Marungula Ya Swa Mfumo

◼ Afrika Dzonga: Mintsombano ya Muganga ya “Rito Ra Xikwembu Ra Vuprofeta” yi fambe kahle swinene. Ntsengo wa vanhu lava a va ri kona emintsombanweni leyi a yi ri eAfrika Dzonga ni le ka matiko lawa ri akelaneke na wona, a ku ri 140 835, naswona ku khuvuriwe vanhu va 2 443. Hi rhandza ku phofula ku tlangela ka hina eka Tikomiti hinkwato ta Ntsombano leti tirheke hi matimba ni vamakwerhu lava endleke mintirho ya ku tirhandzela leswaku mintsombano yi famba kahle.

Loko lembe lerintshwa ra 2000 ri sungula, ana se mavandlha yo tala a ma tirha hi ku hiseka ensin’wini leyi nga aviwangiki. Ha tsaka ku mi vikela leswaku vahuweleri va 5 580 va fambisele vanhu lava tsakelaka tibuku, tibroxara ni timagazini leti endlaka ntsengo wa 45545, naswona va hete tiawara ta 48 210 entirhweni lowu lowu vuyerisaka. Mavandlha ya khume lama tirhisaka Xilungu, hi ku tirhandzela a ma hlele ku tirha ni mavandlha ya le matiko-xikaya ya vantima. Swi tikombile leswaku lunghiselelo leri ri pfune vamakwerhu hinkwavo lava hlanganyeleke. Vandlha rin’wana ri vike leswaku “a swi ri swinene ku vona ndlela leyi vanhu va muganga a va tsake ha yona, loko va vona vamakwerhu va xinuna ni va xisati, lavakulu ni lavatsongo, vantima ni valungu va tirha swin’we.” Ha tshemba leswaku vamakwerhu vo tala va ta hlela kahle leswaku va hlanganyela eka tsima ra nan’waka.