Xiyimiso Xa Nhlangano Wa Ntirho

Vhiki Leri Sungulaka Hi June 11

Risimu 178

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo.

15 min: “Hambeta U ‘Endla Leswi Nga Swinene.’” Nkulumo ya Matsalwa leyi khutazaka leyi nyikeriwaka hi nkulu.

20 min: “Fikelela Mbilu Ya Xichudeni Xa Wena.”a Katsa ni swiringanyeto leswi tirhaka swa ndlela leyi vanhu lavantshwa va nga pfuniwaka ha yona ku hlakulela ku va ni ripfumelo eka Yehovha na Yesu etimbilwini ta vona ni ku va rhandza. Tirhisa tinhla-nkulu leti nga eka Xihondzo xo Rindza xa July 15, 1999, tluka 14, tindzimana 18-20.

Risimu 184 ni xikhongelo xo pfala.

Vhiki Leri Sungulaka Hi June 18

Risimu 194

5 min: Switiviso swa vandlha. Xiviko xa timali.

10 min: Ku Angula Lava Sivaka Mabulo. Bula ni vayingiseri. Kambisisa “Tinhlamuselo” leti nga ebukwini leyi nge Ku Hlamulana, matluka 15-16. Ku sukela eka matluka 16-20, hlawula yin’wana ya tindlela leti vanhu va angulaka ha tona ensin’wini ya ka n’wina. Kombela vayingiseri va hlamusela ndlela leyi va koteke ku hlamula ha yona ni leswaku hikwalaho ka yini yi tirha.

30 min: “Xana U Nga Tiendla U Va La Kumekaka?” Nkulumo leyi khutazaka, leyi nga ta pfa yi katsa tinhlamuselo ta vayingiseri loko va hlamula swivutiso leswi lunghiseleriweke eka ndzimana 13 na 18-24. Khutaza vatswari va pfuna vana va vona ku anakanya hi ku tivekela pakani ya ku tirha eBethele. Khutaza mindyangu leswaku yi hlaya xingheniso lexi swin’we edyondzweni ya yona ya ndyangu.

Risimu 197 ni xikhongelo xo pfala.

Vhiki Leri Sungulaka Hi June 25

Risimu 2

15 min: Switiviso swa vandlha. Hlamusela tibuku leti nga ta fambisiwa hi July na hi August. Kandziyisa tibroxara timbirhi leti nga kona evuhlayiselweni bya tibuku ta vandlha. Endla leswaku ku va ni minkombiso leyi lunghiseleriweke kahle, leyi kombisaka ndlela leyi ti nga fambisiwaka ha yona ensin’wini. Leswaku u kuma swingheniso leswi ringanyetiweke, vona matluka yo hetelela ya minkandziyiso ya Vutirheli Bya Hina Bya Mfumo bya July na August 1995 ku ya fika hi 1998.

15 min: “Xiviko Xa Nhluvuko Malunghana Ni Tiholo Ta Mfumo.” Nkulumo ni bulo ni vayingiseri leyi nyikeriwaka hi mulanguteri la ungamelaka. Bula hi leswi lavaka ku lunghisiwa eHolweni ya Mfumo. Loko vandlha ri nga ri na Holo ya Mfumo, hlamusela leswi nga endliwaka leswaku yi kumeka. (Vona xiengetelo xa Vutirheli Bya Hina Bya Mfumo bya May 2000.) Tlangela u tlhela u bumabumela vandlha hi munyikelo lowu ri wu rhumelelaka Sosayiti n’hweti ni n’hweti leswaku wu nghenisiwa eka Nkwama wa ku Akiwa Ka Tiholo Ta Mfumo. Khutaza ku hisekela ku akiwa ka Tiholo ta Mfumo naswona u khutaza leswaku vo tala va tinyiketela ku tirha hi ku tirhandzela. Vana ni mphakelo lowu ringaneke wa tifomo ta Kingdom Hall Construction Worker Questionnaire (S-82).

15 min: Swilaveko swa vandlha.

Risimu 29 ni xikhongelo xo pfala.

Vhiki Leri Sungulaka Hi July 2

Risimu 5

13 min: Switiviso swa vandlha. Tsundzuxa vahuweleri leswaku va yisa swiviko swa ntirho wa nsimu swa June eka vafambisi va dyondzo ya vona ya buku. Hlamusela bokisi leri nge “Xana Ku Ni Tibuku Ta Lembe Leti Kayivelaka eLayiburari Ya Wena?” Hlamusela mintokoto yo koma leyi hlawuriweke eka Tibuku Ta Lembe leti kombisiweke exihlokweni, u kombisa ntikelo wa leswi ti swi tameleke. Khutaza hinkwavo lava nga riki na tona Tibuku Ta Lembe toleto eka tilayiburari ta vona leswaku va endla swikombelo swa tona loko mphakelo wa tona wa ha kumeka.

15 min: Vantshwa—Tlharihani Loko Mi Hlawula Ntirho-vutomi. Leyi i nkulumo yo sungula eka tinkulumo tinharhu ta Nhlangano Wa Ntirho, leti nga ta hlamusela misinya ya milawu ya Matsalwa leyi fambisanaka ni ku antswisa dyondzo. Vantshwa van’wana lava nga Vakreste va lwela ku kuma dyondzo ya le henhla leswaku va ta kuma mintirho, kutani sweswo swi veka vumoya bya vona ekhombyeni. Nkulumo leyi i bulo exikarhi ka vatswari vambirhi ni n’wana wa vona wa jaha kumbe wa nhwanyana wa kondlo-a-ndzi-dyi. Muntshwa u fike laha a faneleke ku endla xiboho xa nkoka hi vumundzuku bya yena. Hambileswi vantshwa van’wana va lavaka ku kuma mali, ndhuma kumbe vulovolovo evuton’wini, ndyangu wu kambisisa Bibele ku vona leswi yi swi bumabumelaka. (Vona buku leyi nge Swivutiso Leswi Vantshwa Va Swi Vutisaka, matluka 174-5; Xihondzo xo Rindza xa August 15, 1997, tluka 21 ni xa September 1, 1999, matluka 19-21, tindzimana 1-3 na 5-6.) Muntshwa wa pfumela leswaku i vutlhari ku dyondzela ntirho lowu nga ta n’wi pfuna ku fikelela tipakani ta moya leswaku a yisa timhaka ta Mfumo emahlweni.

17 min: “Xalamukela Ku Kuma Vanhu Lava Feke Tindleve eNsin’wini Ya Ka N’wina.”* Loko yi tiveka nhlayo ya vanhu lava feke tindleve, lava nga ensin’wini ya vandlha ra ka n’wina, vula leswaku i vangani. Rungula ntokoto lowu nga eka Vutirheli Bya Hina Bya Mfumo bya February 1998, tluka 3, ndzimana 7.

Risimu 32 ni xikhongelo xo pfala.

[Nhlamuselo ya le hansi]