Xiyimiso Xa Nhlangano Wa Ntirho

Vhiki Leri Sungulaka Hi May 14

Risimu 3

10 min: Switiviso swa vandlha ni Switiviso leswi hlawuriweke eka Vutirheli Bya Hina Bya Mfumo. Tsundzuxa hinkwavo ku endzela vanhu lava tsakelaka, lava a va ri kona eXitsundzuxweni, va ya va nyika mpfuno lowu engetelekeke wa moya.

15 min: Xana Rifuwo Ri Nga Ku Tisela Ntsako? Nkulumo hi nkulu, leyi sekeriweke eka Xihondzo xo Rindza xa May 15, 1998, matluka 4-6.

20 min: “Rito Ra Xikwembu . . . Ri Ni Matimba.”a Katsa ni minkombiso yimbirhi leyi lunghiseleriweke kahle, leyi kombisaka ndlela leyi swingheniso swo koma swi nga yisaka nyingiso eRitweni ra Xikwembu ha yona.

Risimu 31 ni xikhongelo xo pfala.

Vhiki Leri Sungulaka Hi May 21

Risimu 52

10 min: Switiviso swa vandlha. Xiviko xa timali.

20 min: Va Endle Xiboho Xa Vutlhari. Nkulumo leyi sekeriweke eka Xihondzo xo Rindza xa October 15, 1997, matluka 19-21, tindzima 3-16. Rungula mintokoto ya maphayona, leyi kombisaka leswaku ha yini va titwa va tirhise vutomi bya vona hi ndlela leyi vuyerisaka swinene. Khutaza hinkwavo lava nga kona leswaku va anakanyisisa hi ku va maphayona enkarhini lowu taka.

15 min: Swilaveko swa vandlha.

Risimu 105 ni xikhongelo xo pfala.

Vhiki Leri Sungulaka Hi May 28

Risimu 58

10 min: Switiviso swa vandlha. Tsundzuxa vahuweleri ku yisa swiviko swa vona swa ntirho wa nsimu swa May eka vafambisi va dyondzo ya vona ya buku.

15 min: I Yini Leswi U Kunguhateke Ku Swi Endla eTin’hwetini Leti Taka? Nkulu kumbe nandza wa vutirheli ni ndyangu wa yena va bula hi leswi va kunguhateke ku swi endla etin’hwetini leti taka. Va vulavula hi ku hlanganyela etsimeni ra nsimu leyi nga aviwangiki, ku va kona enhlengeletanweni ya xifundzha kumbe eka ya siku rin’we ni ku va kona eka nongonoko hinkwawo wa ntsombano wa muganga eku heleni ka lembe. Ndyangu wu tsundzuka mintokoto leyinene leyi wu veke na yona ematsimeni ya nkarhi lowu hundzeke ya nsimu leyi nga aviwangiki ni ntsako lowu wu wu kumeke hi ku endzela mavandlha man’wana. Wu tlhela wu bula hi vuphayona bya nkarhinyana kumbexana ni hi ku teka masiku yo karhi wu ya wisa ni ku ya tihungasa. Swirho hinkwaswo swa pfumela leswaku a swi lavi ku honisa swilaveko swa timhaka ta le tilweni, swo tanihi ku va kona eminhlanganweni ya vandlha, ku ya ensin’wini ni ku va ni dyondzo ya Bibele ya ndyangu, hambiloko swi endzele kun’wana. Swi ta tiyiseka leswaku swi vika ntirho wa swona wa le nsin’wini hi ku hatlisa eka mufambisi wa swona wa dyondzo ya buku, ku nga khathariseki leswaku swi kona ekaya kumbe swi endzile.

20 min: “Avelana Ni Van’wana Hi Ku Ya Hi Swilaveko Swa Vona.” Nkulumo hi nkulu la fanelekaka. Endla leswaku yi tirha evandlheni ra ka n’wina.

Risimu 79 ni xikhongelo xo pfala.

Vhiki Leri Sungulaka Hi June 4

Risimu 100

10 min: Switiviso swa vandlha ni mintokoto ya ntirho wa le nsin’wini.

15 min: “Hlanganyela Hi Xitalo eNtshovelweni.”b Loko u fika eka ndzimana 4, katsa ni xikombiso lexi humaka eka Xihondzo xo Rindza xa September 15, 1996, tluka 19, ndzimana 10, u kombisa leswi van’wana va swi endlaka leswaku va andzisa vutirheli bya vona.

20 min: “Nsimu Ya Ka Hina Hi Yi Tirhe Ko Tala!”c Yi fanele ku nyikeriwa hi mulanguteri wa ntirho. (Mavandlha lawa nsimu ya wona yi nga tirhiwiki nkarhi hinkwawo ma nga bula hi xihloko lexi nge “Timagazini Ti Huwelela Mfumo,” eka Vutirheli Bya Hina Bya Mfumo bya April 1998.) Hlamusela leswi nga endliwaka ensin’wini ya ka n’wina leswaku yi hlanganisiwa kahle. Rungula mintokoto leyi nga eka Buku Ya Lembe Ya 1997 (ya Xinghezi), tluka 204 ni leyi nga eka Xihondzo xo Rindza xa February 15, 1996, tluka 26. Kandziyisa nkoka wa ku va ni rungula leri tsariweke kahle ra ntirho wa yindlu ni yindlu, leswaku u tlhelela eka lava a va nga ri kona emakaya ni ku hatlisela ku endla maendzo yo vuyela.

Risimu 142 ni xikhongelo xo pfala.

[Tinhlamuselo ta le hansi]