Xiyimiso Xa Nhlangano Wa Ntirho
Vhiki Leri Sungulaka Hi April 10
Risimu 122
10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi nga rivali nkulumo yo hlawuleka leyi nga ta nyikeriwa hi April 16, leyi nga ni xihloko lexi nge “Lexi Endlaka Leswaku Vanhu Va Lava Nkutsulo.” Khutaza hinkwavo leswaku va endla ku hlaya ka Bibele ka Xitsundzuxo loku nga ta sungula hi April 14-19, hilaha ku kombisiweke hakona eka xibukwana lexi nge Ku Kambisisa Matsalwa Siku Na Siku—2000. Hlaya “Switsundzuxo Swa Nkhuvo Wa Xitsundzuxo,” eka tluka 4, ra xiengetelo.
15 min: “Xana Wa Ri Amukela Rirhandzu Ra Kreste?” Xingheniso xa wena xi nga tluli minete, kutani ku landzela bulo ra swivutiso ni tinhlamulo. Hlamusela tinhla leti humaka eka Xihondzo xo Rindza xa May 1, 1998, matluka 16-17, tindzimana 12-13. Khutaza un’wana ni un’wana leswaku a endla matshalatshala ya ku rhamba van’wana leswaku va ta eXitsundzuxweni.
20 min: “April—N’hweti Yo Hisekela Mintirho Leyinene!” Swivutiso ni tinhlamulo. Nkulumo leyi yi fanele yi va bulo leri hisaka leri kandziyisaka leswi hi lavaka ku swi endla hi April. Tirhisa timinete tinharhu kumbe ta mune to hetelela leswaku u tlhuvutsa xihloko lexi nge “Ku Hiseka Loku Khutazaka Vunyingi.”
Risimu 199 ni xikhongelo xo pfala.
Vhiki Leri Sungulaka Hi April 17
Risimu 25
13 min: Switiviso swa vandlha. Xiviko xa timali. Ku sele mahelo-vhiki mambirhi eka n’hweti leyi ya April, hikwalaho khutaza un’wana ni un’wana leswaku a hlanganyela evutirhelini bya nsimu ku nga si hela n’hweti leyi. Endla nkombiso wo koma wa ku fambisa timagazini ta sweswinyana. Swi nga ha endleka hi boheka ku burisana ni vanhu lava lavaka leswaku hi hlanganyela eka mikhuva ya vona ya Easter, hlamusela leswi nga ebukwini leyi nge Ku Hlamulana, tluka 273.
16 min: “Xana U Ni Moya Wa Ku Tinyiketela?” Swivutiso ni tinhlamulo. Hi fanele hi tiva swilo leswi nga swa nkoka ku tlula swin’wana, hi rhangisa swona. Hi fanele hi teka goza ni ku tiyimisela leswaku hi hambeta hi endla leswi nga ta hi vuyerisa hi tlhelo ra moya. Hlamusela leswi hi nga swi dyondzaka eka xikombiso xa Yesu.—Vona Insight, Vholumo 2, tluka 68, tindzimana 3-5.
16 min: Siya Timagazini Eka Vanhu Lava Ti Nga Ta Va Pfuna. Nkulumo leyi katsaka ku hlanganyela ka vayingiseri. Hlamusela swiringanyeto leswi nga eka Xalamuka! (ya Xinghezi) ya January 8, 1995, matluka 22-4. Hlamusela leswaku ha yini swi ri swa nkoka ku va hi lava vanhu lava tsakelaka swihloko swo karhi leswi nga eka timagazini. Boxa swikombiso swi nga ri swingani swa timagazini ta nkarhi lowu hundzeke ni muxaka wa vanhu lava a ti ta fambiseriwa vona, van’wamabindzu kumbe tinhlengeletano to karhi leti nga endhawini ya ka n’wina leti tsakeleke swihloko swo karhi. Kombela vayingiseri va hlamusela mintokoto ya vona leyi kombisaka ndlela leyi va kumeke ha yona vuyelo lebyinene hi ku tirhisa endlelo leri.
Risimu 71 ni xikhongelo xo pfala.
Vhiki Leri Sungulaka Hi April 24
Risimu 137
10 min: Switiviso swa vandlha. Boxa nhlayo ya lava a va ri kona evandlheni ra ka n’wina hi nkarhi wa Xitsundzuxo. Kombela vayingiseri va rungula leswi vuriweke hi lava a va rhambiwe ro sungula eXitsundzuxweni.
17 min: Pfuna Lavantshwa Leswaku Va Va Kona eMinhlanganweni. Nkulumo leyi sekeriweke ebukwini leyi nge Vutivi, matluka 161-3, tindzimana 5-8. Endzhaku ka loko u dyondze na vona nkarhi wo karhi, i swa nkoka leswaku lavantshwa va sungula ku va kona eminhlanganweni. Ku va rhamba leswaku va ta ku nga va ntirho lowukulu. Xana u nga endla yini leswaku u va khutaza? Lava va fambisaka tidyondzo va fanele va tinyika nkarhi wa ku hlaya rungula leri nga ebukwini leyi nge Vutivi kun’we ni vanhu lava va dyondzaka na vona naswona va fanele va endla malunghiselelo lama tiyeke leswaku va va pfuna va hlanganyela na hina evugandzerini bya ntiyiso.
18 min: “Xana U Muhuweleri Wa Mahungu Lamanene Wa Nkarhi Hinkwawo?” Nkulumo kun’we ni ku burisana ni vayingiseri leyi nga ta nyikeriwa hi matsalana. Hlamusela xivangelo xa ku va hi vika ntirho wa hina wa nsimu. (Vona buku leyi nge Vutirheli Bya Hina, matluka 106-8.) Hlamusela swiphiqo leswi swi vaka kona loko hi tsandzeka ku tisa swiviko swa hina hi nkarhi. Kombela vayingiseri va hlamusela leswaku va endla njhani leswaku va nga rivali ku tisa swiviko swa vona hi nkarhi. Hlamusela ndlela leyi vafambisi va Dyondzo ya Buku ya Vandlha va nga pfunaka ha yona. Ku sele mahelo-vhiki man’we eka n’hweti leyi ya April, hikwalaho kandziyisa nkoka wa ku va un’wana ni un’wana a hlanganyela entirhweni wa nsimu eku heleni ka n’hweti leyi.
Risimu 200 ni xikhongelo xo pfala.
Vhiki Leri Sungulaka Hi May 1
Risimu 213
12 min: Switiviso swa vandlha. Tsundzuxa hinkwavo leswaku va tisa swiviko swa vona swa vutirheli bya nsimu swa April. Vafambisi va Dyondzo ya Buku ya Vandlha va fanele va vutisa un’wana ni un’wana la nga entlaweni wa vona loko a vikile, leswaku swiviko hinkwaswo swi va swi hlanganisiwile hi May 6. Hlamusela Marungula Ya Swa Mfumo.
15 min: Swilaveko swa vandlha.
18 min: “Tiyiseka Leswaku Wa Vuyela!” Ku burisana ni vayingiseri. Hlamusela swivangelo leswi nga endlaka hi tsandzeka ku endla maendzo yo vuyela. Hlamusela nkoka wa ku tsala mavito ni tiadirese ta vanhu lava hi va endzeleke ni ku tiyimisela ka hina ku tlhelela eka vona. Ringanyeta leswaku swa fanela ku va hi vekela etlhelo nkarhi wo karhi vhiki rin’wana ni rin’wana leswaku hi endla maendzo yo vuyela. Hlamusela leswi nga ebukwini leyi nge, Vutirheli Bya Hina, matluka 88-9. Hlamusela ntokoto lowu nga eka 1995 Yearbook, tluka 45.—1 Kor. 3:6, 7.
Risimu 68 ni xikhongelo xo pfala.