Xiyimiso Xa Nhlangano Wa Ntirho

Vhiki Leri Sungulaka Hi July 9

Risimu 4

12 min: Switiviso swa vandlha. Mulanguteri wa ntirho u hlamusela malunghiselelo ya nsimu leyi nga aviwangiki—masiku, ndhawu leyi nga ta tirhiwa, byetlelo, malunghiselelo ya swo famba hi swona ni tibuku leti nga ta fambisiwa. Pfuxeta papila ra May 30, 2001.

15 min: Xiviko Xa Ntirho Wa April. Nkulumo leyi nga ta nyikeriwa hi matsalana ni mimbulavurisano. Kandziyisa xiviko xa ntirho wa le nsin’wini wa April xa vandlha ra ka n’wina. Bula ni vahuweleri vo hambana-hambana lava endleke matshalatshala lama engetelekeke ensin’wini hi n’hweti yoleyo. Va kombele va vula ntsako lowu va wu kumeke hikwalaho ko va va hlanganyele hi xitalo ni leswi va swi endlaka leswaku va tshama va khomekile evutirhelini.—Vona xiengetelo xa Vutirheli Bya Hina Bya Mfumo bya March 2001, tindzimana 28-30.

18 min: “Xana U Nga Ya U Ya Tirha Laha Ku Nga Ni Xilaveko Lexikulu?”a Katsa ni mintokoto leyi khutazaka leyi vahuweleri va vandlha ra ka n’wina va yi kumeke loko va tirha nsimu ya le handle kumbe leyi nga tirhiwiki minkarhi hinkwayo. (Vona buku leyi nge Vutirheli Bya Hina, matluka 112-13.) Nakambe yisa nyingiso eka nxaxamelo wa tindhawu leti lavaka mpfuno, eka xihloko lexi nge “Ku Tirha Laha Ku Nga Ni Xilaveko Lexikulu.”

Risimu 42 ni xikhongelo xo pfala.

Vhiki Leri Sungulaka Hi July 16

Risimu 10

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

15 min: Vantshwa—Hlayelani Ntsengo Lowu Nga Ta Dyiwa Hi Ntirho-vutomi Wa N’wina. Tatana ni n’wana wa yena wa kondlo-a-ndzi-dyi wa mufana kumbe wa nhwanyana va ta eka nkulu la nga ni ntokoto entirhweni wa ku tihanyisa. Endzhaku ko bula hi nkulumo ya Nhlangano Wa Ntirho wa mavhiki mambirhi lama hundzeke malunghana ni ku hlawula ntirho-vutomi, muntshwa loyi u anakanyisisa hi vuphayona bya nkarhi hinkwawo kambe a nga tiyiseki leswaku a nga tihanyisa njhani hi tlhelo ra timali. Nkulu u kandziyisa xilaveko xa ku va ni langutelo lerinene. (Xihondzo xo Rindza xa September 1, 1999, tluka 11, ndzimana 13) I vutlhari ku kuma ndzetelo wo karhi leswaku u ta kota ku tiwundla. Vo tala va humelerile swinene hi ku dyondza mintirho ya xisekelo leyi nga dyiki nkarhi wo tala ni mali yo tala. (Xihondzo xo Rindza xa February 1, 1996, tluka 14; buku leyi nge Swivutiso Leswi Vantshwa Va Swi Vutisaka, tluka 178) Va bula swin’we hi Xalamuka! ya March 8, 1996, matluka 9-11 ni swiringanyeto swin’wana leswi tirhaka swa ku kuma kumbe ku tisungulela ntirho lowu faneleke wa ku tihanyisa.

20 min: Timbhoni Ta Yehovha—I Vamani Xana? Ti Pfumela Yini Ke? Bulo ni vayingiseri ni nkombiso. Kambisisa broxara leyi kutani u hlamusela ndlela leyi yi nga tirhisiwaka ha yona ku tivisa van’wana hi hina ni ntirho wa hina. Yi boxa leswaku hi vamani (matluka 3-5), yi kandziyisa matimu man’wana ya hina ni mintirho ya manguva lawa (matluka 6-11), yi xaxameta tidyondzo ta hina leti endlaka leswaku hi hambana ni vukhongeri byin’wana (matluka 12-14), yi hlamusela mahungu lamanene lawa hi ma chumayelaka ni ndlela leyi hi ma chumayelaka ha yona (matluka 15-21), yi kombisa ndlela leyi ntirho wa hina wu vuyerisaka vanhu ha yona (matluka 22-4), yi hlamusela xivumbeko xa nhlengeletano ya hina emisaveni hinkwayo (matluka 25-6) naswona yi hlamula swivutiso leswi vanhu va talaka ku swi vutisa ha hina (matluka 27-31). Endla nkombiso wa muhuweleri la tirhisaka broxara leyi ku hlamula xin’wana xa swivutiso leswi nga eka tluka 29, lexi vutisiwaka hi n’wini wa muti la lavaka ku tiva, endzhaku ka sweswo muhuweleri a n’wi rhamba hi ku tirhisa xirhambo lexi nga eka tluka ro hetelela. Khutaza hinkwavo leswaku va tirhisa broxara leyi ku pfuna maxaka lama nga riki Timbhoni leswaku ma tolovelana na hina, va pfuna vanhu lava kombiseke ku tsakela loko va endla maendzo yo vuyela ni ku kongomisa swichudeni swa Bibele enhlengeletanweni.

Risimu 50 ni xikhongelo xo pfala.

Vhiki Leri Sungulaka Hi July 23

Risimu 19

10 min: Switiviso swa vandlha. Xiviko xa timali. Hlamusela malunghiselelo yo hetelela ya nsimu leyi nga aviwangiki.

15 min: Swilaveko swa vandlha.

20 min: “Lunghekela Ku Dyondza Vuprofeta Bya Esaya!”b Hi ku komisa hlamusela ndlela leyi hi nga ta vuyeriwa ha yona hi ku dyondza buku ya Esaya. (Vona ndzima 1, tindzimana 10-12 ebukwini leyi nge Vuprofeta Bya Esaya I.) Khutaza hinkwavo leswaku va va kona minkarhi hinkwayo eka Dyondzo ya Buku ya Vandlha.

Risimu 53 ni xikhongelo xo pfala.

Vhiki Leri Sungulaka Hi July 30

Risimu 22

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va yisa swiviko swa ntirho wa nsimu swa July eka vafambisi va Dyondzo ya vona ya Buku ya Vandlha.

20 min: Vantshwa—Tlharihani Loko Mi Kunguhata Dyondzo Ya N’wina. Nkulu u bula ni vatswari vo karhi ni vana va vona va kondlo-a-ndzi-dyi malunghana ni dyondzo yo engetela. Nkulu u rhangela bulo loko a hlamusela Xihondzo xo Rindza xa September 1, 1999, matluka 16-17, tindzimana 11-13, a kandziyisa swivangelo swa leswaku ha yini vutirheli bya nkarhi hinkwawo byi fanele byi va byo sungula enxaxamelweni wa swilo leswi nga swa nkoka eka vona. (Xihondzo xo Rindza xa December 1, 1996, matluka 18-19, tindzimana 13-15) Kutani hinkwavo va bula hi ndzayo leyi nga eka Xalamuka! ya March 8, 1998, matluka 27-8, leyi kandziyisaka xilaveko xa ku tirhisa vutlhari loko u anakanyisisa hi vuyelo ni makhombo ya dyondzo leyi engetelekeke, ni ku kuma dyondzo leyi lavekaka leswaku munhu a tiwundla loko a ri karhi a hisekela ku yisa vutirheli emahlweni. Hinkwavo va pfumela leswaku va fanele ku kongomisiwa hi xikhongotelo xa Yesu xa ku rhangisa swilaveko swa Mfumo.—Mat. 6:33.

15 min: Good News for All Nations. Bulo ni vayingiseri ni nkombiso lowu kombisaka ndlela yo tirhisa xibukwana lexi, lexi tameleke rungula ro koma ro nyikela vumbhoni hi tindzimi ta 59. Nhlayo leyi andzaka ya vaaki etikweni leri i ya vanhu lava vulavulaka tindzimi timbe. Kombisa ndlela leyi hi nga chumayelaka vanhu vo tano ha yona, hi tirhisa xibukwana lexi nge Good News for All Nations. Katsakanya nhloko-mhaka leyi nge “Use of This Booklet,” eka tluka 2, naswona u hlaya xingheniso lexi tsariweke hi ririmi leri tirhisiwaka evandlheni ra ka n’wina kumbe leri twisisiwaka endhawini ya ka n’wina. Endla nkombiso wa leswi nga endliwaka loko munhu la ku amukelaka ensin’wini a vulavula ririmi rimbe. Rungula mintokoto yin’wana ni yin’wana leyinene ya ndlela leyi leswi swi endliweke ha yona ensin’wini ya ka n’wina.—Vona xiengetelo xa Vutirheli Bya Hina Bya Mfumo bya February 1998, tindzimana 9, 10.

Risimu 57 ni xikhongelo xo pfala.

Vhiki Leri Sungulaka Hi August 6

Risimu 25

15 min: Switiviso swa vandlha. Kombela vayingiseri va rungula mintokoto leyi va yi kumeke hi ku chumayela hi xitshuketa loko va ye eku xaveni, va ri eku wiseni, entirhweni, exikolweni kumbe loko va endzele maxaka lama nga riki Timbhoni.

10 min: “Nongonoko Lowuntshwa Wa Nhlengeletano Ya Xifundzha.” Nkulumo. Tivisa masiku ya nhlengeletano ya xifundzha leyi landzelaka. Hinkwavo va fanele ku endla matshalatshala yo hlawuleka ya ku rhamba swichudeni swa Bibele. Khutaza vahuweleri lava nga si khuvuriwaka leswaku va anakanyisisa swinene hi ku kombisa ku tinyiketela ka vona eka Yehovha hi ku khuvuriwa enhlengeletanweni leyi landzelaka. Khutaza hinkwavo leswaku va va kona eka swiyenge ha swimbirhi swa siku ha rin’we.

20 min: “U Nga Kanakani!”c Loko nkarhi wu pfumela, rungula mintokoto leyi humaka eka Xihondzo xo Rindza xa December 15, 1999, tluka 25.

Risimu 63 ni xikhongelo xo pfala.

[Tinhlamuselo ta le hansi]