Xiyimiso Xa Nhlangano Wa Ntirho

XIYA: Vutirheli Bya Hina Bya Mfumo byi ta va ni xiyimiso xa Nhlangano wa Ntirho xa vhiki rin’wana ni rin’wana ra November na December. Mavandlha ma nga ha endla ndzulamiso lowu faneleke leswaku ma kuma nkarhi wo ya eNtsombanweni wa Muganga wa “Vaendli Va Rito Ra Xikwembu” ni leswaku ma endla mpfuxeto wa timinete ta 30 wa tinhla-nkulu ta nongonoko wa ntsombano, eka Nhlangano wa Ntirho wa vhiki leri tlhandlamaka vhiki ra ntsombano. Mpfuxeto wo koma wa nongonoko wa siku ha rin’we wu fanele ku averiwa vamakwerhu vanharhu lava fanelekaka, ka ha ri ni nkarhi leswaku va kota ku xiya tinhla-nkulu. Mpfuxeto lowu wu fanele wu lunghiseleriwa kahle leswaku wu pfuna swirho swa vandlha swi tsundzuka tinhla-nkulu leti swi nga ti tirhisaka evuton’wini bya swona vini ni le nsin’wini. Tinhlamuselo tihi na tihi ta vayingiseri ku katsa ni mintokoto swi fanele swi koma naswona swi ba nhloko ya mhaka.

Vhiki Leri Sungulaka Hi November 13

Risimu 4

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo.

13 min: Bokisi Ra Swivutiso. Nkulumo hi nkulu.

22 min: “Ku Hlakulela Ku Tsakela Loku Pfuxiweke Hi Kingdom News No. 36.” Bulo ra swivutiso ni tinhlamulo ra tindzimana 1-5. Vula malunghiselelo lawa vandlha ri ma endleke leswaku ku hlanganisiwa nsimu yihi na yihi leyi nga si tirhiwaka. Pfuxeta swingheniso leswi nga eka tindzimana 7 na 8 leswi nga tirhisiwaka loko ku endliwa maendzo yo vuyela naswona endla nkombiso hi xin’wana ni xin’wana xa swona. Kandziyisa nkoka wa ku landzelela ku tsakela hinkwako loku kumiweke ni ku lwela ku sungula tidyondzo ta Bibele. Gimeta hi ku hlamusela ndzimana 9 ni matsalwa lama kombisiweke.

Risimu 63 ni xikhongelo xo pfala.

Vhiki Leri Sungulaka Hi November 20

Risimu 111

10 min: Switiviso swa vandlha. Xiviko xa timali.

15 min: Mintokoto Ya Loko Ku Fambisiwa Kingdom News No. 36. Hlamusela matshalatshala lama endliweke yo hlanganisa nsimu. Xana va kona evandlheni lava a vo sungula ku huma nsimu? Rungula swibumabumelo leswi vuriweke hi vini va miti. Xana va kona vahuweleri lava koteke ku sungula tidyondzo ta Bibele? Loko va ri kona, va kombele va hlamusela kumbe va kombisa ndlela leyi va endleke ha yona. Tsundzuxa hinkwavo ku hlakulela ku tsakela loku kumiweke.

20 min: “Hambetani Mi Chumayela!” Nkulumo ni mimbulavurisano. Vanhu van’wana va tihlanganise ni nhlengeletano ya Yehovha kutani va tirhise vutomi bya vona hinkwabyo entirhweni wa ku chumayela, va nga rhuteli. Hikwalaho ko va ni langutelo lerinene, va kume ntsako hi ku endla tano. (Vona buku leyi nge Vutivi, tluka 179, ndzimana 20 ni Xihondzo xo Rindza xa May 1, 1992, matluka 21-2, tindzimana 14-15.) Kombela muhuweleri loyi ku nga khale a ri karhi a hiseka leswaku a rungula swivangelo leswi n’wi endleke a phikelela entirhweni wa ku chumayela.

Risimu 141 ni xikhongelo xo pfala.

Vhiki Leri Sungulaka Hi November 27

Risimu 153

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu swa November. Hi December buku leyi nge Vutivi yi ta fambisiwa ni Vuhundzuluxeri Bya Misava Leyintshwa. Hlamusela ndlela leyi Timbhoni ta Yehovha ti hoxeke xandla ha yona eku humesiweni ka Bibele hi tindzimi to tala.—Vona Xihondzo xo Rindza xa October 15, 1997, matluka 11-12.

20 min: Yi Tirhise Kahle Buku Leyi Nge Ku Hlamulana. Bulo ra swivutiso ni tinhlamulo leri sekeriweke eka matluka 7-8 ya buku leyi. Kombisa ndlela leyi buku leyi yi endliweke ha yona, ku hi pfuna leswaku hi tilunghiselela ku humelela hilaha ku engetelekeke evutirhelini. Hlamusela ndlela leyi buku leyi yi nga tirhisiwaka ha yona loko ku nyikeriwa vumbhoni hi riqingho. Kombisa ndlela yo kuma rungula leri pfunaka loko u lava ku hlamula xivutiso xo karhi. Khutaza vahuweleri hinkwavo leswaku va tolovelana ni buku leyi, ni ku yi tirhisa minkarhi hinkwayo, a yi tshame yi ri eminkwameni ya vona ya le nsin’wini.

15 min: Xana Ndzi Nga Yi Lawula Njhani Mikhuva Ya Mina Ya Ku Hlalela TV? Nkulu u bula ni makwerhu la nga muntshwa, la hetaka tiawara to hlaya hi siku a hlalele TV. Eku sunguleni, makwerhu loyi u sindzisa leswaku a swi na khombo. U vula leswaku i ndlela yin’wana ya ku wisa naswona a yi n’wi khumbi hi ndlela yo biha. Nkulu u pfuxeta tinhla-nkulu ta ndzima 36 ebukwini leyi nge Swivutiso Leswi Vantshwa Va Swi Vutisaka. U hlamusela leswaku ku hlalela TV ku tlula mpimo ku dya nkarhi wa risima lowu nga tirhiseriwaka ku endla dyondzo ya munhu hi xiyexe, ku ya evutirhelini kumbe ku hoxa xandla eka swilaveko swa vandlha. Makwerhu la nga muntshwa u nkhensa ndzayo leyi kutani a vula leswaku u ta hundzula mikhuva ya yena ya ku hlalela TV, leswaku a ta vuyeriwa hi tlhelo ra moya.

Risimu 175 ni xikhongelo xo pfala.

Vhiki Leri Sungulaka Hi December 4

Risimu 189

10 min: Switiviso swa vandlha. Bumabumela hinkwavo lava hlanganyeleke etsimeni ra nsimu leyi nga aviwangiki. Bula hi xiviko xa ntirho lowu endliweke ni ku rungula mintokoto yihi na yihi leyi tsakisaka.

15 min: Swilaveko swa vandlha.

20 min: “Rito Leri Vuriweke Hi Nkarhi Wa Kona.” Bulo ni vayingiseri swin’we ni minkombiso. Vahuweleri vo tala va titwa va nga ri na xivindzi xa ku sungula mabulo, hi xihoxo va ehleketa leswaku va fanele ku va ni vuswikoti byo hlawuleka leswaku va kota ku endla tano. Hlamusela ndlela leyi hinkwerhu, ku katsa ni vahuweleri lava ha ku sungulaka ku hlanganyela ni lava ha riki vantshwa, hi nga ri sungulaka ha yona bulo hi ku olova. Pfuxeta swingheniso leswi ringanyetiweke, u kandziyisa ku olova ka swona kutani u va ni vahuweleri vambirhi kumbe vanharhu va endla nkombiso ha swona. Va byele leswaku va languta Vutirheli Bya Hina Bya Mfumo bya March 1998, tluka 8 leswaku va kuma swingheniso leswi engetelekeke, leswi nga tirhisiwaka. Khutaza hinkwavo leswaku va va ni langutelo lerinene leswaku va kuma ntsako lowu engetelekeke evutirhelini bya vona.

Risimu 218 ni xikhongelo xo pfala.