Bokisi Ra Swivutiso

◼ Xana swi fanerile ku phokotela loko munhu loyi a a susiwile a vuyiseriwa eku hlanganyeleni?

Hi nsovo, Yehovha Xikwembu u endlele vadyohi lava hundzukaka lunghiselelo ra Matsalwa ra ku tlhela a va amukela ivi va vuyiseriwa evandlheni ra Vukreste. (Ps. 51:12, 17) Loko va vuyiseriwa, hi khutaziwa ku kombisa rirhandzu ra hina eka vanhu vo tano lava hundzukaka.—2 Kor. 2:6-8.

Hambiloko hi tsaka loko xaka kumbe munhu loyi hi n’wi toloveleke a vuyiseriwa eku hlanganyeleni, ku fanele ku va ni moya wo rhula evandlheni loko ku hlayiwa xitiviso xa ku vuyiseriwa ka munhu eku hlanganyeleni. Xihondzo xo Rindza xa October 1, 1998, tluka 17, xi veke timhaka hi ndlela leyi: “Hambiswiritano, hi fanele hi tsundzuka leswaku vo tala evandlheni a va swi tivi swiyimo swo karhi leswi yiseke eku susiweni ka munhu kumbe eku vuyiseriweni ka yena. Ku engetela kwalaho, ku nga ha va ku ri ni van’wana lava khumbekeke hi ku kongoma kumbe va tweke ku vava—kumbexana ku ringana nkarhi wo leha—hikwalaho ka xidyoho xa munhu loyi sweswi a hundzukeke. Hikwalaho ko anakanyela timhaka to tano, loko ku endliwa xitiviso xa ku vuyiseriwa, hilaha swi twisisekaka ha kona a hi nge kombisi leswaku hi amukela munhu wo tano ku kondza hi vulavurisana na yena hi ku kongoma.”

Hambiloko swi hi tsakisa ku vona munhu wo karhi a tlhelela entiyisweni, ku phokotela hi nkarhi wa xitiviso xa ku vuyiseriwa ka yena a swi fanelanga.