Xiyimiso Xa Nhlangano Wa Ntirho

Vhiki Leri Sungulaka Hi January 8

Risimu 29

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: “Ku Voninga Ka N’wina A Ku Vonakale.”a Katsa ni tinhlamuselo leti nga eka Xihondzo xo Rindza xa June 1, 1997, tluka 15, tindzimana 12-13. Khutaza hinkwavo ku tirhisa lunghelo rin’wana ni rin’wana leswaku va nyikela vumbhoni.

20 min: “Vana Muyingiseri Lonene.” Nkulumo ni bulo ni vayingiseri. Pfuxeta tinhla leti nga eka Buku Yo Letele Ya Xikolo, matluka 27-8, tindzimana 15-17. Ndlela leyinene ngopfu yo xiya loko hi ri vayingiseri lavanene, i ku vona leswaku hi kota ku tsundzuka ku fikela kwihi. Kombela vayingiseri leswaku va hlamusela tin’wana ta tinhla-nkulu leti hlanganisiweke hi lava hlanganyeleke eku nyikeleni ka tinkulumo eXikolweni xa Vutirheli bya le Tilweni xa madyambu ya namuntlha.

Risimu 1 ni xikhongelo xo pfala.

Vhiki Leri Sungulaka Hi January 15

Risimu 51

10 min: Switiviso swa vandlha. Xiviko xa timali.

15 min: Swilaveko swa vandlha.

20 min: Xana U Kambisisa Matsalwa Siku Ni Siku? Nkulumo ni mimbulavurisano. Languta Xihondzo xo Rindza xa December 15, 1996, matluka 17-18, tindzimana 12-14, u kandziyisa leswaku i vutlhari ku va ndyangu wu bula hi ndzimana ya siku, siku rin’wana ni rin’wana. Vulavurisana ni swirho swa ndyangu, leswi ha xin’we xi tsundzukaka bulo ra ndzimana ya siku ra sweswinyana leri swi vuyeriseke swinene kutani swi hlamusela leswaku ha yini ri swi pfunile. Kandziyisa leswaku leswi swi fanele ku va xiphemu xa nongonoko wa minkarhi hinkwayo wa dyondzo ya ndyangu, lowu lunghiseleriweke ku tiyisa mindyangu ya hina, leswaku yi tshama yi ri karhi yi hiseka evutirhelini.

Risimu 67 ni xikhongelo xo pfala.

Vhiki Leri Sungulaka Hi January 22

Risimu 90

7 min: Switiviso swa vandlha.

18 min: Ndlela Yo Lunghiselela Swingheniso. Nkulumo ni minkombiso. Pfuxeta tinhla-nkulu eka tluka 9 ra buku leyi nge Ku Hlamulana. Kombisa ndlela yo hlawula swingheniso leswi u nga ta ntshunxeka ku swi vula naswona swi yi fanela kahle nsimu ya ka hina. Pfuxeta swingheniso leswi nga xikombiso, leswi nga tirhisiwaka loko ku fambisiwa broxara leyi nge Leswi Xi Swi Languteleke, kutani u endla nkombiso hi xin’we kumbe swimbirhi swa swona. (Vona Vutirheli Bya Hina Bya Mfumo bya April 1997, tluka 10.) Khutaza hinkwavo leswaku va swi tirhisa kahle swiringanyeto leswi kumekaka ebukwini leyi nge Ku Hlamulana ni le ka Vutirheli Bya Hina Bya Mfumo, loko va ri ensin’wini.

20 min: “Vatswari—Nghenisani Mikhuva Leyinene Eka Vana Va N’wina.” Nkulumo ni ku vulavurisana ni vatswari lava vana va vona va endlaka nhluvuko hi tlhelo ra moya. Vatswari va vula swilo leswinene leswi va swi endleke leswaku vana va vona va katseka evutirhelini bya nsimu. Loko nkarhi wu pfumela, katsa ni swiringanyeto leswi nga ebukwini leyi nge Xihundla Xa Ntsako eNdyangwini, matluka 55-9.

Risimu 96 ni xikhongelo xo pfala.

Vhiki Leri Sungulaka Hi January 29

Risimu 139

7 min: Switiviso swa vandlha. Tsundzuxa vahuweleri leswaku va siya swiviko swa ntirho wa le nsin’wini wa January. Vula minkandziyiso leyi nga ta fambisiwa hi February.

13 min: Ku Lavisisa Ka Vanhu Xikwembu. Nkulumo leyi sekeriweke eka Xihondzo xo Rindza xa April 1, 1991, matluka 16-19, leyi susumetaka vandlha ku langutela ku dyondziwa ka buku leyi nge Ku Lavisisa Ka Vanhu Xikwembu. Khutaza hinkwavo ku katsa ni vantshwa leswaku va hlanganyela vhiki rin’wana ni rin’wana loko ku dyondziwa buku leyi. Hinkwerhu hi lwela ku va kona nkarhi na nkarhi, hi tiyimisela ku dyondza ni ku swi tirhisa evutirhelini leswi hi swi dyondzaka.

25 min: Malunghiselelo Ya Rirhandzu Yo Khathalela Rihanyo Ra Hina. Nkulumo hi nkulu la fanelekaka, leyi sekeriweke epapileni ra December 1, 2000, ni phepha ra nkulumo leyi humaka eka Sosayiti. Kandziyisa leswaku ndlela yo antswa swinene ya le nawini ya ku tisirhelela eku pomperiweni ka ngati swi nga fanelanga, i ku tata khadi ra Advance Medical Directive/Release. Endzhaku ka nhlangano lowu, vahuweleri lava khuvuriweke va ta nyikiwa khadi leri, kambe RI NGA tatiwi madyambu ya namuntlha. Vandlha ri fanele ku va ni mphakelo lowu ringaneke wa makhadi. Makhadi hinkwawo ma ta sayiniwa hi vini va wona, ma sayiniwa ni hi timbhoni ni ku tsariwa masiku, endzhaku ka Dyondzo ya Buku ya Vandlha leyi landzelaka, hi ku pfuniwa hi mufambisi wa dyondzo ya buku loko swi laveka. U nga si sayina, tiyiseka leswaku makhadi ma tatiwe kahle. Lava nga ta sayina tanihi timbhoni va fanele ku n’wi vona hi xiviri n’wini wa khadi a ri karhi a sayina. Vafambisi va dyondzo ya buku va fanele ku tiyiseka leswaku hinkwavo lava averiweke emintlaweni ya vona va kuma mpfuno lowu va wu lavaka wa ku tata makhadi ya Advance Medical Directive/Release. Vatswari va nga tikumela makhadi ya Identity Card ya vana va vona endzhaku ka nhlangano lowu. Vahuweleri lava nga khuvuriwangiki va nga ha tiendlela makhadi ya vona kun’we ni ya vana va vona hi ku titsalela rungula leri yelanaka ni leri tsariweke eka makhadi lawa, leswaku va ta ma tirhisa eka swiyimo leswi va nga hlangavetanaka na swona ni ku ya hi leswi va swi pfumelaka.

Risimu 149 ni xikhongelo xo pfala.

Vhiki Leri Sungulaka Hi February 5

Risimu 168

10 min: Switiviso swa vandlha. Marungula Ya Swa Mfumo.

15 min: “Vana Muendli La Tsakeke.”b Kombisa leswaku i yini lexi engetelaka ntsako wa hina entirhweni wa Xikwembu, hilaha swi hlamuseriweke hakona ebukwini leyi nge Insight, Vholumo 2, tluka 120, tindzimana 6-8.

20 min: U Nga Byi Kuma Vuhungasi Lebyinene. Swirho swa ndyangu swi bula hi ndzayo leyi nyikiweke eka Xalamuka! ya June 8, 1997. Tatana u karhatekile hi vuhungasi lebyi ndyangu wa yena wu byi rhandzaka. Endzhaku ka loko swirho swa ndyangu swi hlamusele hi ku komisa xihloko lexi nge “Xana Ku Humelele Yini Hi Vuhungasi?” (matluka 18-21), swi yisa nyingiso eka mixaka ya vuhungasi leyi nga vaka yinene ni leyi vuyerisaka. Bulani hi rungula leri kumekaka ebukwini leyi nge Vutirheli Bya Hina, matluka 131-2, ehansi ka xihlokwana lexi nge “Vutihungasi,” na matluka 135-6, ehansi ka xihlokwana lexi nge “Endlani Hinkwaswo Ku Dzunisa Xikwembu.” Kandziyisani ndlela leyi vatswari va nga hoxaka xandla ha yona hi ku va lava rhangelaka ni xilaveko xa leswaku swirho swa ndyangu swi tirhisana leswaku ndyangu hinkwawo wu ta vuyeriwa.

Risimu 190 ni xikhongelo xo pfala.

[Tinhlamuselo ta le hansi]