va wu kuma mpfuno lowu va wu lavaka leswaku va tata makhadi ya vona ya Advance Medical Directive/Release. Leswaku u kuma vuxokoxoko byin’wana, vona papila ra October 15, 1992. Hlamusela tinhla leti faneleke leti nga eka Bokisi Ra Swivutiso leri nga eka Vutirheli Bya Hina Bya Mfumo bya September 1999. Khutaza vamakwerhu va landzela nkongomiso lowu hi nyikiweke wona wa ku endla fayili ya ku hlayisa swihloko leswi hlamuseriweke eka Bokisi Ra Swivutiso leri boxiweke laha ehenhla. Eka fayili leyi hi nga ha nghenisa Xalamuka! ya January 8, 2000.

Risimu 60 ni xikhongelo xo pfala.

Vhiki Leri Sungulaka Hi February 7

Risimu 113

10 min: Switiviso swa vandlha.

15 min: Nhlamulo eMhakeni Ya Ku ‘Fungha.’ Nkulumo leyi nga ta nyikeriwa hi nkulu, leyi sekeriweke eka Xihondzo xo Rindza xa July 15, 1999, matluka 29-31.

20 min: Ndlela Ya Ku Pfuna Van’wana Va Tiva Vukhongeri Bya Ntiyiso. Bulo exikarhi ka nandza wa vutirheli la fanelekaka ni vahuweleri vambirhi kumbe vanharhu leri khumbaka ndlela leyi vanhu van’wana va tsakisiwaka hi Timbhoni ta Yehovha kambe va nga voni ku hambana exikarhi ka vukhongeri bya hina ni byin’wana. Hlamusela tinhla ta khume leti nga eka tluka 20 ra Xalamuka! (ya Xinghezi) ya May 8, 1995. Hlamusela ndlela leyi ku tiva tinhla leti swi nga n’wi pfunaka ha yona munhu wa mbilu leyinene leswaku a vona ku hambana exikarhi ka vukhongeri bya ntiyiso ni bya mavunwa ni nkoka wa ku va munhu wa kona a dyondza eka vanhu va Yehovha ivi a hlanganyela na hina.

Risimu 182 ni xikhongelo xo pfala.