Xiyimiso Xa Nhlangano Wa Ntirho

Vhiki Leri Sungulaka Hi March 12

Risimu 112

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: Swilaveko swa vandlha.

20 min: “April—Nkarhi Wa Ku ‘Tirha Hi Matimba Ni Wa Ku Tikarhata.’” (Tindzimana 1-13) Yi fanele ku nyikeriwa hi mulanguteri la ungamelaka. Bulo leri hisaka ra leswi hi navelaka ku swi fikelela hi April. Khutaza un’wana ni un’wana evandlheni leswaku a tikarhatela ku hlanganyela evutirhelini n’hweti yoleyo.

Risimu 147 ni xikhongelo xo pfala.

Vhiki Leri Sungulaka Hi March 19

Risimu 166

8 min: Switiviso swa vandlha. Xiviko xa timali.

15 min: “Pfuna Van’wana Leswaku Va Ta eMinhlanganweni.”a Xiengetelo xa Vutirheli Bya Hina Bya Mfumo bya June 1996, tindzimana 14-16, xi nyikela swiringanyeto leswi engetelekeke swo kongomisa swichudeni swa Bibele enhlengeletanweni. Kombisa ndlela leyi broxara leyi nge Leswi Xi Swi Languteleke (dyondzo 5, ndzimana 7) ni buku leyi nge Vutivi (ndzima 5, ndzimana 22) swi nga tirhisiwaka ha yona ka ha ri eku sunguleni, ku khutaza swichudeni leswaku swi va kona eminhlanganweni. Leswaku u kombisa leswi, endla leswaku ku va ni nkombiso lowu lunghiseleriweke kahle hi muhuweleri la nga ni vuswikoti, a khutaza xichudeni hi musa leswaku xi yi anakanyisisa hi vuenti mhaka ya ku ta eminhlanganweni.

22 min: “April—Nkarhi Wa Ku ‘Tirha Hi Matimba Ni Wa Ku Tikarhata.’” (Tindzimana 14-30) Yi fanele ku nyikeriwa hi mulanguteri wa ntirho. Nkulumo leyi swiyenge swo karhi swa yona swi faneleke swi katsa swivutiso ni tinhlamulo. Un’wana ni un’wana u fanele ku tiendlela xiyimiso lexi tirhaka leswaku a ta hlanganyela hilaha a nga kotaka hakona evutirhelini hi April. Hlamusela xiyimiso hinkwaxo xa minhlangano ya ntirho wa nsimu leyi hleleriweke n’hweti yoleyo. Khutaza hinkwavo lava nga swi kotaka ku va maphayona ya nkarhinyana leswaku va teka tifomo ta xikombelo endzhaku ka nhlangano.

Risimu 188 ni xikhongelo xo pfala.

Vhiki Leri Sungulaka Hi March 26

Risimu 204

10 min: Switiviso swa vandlha. Vula leswaku nkarhi wa ha ri kona wa ku tata fomo ya xikombelo xa ku va phayona ra nkarhinyana hi April. Khutaza hinkwavo ku fambisana ni ku hlaya ka Bibele ka Xitsundzuxo loku hleleriweke April 3-8, hilaha ku xaxametiweke hakona eka Ku Kambisisa Matsalwa Siku Ni Siku—2001. Tivisa siku leri Dyondzo ya Xihondzo xo Rindza yi nga ta khomiwa ha rona hi vhiki ra Xitsundzuxo. Ku nga rivariwi nkulumo yo hlawuleka ya le rivaleni Sonto yoleyi ya April 1, leyi nge “I Mani La Nga Ponisiwaka?” Khutaza hinkwavo leswaku va hlanganyela evutirhelini hi siku rero, va tilunghisela n’hweti ya April.

20 min: “Hinkwerhu A Hi Xiximeni Yehovha Ni N’wana Wa Yena.” Nkulumo ya Matsalwa leyi khutazaka, leyi nga ta nyikeriwa hi nkulu. Khutaza hinkwavo leswaku va hlanganyela hi xitalo hilaha va nga kotaka hakona entirhweni wo hlawuleka lowu kunguhateriweke April ni ku endla matshalatshala lamakulu ya ku rhambela vanhu eXitsundzuxweni.

15 min: Ku Lunghiselela Swingheniso Swa Hina Swa Ku Fambisa Timagazini. Hi ta fambisa Xihondzo xo Rindza na Xalamuka! hi April. Hlamusela tindzimana 3 na 10, eka tluka 12 ra Vutirheli Bya Hina Bya Mfumo bya October 1996. Kandziyisa (1) xihloko, (2) yinhla leyi hi ku kongoma u vulavulaka ha yona, (3) xivutiso lexi pfuxaka ku tsakela ni (4) tsalwa leri faneleke, leri nga tirhisiwaka kahle eku fambiseni ka magazini ha un’we wa sweswinyana. Lwela ku tirhisa broxara leyi nge Leswi Xi Swi Languteleke kumbe buku leyi nge Vutivi, ku sungula tidyondzo ta Bibele ni vanhu lava tsakelaka. Gimeta hi nkombiso lowu lunghiseleriweke kahle, lowu kombisaka ndlela leyi riendzo ro sungula ri nga endliwaka ha yona.

Risimu 207 ni xikhongelo xo pfala.

Vhiki Leri Sungulaka Hi April 2

Risimu 220

9 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu swa March. Pfuxeta “Switsundzuxo Swa Nkhuvo Wa Xitsundzuxo.”

18 min: “Rirhandzu Ri Hi Susumetela Ku Chumayela.”b Kandziyisa matsalwa lama nga exihlokweni lexi. Engetela tinhla leti kumekaka eka Insight, Vholumo 2, tluka 673, ndzimana 1. Kombela muhuweleri loyi se ku nga malembe a ri karhi a hiseka leswaku a hlamusela ndlela leyi ku rhandza Xikwembu ku n’wi susumeteke ha yona leswaku a phikelela entirhweni wa ku chumayela. Kombela vahuweleri hinkwavo leswaku va hlanganyela entirhweni wa ku chumayela hi April ni le ka tin’hweti hinkwato leti landzelaka.

18 min: Yi tirhise kahle Buku Ya Lembe Ya 2001. Nkulumo ni bulo ni vayingiseri. Pfuxeta “Mintsengo Hinkwayo Ya 2000,” eka tluka 31. Bula hi “Papila Leri Humaka Eka Huvo Leyi Fumaka,” eka matluka 3-5. Kombela van’wana eka vayingiseri leswaku va rungula xiviko kumbe ntokoto lowu humaka eka Buku Ya Lembe leyintshwa, leswi hi ku hlawuleka swi va khutazeke ni ku tiyisa ripfumelo ra vona. Khutaza mindyangu leswaku yi yi hlaya swin’we Buku Ya Lembe hinkwayo, hilaha ndyangu wa Bethele emisaveni hinkwayo wu endlaka hakona lembe hinkwaro. Kandziyisa swivutiso leswi nga eka tluka 255, leswi nga tirhisiwaka ku pfuxeta leswi dyondziweke. Kombela swiringanyeto malunghana ni ndlela leyi Buku Ya Lembe yi nga tirhisiwaka ha yona ku pfuna swichudeni swa Bibele leswaku swi yi tlangela ku antswa nhlengeletano ya Yehovha ni lunghelo ra ku va xiphemu xa yona.

Risimu 47 ni xikhongelo xo pfala.

[Tinhlamuselo ta le hansi]