Mpfuxeto Wa Xikolo Xa Vutirheli Bya Le Tilweni — Watchtower LAYIBURARI YA LE KA WEB SITE

Mpfuxeto Wa Xikolo Xa Vutirheli Bya Le Tilweni

Tibuku a ti nge pfuriwi loko ku endliwa mpfuxeto wa mhaka leyi hlanganisiweke eka swiavelo swa Xikolo xa Vutirheli bya le Tilweni swa mavhiki ya September 4 ku ya eka December 18, 2000. Tirhisa phepha rin’wana leswaku u tsala tinhlamulo ta swivutiso swo tala hilaha u nga kotaka hakona hi nkarhi lowu u nyikiweke wona.

[Tsundzuka: Hi nkarhi wa mpfuxeto wo tsala, ku nga tirhisiwa Bibele ntsena eku hlamuleni ka xivutiso xihi na xihi. Swikombo leswi landzelaka swivutiso i swa ku pfuna wena leswaku u tiendlela ndzavisiso. Tinomboro ta matluka ni tindzimana swi nga ha endleka ti nga humeleli eka swikombo hinkwaswo swa Xihondzo xo Rindza.]

Hlamula yin’wana ni yin’wana ya tinhlamuselo leti landzelaka u ku I Ntiyiso kumbe I Mavunwa:

1. Davhida u alele Abixayi ku dlaya Ximeyi hi leswi Davhida a a ri ni nandzu wa swihehlo leswi Ximeyi a a n’wi hehla ha swona. (2 Sam. 16:5-13) [2, Ku hlaya ka Bibele ka vhiki ni vhiki; vona w99-TS 5/1 tl. 32 ndz. 3.] I Mavunwa. Davhida a a nga ri na nandzu eka swihehlo leswi Ximeyi a a n’wi hehla ha swona kutani hi ku titsongahata u ale ndzingo wa ku tirihisela. Ematshan’weni ya sweswo, u tshike mhaka yoleyo emavokweni ya Yehovha.

2. Ripfalo leri tengeke ni leri leteriweke kahle a ri endli ntsena leswaku munhu a va ni vuxaka lebyikulu na Xikwembu kambe i ra nkoka leswaku hi ta pona. (Hev. 10:22; 1 Pet. 1:15, 16) [3, w98-TS 9/1 tl. 4 ndz. 4] I Ntiyiso.

3. Rungula ra buku ya Tihosi to Sungula a hi ra nkoka eka Vakreste handle ko rungula matimu hikuva eka tihosi ta 14 leti fumeke Israyele na Yuda endzhaku ka Solomoni, i tihosi timbirhi ntsena leti endleke leswi lulameke ematihlweni ya Yehovha. [5, si-TS tl. 64 ndz. 1] I Mavunwa. Rungula ra Tihosi to Sungula ri tamele ndzayo, vuprofeta ni swikombiso leswi ‘huhuteriweke ni leswi pfunaka,’ naswona ri yelana hi ku kongoma ni nhloko-mhaka ya Mfumo ya “Matsalwa hinkwawo.” (2 Tim. 3:16, 17)

4. Ku Fuma Ka Gidi Ra Malembe ka Yesu ku nga pimanisiwa ni ku fuma ka Solomoni ka malembe ya 40 loku a ku rhurile ni loku humeleleke. (1 Tih. 4:24, 25, 29) [6, Ku hlaya ka Bibele ka vhiki ni vhiki; vona w90-TS 6/1 tl. 6 ndz. 5.] I Ntiyiso.

5. Ku lahliwa ka Abiya hi ndlela yo xiximeka i vumbhoni lebyi nga erivaleni bya leswaku endyangwini wa Yerobuwamu hi yena ntsena a a ri mugandzeri wa Yehovha la tshembekaka. (1 Tih. 14:10, 13) [9, Ku hlaya ka Bibele ka vhiki ni vhiki; vona w95-TS 4/1 tl. 12 ndz. 11.] I Mavunwa. U fe a ri xirho xa ndyangu wo homboloka wa Yerobuwamu, kambe Yehovha u kume “leswinene” eka Abiya kutani a endla hilaha a endleke hakona.

6. Loko munhu a khuvuriwa hi ndlela ya Vukreste, swi kombisa leswaku i nandza la wupfeke wa Xikwembu. [10, w98-TS 10/1 tl. 28 ndz. 2] I Mavunwa. Nkhuvulo i masungulo ya vutomi bya munhu la nga Mukreste; Mukreste la khuvuriweke wa ha fanele ku ‘chivirikela ku wupfa,’ a va ‘munhu la kuleke hi ku helela’ hi ku kula evutivini lebyi kongomeke. (Hev. 6:1; Efe. 4:13)

7. Yehovha u nyike Eliya xivindzi lexi nga ni matimba yo tlula ya munhu ni ku endla leswaku a nga chavi nchumu. (1 Tih. 18:17, 18, 21, 40, 46) [11, Ku hlaya ka Bibele ka vhiki ni vhiki; vona w98-TS 1/1 tl. 31 ndz. 2.] I Mavunwa. Eliya “a a ri munhu la nga ni mintlhaveko yo fana ni ya hina,” na yena a a chava naswona a a tshikilelekile. (Yak. 5:17; 1 Tih. 19:4)

8. Tempele ya Solomoni i muako lowu xiyekaka ku nga ri hi ku kwetsima ka yona ni swilo swa yona leswi vangamaka kambe hikwalaho ka leswi a yi yimela tempele ya Yehovha leyi kwetsimaka ngopfu. [12, si-TS tl. 69 ndz. 26] I Ntiyiso.

9. Swi le rivaleni leswaku ku pfariwa ka mahlo ya vuthu ra nyimpi ra Vasiriya hi ku landza rito ra Elixa a ku ri riphume ra mianakanyo hikuva vuthu a ri swi kota ku vona Elixa kambe a ri nga n’wi tivi leswaku i mani. (2 Tih. 6:18, 19) [14, Ku hlaya ka Bibele ka vhiki ni vhiki; vona si-TS matl. 70-1 ndz. 10.] I Ntiyiso.

10. Ku tlhandlekiwa ka “Vumbhoni” loku boxiweke eka 2 Tihosi 11:12, a ku ri ndlela yo fanekisela, leyi kombisaka leswaku nhlamuselo ya Nawu wa Xikwembu hi Hosi a yi kanetiwi naswona yi fanele ku yingisiwa. [16, Ku hlaya ka Bibele ka vhiki ni vhiki; vona w91-TS 2/1 tl. 31 ndz. 6.] I Mavunwa. Tanihi leswi hosi a yi fanele ku dyondza ni ku tirhisa Nawu wa Xikwembu evuton’wini bya yona hinkwabyo, ku nga ha va ku kombise leswaku hambi yona a yi le henhla ka Nawu wa Yehovha kumbe Vumbhoni. (Det. 17:18-20)

Hlamula swivutiso leswi landzelaka:

11. Hi ku pfumelelana na 1 Yohane 2:15-17, i yini leswi vatswari lava chavaka Xikwembu va faneleke ku khutaza vana va vona ku swi papalata loko va ri karhi va va kongomisa ku hlawula ntirho wa ku tihanyisa lowu faneleke? [1, w98-TS 7/15 tl. 5 ndz. 2] Vatswari va fanele ku khutaza vana va vona ku papalata ndhuma ni ku humelela ‘emisaveni leyi yi hundzaka.’

12. I yini leswi vuriwaka hi 2 Samuwele 18:8 loko yi ku: “Khwati ri dye vanhu ku tlula lava va dyiweke hi banga”? [2, Ku hlaya ka Bibele ka vhiki ni vhiki; vona w87-TS 3/15 tl. 31 ndz. 2.] Swi nga endleka leswaku leswi swi kombetela eka vavanuna va Absalomu, lava a va baleka hi ku chava ekhwatini leri nga ni maribye, kumbexana va wela emagoveni lama tumbeleke kutani va hakamela eswihlahleni leswi tlhumeke. (2 Sam. 18:9)

13. I vamani namuntlha lava nga fanekiselaka Varefayimi, maxaka ya Goliyadi, naswona va tiyimisele ku endla yini? (2 Sam. 21:15-22) [3, Ku hlaya ka Bibele ka vhiki ni vhiki; vona w89-TS 1/1 tl. 20 ndz. 8.] Tinghwazi ta tipolitiki ta misava ya Sathana ti nga fanisiwa ni Varefayimi. Hi ku fuma hi ku tshikilela, ti tlhontlha Yehovha ni ku ringeta ku xanisa timbhoni ta yena leswaku ti tiveka ehansi ka tona. (Mongo lowu fanaka)

14. Hi wihi nsinya wa nawu wa Bibele lowu vuyerisaka, lowu hi wu dyondzaka eka 2 Samuwele 6:6, 7? [4, si-TS tl. 63 ndz. 30] Swikongomelo leswinene a swi swi cinci swilaveko swa Xikwembu.

15. Hi wihi nsinya wa nawu wa nkoka lowu nga dyondziwaka eka xiendlakalo xa munhu la dlayiweke hikwalaho ko tlula nawu wa Savata? (Tinhl. 15:35) [6, w98-TS 9/1 tl. 20 ndz. 2] Mukreste u fanele ku rhangisa swilo swa nkoka naswona vugandzeri bya Yehovha byi fanele byi va byo rhanga eka swilo hinkwaswo.

16. Hi nga tekelela hosi ya xisati ya le Xeba hi ku endla yini, leyi tekeke riendzo ro leha yi ya yingisela ‘vutlhari bya Solomoni’? (1 Tih. 10:1-9) [8, Ku hlaya ka Bibele ka vhiki ni vhiki; vona w99-TS 7/1 tl. 31 ndz. 1-2.] Hi ku anakanyisisa hi xikombiso ni xiyimo xa mianakanyo xa Solomoni Lonkulu, ku nga Yesu, ni hi ku yingisa xileriso xakwe xa ku endla vadyondzisiwa. (Mat. 12:42)

17. Hi ku ya hi 1 Tihosi 17:3, 4, 7-9, 17-24, hi tihi tindlela tinharhu leti Eliya a kombiseke ripfumelo eka Yehovha ha tona? [10, Ku hlaya ka Bibele ka vhiki ni vhiki; vona w92-TS 4/1 tl. 19 ndz. 5.] Eliya u kombise ripfumelo eka Yehovha hi ku tshembela eka Yena leswaku u ta n’wi nyika swilaveko swa vutomi, hi ku landzela minkongomiso Yakwe ni hi ku titshega ha Yena leswaku a kwetsimisa vito Rakwe.

18. Ha yini ku ala ka Naboti ku nyikela hi nsimu yakwe eka Akabu a ku nga ri ku sihalala hi vomu? (1 Tih. 21:2, 3) [12, Ku hlaya ka Bibele ka vhiki ni vhiki; vona w97-TS 8/1 tl. 13 ndz. 18.] Naboti a a kombisa vutshembeki eka Xikwembu ni ku yingisa leswi tsariweke eNawini wa Muxe leswaku ndzhaka ya Muisrayele yi nga tshuki yi xaviseriwa makumu. (Lev. 25:23-28)

19. Marito lama kumekaka eka 2 Tihosi 6:16 ma tirhe njhani ku khutaza malandza ya Yehovha namuntlha? [14, Ku hlaya ka Bibele ka vhiki ni vhiki; vona w98-TS 6/15 tl. 18 ndz. 5.] Ma tiyise malandza ya Xikwembu leswaku ma ya emahlweni ma nyikela vumbhoni ku nga khathariseki matshalatshala ya ku ringeta ku ma miyeta hi minxungeto, hi ku chavisiwa, hi ku hlaseriwa, hi ku khotsiwa, hi tikampa ta nxaniso ni hi rifu.

20. Vakreste va ntiyiso va fanele ku tivonela eku xaveni kumbe eku xaviseni malunghelo ya moya hi tindlela tihi? [14, w98-TS 11/15 tl. 28 ndz. 5] Vakreste va fanele ku xiya leswaku va nga tilaveli malunghelo lama engetelekeke hi ku va dzunisa hilaha ku hundzeletiweke lava nga va nyikaka malunghelo yo tano kumbe ku va nyika tinyiko to tala. Kasi ni lava nga nyikaka malunghelo yo tano va fanele ku papalata ku rhandza lava swi kotaka—ni lava hakanyingi va hisekelaka—ku va nyika tinyiko to tala.

Tsala (ma-)rito kumbe xiga lexi lavekaka ku hetisa xivulwa xin’wana ni xin’wana lexi landzelaka:

21. Mukreste wa ntiyiso a nga fanelanga a pfumelela ku chava vanhu ivi a hlanganyela eka mikhuva leyi nga xi tsakisiki Xikwembu. (Swiv. 29:25; Mat. 10:28) [2, w98-TS 7/15 tl. 20 ndz. 5]

22. Pawulo u tirhise vutlhari loko a nyikela vumbhoni eka Hosi Agripa, a kandziyisa tinhla leti yena na Agripa a va pfumelelana eka tona. (Mint. 26:2, 3, 26, 27) [7, w98-TS 9/1 tl. 31 ndz. 3]

23. Van’wana va nga ha ehleketa leswaku Xikwembu a hi xa xiviri hileswi xi nga vonakiki, kambe ku dyondza Bibele hi vuenti swi ta pfuna munhu ku “vona Loyi a nga vonakiki.” (Hev. 11:27) [9, w98-TS 9/15 tl. 21 tindz. 3-4]

24. Hilaha swi vonakeke hakona eka Namani mulawuri wa vuthu wa Musiriya, minkarhi yin’wana swi vuyerisa ngopfu ku titsongahata. [14, Ku hlaya ka Bibele ka vhiki ni vhiki; vona w99-TS 2/1 tl. 3 ndz. 6–tl. 4 ndz. 1.]

25. Hilaha mbilu ya Yonadabu a yi tshembekile hakona ku ri ni ya Hosi Yehu, ntshungu lowukulu namuntlha wa n’wi xiya hi mbilu hinkwayo naswona wu tirhisana na yena Yehu Lonkulu, ku nga Yesu Kreste, loyi a yimeriwaka emisaveni hi Vakreste lava totiweke. (2 Tih. 10:15, 16) [16, Ku hlaya ka Bibele ka vhiki ni vhiki; vona w98-TS 1/1 tl. 13 tindz. 5-6.]

Hlawula nhlamulo leyi faneleke eka yin’wana ni yin’wana ya tinhlamuselo leti landzelaka:

26. I (Sathana; Yehovha; Yowabu) la hlohloteleke Davhida ku dyoha hi ku ‘hlaya Israyele.’ (2 Sam. 24:1) [4, Ku hlaya ka Bibele ka vhiki ni vhiki; vona w92-TS 7/15 tl. 5 ndz. 2.]

27. Hi ku pfumelelana ni 1 Tihosi 8:1 na Eklesiasta 1:1, Solomoni u hlengelete vanhu leswaku (va aka tempele; va hlongorisa valala va Israyele; va gandzela Yehovha). [7, Ku hlaya ka Bibele ka vhiki ni vhiki; vona si-TS tl. 112 ndz. 3.]

28. Malembe ya 20 lawa ha wona Solomoni a akeke tempele ni yindlu yakwe eYerusalema ma ringanisiwa ni nkarhi wa ku lulamisiwa ka dyondzo ni nhlengeletano, lowu sunguleke hi (1919; 1923; 1931) kutani wu hela hi (1938; 1942; 1950). (1 Tih. 9:10) [8, Ku hlaya ka Bibele ka vhiki ni vhiki; vona w92-TS 3/1 tl. 20 bokisi.]

29. Rito “matilo” hilaha ri tirhisiweke hakona eka 2 Tihosi 2:11 ri kombetela eka (ndhawu ya moya leyi Xikwembu xi tshamaka eka yona; vuako hinkwabyo lebyi vonakaka; xibakabaka xa misava, laha tinyenyana ti hahaka kona ni laha moya wu hungaka kona). [13, Ku hlaya ka Bibele ka vhiki ni vhiki; vona w97-TS 9/15 tl. 15 bokisi.]

30. La leriseke leswaku ku hlayiwa vanhu, ku nga swona leswi endleke leswaku Yesu a ya velekeriwa eBetlehema ku nga ri eNazareta i (Heroda Lonkulu; Khezari Awugosto; Tiberiyo Khezari). [16, w98-TS 12/15 tl. 7 bokisi.]

Twananisa matsalwa lama landzelaka ni tinhlamulo leti xaxametiweke laha hansi:

Ps. 15:4; 2 Sam. 12:28; 2 Sam. 15:18-22; 2 Tih. 3:11; Kol. 3:13

31. Elunghiselelweni ra Yehovha ra swa le tilweni vunhloko byi fanele ku xiximiwa. [2 Sam. 12:28] [4, si-TS tl. 63 ndz. 30]

32. Nhlengeletano ya Yehovha ni vayimeri va yona va fanele ku tshembiwa hilaha ku tiyeke. [2 Sam. 15:18-22] [4, si-TS tl. 63 ndz. 30]

33. Ku tlangela tintswalo ta Yehovha ku nga susumeta munhu leswaku a lehisa mbilu ni ku rivalela. [Kol. 3:13] [11, w98-TS 11/1 tl. 6 ndz. 3]

34. I lunghelo ku va ni malwandla ni ku ma tirhela hi ku titsongahata malandza yo tshembeka ya Yehovha lama endlaka ntirho wo hlawuleka. [2 Tih. 3:11] [13, Ku hlaya ka Bibele ka vhiki ni vhiki; vona w97-TS 11/1 tl. 31 ndz. 1.]

35. Munhu la chavaka Xikwembu u endla hinkwaswo leswi nga ematimbeni ya yena leswaku a hakela swikweleti swakwe, hambiloko swiyimo leswi nga languteriwangiki swi endla leswaku swi tika ku tlula hilaha a a langutele hakona. [Ps. 15:4] [15, w98-TS 11/15 tl. 27 ndz. 1]