Xiyimiso Xa Nhlangano Wa Ntirho

Vhiki Leri Sungulaka Hi September 11

Risimu 139

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: “Mikateko Ya Yehovha Ya Hi Fuwisa.” Endla xingheniso lexi nga hetiki minete kutani ku landzela bulo ra swivutiso ni tinhlamulo.—Vona Insight, Vholumo 2, tluka 804, tindzimana 6-7.

20 min: “Tirhisa Swiendlakalo Swa Sweswinyana Leswaku U Pfuxa Ku Tsakela.” Bulo ni vayingiseri leri nga ni minkombiso. Boxa swiendlakalo swi nga ri swingani swa sweswinyana leswi endhawini ya ka n’wina swi pfuxeke ku tsakela. Xana swiendlakalo sweswo swi pfuxe ku karhateka kwihi hi vumundzuku? Hi ku tirhisa buku leyi nge Ku Hlamulana, eka tluka 13, nyikela swiringanyeto leswi kombisaka ndlela ya ku lunghiselela xingheniso lexi nga yisaka eka bulo ra Bibele. Endla minkombiso yimbirhi leyi tirhaka ni leyi lunghiseleriweke kahle.

Risimu 224 ni xikhongelo xo pfala.

Vhiki Leri Sungulaka Hi September 18

Risimu 2

10 min: Switiviso swa vandlha. Xiviko xa timali. Tivisani hi malunghiselelo ya ntirho wa nsimu ya September 25. Bulo hi mulanguteri wa ntirho ra malunghiselelo ya nsimu leyi nga aviwangiki ya October, leyi ku nga nh’weti yo hetelela ya tsima leri. Khutaza hinkwavo ku hlanganyela hi xitalo.

15 min: Hi Tirhe Njhani N’wexemu? Nkulumo hi mulanguteri wa ntirho. Pfuxeta tinhla-nkulu ta xiviko xa vandlha xa lembe ra ntirho ra 2000. Bumabumela ntirho lowunene lowu endliweke. Boxa swivandla leswi lavaka ku antswisiwa. Yisa nyingiso eka ndlela leyi vandlha ri seketeleke minhlangano ha yona, ndlela leyi ri sunguleke ni ku fambisa tidyondzo ta Bibele ha yona, ni ku va kona minkarhi hinkwayo entirhweni wa nsimu. Boxa tipakani ta haxawa.

20 min: “Vutomi Bya Vanhu Byi Le Khombyeni!” Bulo ni vayingiseri. Kandziyisa matsalwa lama tshahiweke exihlokweni lexi.

Risimu 30 ni xikhongelo xo pfala.

Vhiki Leri Sungulaka Hi September 25

Risimu 93

15 min: Switiviso swa vandlha. Tsundzuxa vahuweleri leswaku va siya swiviko swa ntirho wa vona wa nsimu wa September. Pfuxeta Bokisi Ra Swivutiso.

15 min: Swilaveko swa vandlha.

15 min: Timagazini Ta Hina Ti Tshama Ti Ri Ta Risima. U endla yini loko minkandziyiso ya khale ya Xihondzo xo Rindza ni Xalamuka! yi pakelana? Vahuweleri van’wana va ni ntolovelo wa ku yi lahla, va ehleketa leswaku tinhloko-mhaka ta yona ti hundzeriwe hi nkarhi. Ku ri na sweswo, Vutirheli Bya Hina Bya Mfumo bya September 1993, eka tluka 3 byi hi khutaza ku tshama hi ri ni timagazini ta khale leswaku hi ta ti fambisa loko swi fanerile. U nga hlawula swihloko leswi nga enkarhini leswi nga ta koka nyingiso wa vavanuna, vavasati, vanhu va xiyimo xa le henhla, vanhu lava kuleke ni vantshwa; kutani u endla leswaku timagazini toleto ti tshama ti lunghekile leswaku u ta ti fambisa loko u pfulekeriwa hi lunghelo ro tano. Endla nkombiso wa ndlela leyi swihloko swi nga hlawuriwaka ni ku fambisiwa ha yona. Rungula mintokoto ya vahuweleri lava humeleleke hi ku fambisa timagazini ta khale.

Risimu 115 ni xikhongelo xo pfala.

Vhiki Leri Sungulaka Hi October 2

Risimu 169

15 min: Switiviso swa vandlha. Tivisa vandlha hi malunghiselelo yo hlawuleka lama endliweke ya ku fambisa Kingdom News No. 36, ku sukela hi Musumbunuku, October 16 ku ya fika hi Ravuntlhanu, November 17. Khutaza hinkwavo, ku katsa ni vantshwa ni lava ha ku sungulaka ku hlanganyela leswaku va lwela ku hlanganyela hi vutalo. Vafambisi va tidyondzo ta buku va fanele ku sungula sweswi ku khutaza ni ku hlela leswaku hinkwavo va mintlawa ya vona va hlanganyela hi ku hiseka hilaha va nga swi kotaka hakona. Katsa ni mintokoto leyi akaka ya ku fambisiwa ka Kingdom News enkarhini lowu hundzeke.

20 min: “Switsundzuxo Malunghana Ni Lunghiselelo Leri Olovisiweke Ra Ku Fambisa Tibuku.” Bulo ra swivutiso ni tinhlamulo hi mulanguteri la ungamelaka. Yi endle yi tirha endhawini ya ka n’wina hi ku tivisa vandlha laha ku nga ni swiphiqo kona. Vula marito yo tlangela ndlela leyi vandlha ri wu seketelaka ha yona Ntirho Wa Sosayiti Wa Misava Hinkwayo.

10 min: Mintokoto Ya Ku Sungula Mabulo. Eka xiyimiso xa Nhlangano wa Ntirho wa vhiki ra September 11, ku bumabumeriwe leswaku hi tirhisa swingheniso leswi vulavulaka hi swiendlakalo swa sweswinyana leswaku hi pfuxa ku tsakela ni ku sungula mabulo ensin’wini. Rhamba vayingiseri leswaku va rungula vuyelo lebyinene lebyi va byi kumeke ku ta fikela sweswi hi ku tirhisa swiringanyeto leswi.

Risimu 205 ni xikhongelo xo pfala.