Switiviso

◼ Tibuku leti nga ta fambisiwa hi September: Nghwazi Leyi Tshameke Yi Hanya. October: Timagazini ta Xihondzo xo Rindza ni Xalamuka! Ku sukela exikarhi ka n’hweti ku ta fambisiwa Kingdom News No. 36 leyi nge “Gidi Ra Malembe Lerintshwa—Xana Vumundzuku Byi Ku Khomele Yini?” November: Ku ta yiwa emahlweni ku fambisiwa Kingdom News No. 36. Mavandlha lama nga ta hlanganisa nsimu ya wona hi ku fambisa Kingdom News No. 36 eka vanhu hinkwavo, ma nga ha fambisa broxara leyi nge Leswi Xi Swi Languteleke kumbe buku leyi nge Vutivi. Loko ko kumeka leswaku vanhu se va na yona broxara leyi kumbe buku leyi, ku nga ha fambisiwa Vuhundzuluxeri Bya Misava Leyintshwa Bya Matsalwa Ya Vukreste Ya Xigriki. December: Vutivi Lebyi Yisaka eVuton’wini Lebyi Nga Heriki ni Vuhundzuluxeri Bya Misava Leyintshwa.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi September 1 kumbe hi ku hatlisa hilaha swi nga kotekaka hakona endzhaku ka siku leri. Loko se ti kambisisiwile, tivisani vandlha loko mi endla xiviko xa timali lexi landzelaka.

◼ Vakulu va tsundzuxiwa ku landzela swiletelo leswi nyikiweke eka matluka 21-3 ya Xihondzo xo Rindza xa April 15, 1991, malunghana ni vanhu lava susiweke kumbe lava tihambaniseke, lava kumbexana va lavaka ku vuyiseriwa.

◼ Sosayiti a yi swi tirhi swikombelo swa tibuku swa munhu un’we. Mulanguteri la ungamelaka u fanele ku endla malunghiselelo ya leswaku ku endliwa xitiviso n’hweti yin’wana ni yin’wana ku nga si rhumeriwa xikombelo xa vandlha xa tibuku xa n’hweti ni n’hweti eka Sosayiti, leswaku lava tsakelaka ku tikumela tibuku ta vona vini va tivisa makwerhu la tamelaka tibuku. Ku fanele ku tshama ku ri ni tibuku leti ringaneke leswaku maphayona ma ta ti tirhisa ensin’wini. Tsundzukani leswaku hi tihi tibuku leti welaka eka swikombelo swo hlawuleka.

◼ Mavandlha ma fanele ku sungula ku endla swikombelo swa 2001 Calendar of Jehovah’s Witnesses loko ma rhumela swikombelo swa wona swa tibuku swa September. Tikhalenda ti ta kumeka hi Xibunu, Xifurwa, Xigriki, Xijarimani, Xinghezi, Xintariyana, Xiputukezi, Xisuthu, Xixhosa ni Xizulu. Tikhalenda ti wela eka swikombelo swo hlawuleka.

◼ Tibuku Letintshwa Leti Kumekaka:

Watchtower Publications Index 1999—Xinghezi