Xiyimiso Xa Nhlangano Wa Ntirho

Vhiki Leri Sungulaka Hi September 10

Risimu 86

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

13 min: Swilaveko swa vandlha.

22 min: “Xana U Hetisisa Vutirheli Bya Wena Hi Xitalo?”a Endzhaku ko bula hi tindzimana 1-3 ni vayingiseri, endla minkombiso yimbirhi yo koma—wun’wana wu endliwa hi Xalamuka! ya September 8, lowun’wana wu endliwa hi Xihondzo xo Rindza xa September 15. Endzhaku ko bula hi ndzimana 4, endla nkombiso hi xingheniso lexi ringanyetiweke, u tirhisa buku leyi nge Vutivi.

Risimu 124 ni xikhongelo xo pfala.

Vhiki Leri Sungulaka Hi September 17

Risimu 92

15 min: Switiviso swa vandlha. Xiviko xa timali. “Swi Kumeka Eka Index.” Kombisa ndlela yo kuma swingheniso swa buku leyi nge Ku Rhula Ka Ntiyiso Ni Nsirhelelo.

15 min: Hi Tirhe Njhani N’wexemu? Nkulumo hi mulanguteri wa ntirho. Vula tinhla-nkulu ta xiviko xa vandlha xa lembe ra ntirho ra 2001. Bumabumela hinkwavo hi ntirho lowunene lowu va wu endleke. Yisa nyingiso eka ndlela leyi vandlha ri tirheke ha yona hi ku va kona eminhlanganweni, hi ku huma nsimu minkarhi hinkwayo ni hi ku fambisa tidyondzo ta Bibele, u vula ni tindlela leti tirhaka leti ri nga endlaka nhluvuko ha tona. Veka tipakani ta haxawa leti nga fikeleriwaka.

15 min: Bokisi Ra Swivutiso. Nkulumo. Hlamusela xiyimiso xa vandlha xa vhiki ni vhiki xa nhlangano wa ntirho wa nsimu. Hlamusela ndlela leyi hinkwavo lava vaka kona va nga hoxaka xandla leswaku mabulo ya minhlangano leyi ma va lama akaka. Khutaza vandlha leswaku ri seketela malunghiselelo lawa ya ntirho wa nsimu.

Risimu 129 ni xikhongelo xo pfala.

Vhiki Leri Sungulaka Hi September 24

Risimu 97

15 min: Switiviso swa vandlha. Swi fanele ku nyikeriwa hi mulanguteri wa ntirho. U tirhisa swiringanyeto leswi nga eka xihloko lexi nge “Leswi U Nga Swi Vulaka Hi Timagazini,” endla minkombiso yimbirhi—wun’wana wu endliwa hi Xalamuka! ya October 8, lowun’wana wu endliwa hi Xihondzo xo Rindza xa October 1. Hlamusela malunghiselelo yo hetelela yo ya ensin’wini leyi nga aviwangiki. Tanihi leswi n’hweti ya October yi nga yo hetelela eka tsima ra nsimu leyi nga aviwangiki, khutaza hinkwavo leswaku va hlanganyela hi xitalo.

30 min: Rhandza Xikwembu—Ku Nga Ri Swilo Swa Misava. (1 Yoh. 2:15-17) Nkulumo ni bulo ni vayingiseri, leyi pfuxetaka nongonoko wa nhlengeletano ya xifundzha wa lembe leri hundzeke ra ntirho. Kombela vahuweleri leswaku va nyikela tinhlamuselo eka tinhla-nkulu leti dyondziweke ni ndlela leyi va koteke ku ti tirhisa evuton’wini bya vona kumbe tanihi ndyangu. (Va nga ha averiwa leswi va nga ta bula hi swona ka ha ri emahlweni.) Yisa nyingiso eka tinkulumo leti ta nongonoko: (1) “Ku Rhandza Xikwembu Ka Hi Susumeta eVutirhelini Bya Hina.” Rirhandzu ro tano ri hi pfuna ku langutana ni malangutelo lama hoxeke, lama nga vaka xihinga entirhweni wa hina wa ku chumayela—ku nga titshembi, ku titwa hi nga faneleki ni ku chava vanhu. (2) “Lava Rhandzaka Yehovha Va Venga Leswo Biha.” (w99-TS 10/1 28-31) Vuxaka bya hina na Xikwembu byi titshege hi ku venga swilo leswi xi swi vengaka—ku nga ri leswi ana swi nga erivaleni leswaku swi hombolokile kambe ni leswi vubihi bya swona byi tumbeleke. (3) “Landzelela Ndlela Leyi Tlakukeke Ya Rirhandzu.” (w92-TS 7/15 27-30) Vakorinto vo Sungula 13:4-8 yi kombisa leswaku ha yini hi fanele ku tiyiselela ku nga hetiseki ka van’wana hi ku lehisa mbilu, hi papalata vutianakanyi ni ku phikizana, hi nga hangalasi rihlevo lero biha naswona hi tshama hi tshembekile enhlengeletanweni ya Xikwembu. (4) “Swilo Swa Misava—Hi Swi Languta Hi Ndlela Yihi?” A hi fanelanga hi rhandza swilo swa misava, hi hluriwa hi ku navela ka nyama, hi hambukisiwa hi ku navela ka mahlo kumbe hi ku bombisa hi rifuwo ra hina. (5) “Ku Nga Vi Xiphemu Xa Misava Swa Hi Sirhelela.” Vakorinto va Vumbirhi 6:14-17 yi kombisa ndlela leyi tidyondzo, mikhuva ni mahanyelo yo karhi swi nga hi endlaka hi nga amukeleki eka Xikwembu ha yona. Hi fanele ku tiva hi tlhela hi papalata mintlhamu leyi Diyavulosi a hi vekeleke yona. (6) “Switshembiso Swa Le Tilweni Eka Lava Rhandzaka Xikwembu.” (w86-TS 6/15 5-6) Mikateko ya Yehovha yi engetela ntsako eka hina naswona ya hi fuwisa emoyeni.—1 Tim. 6:17-19.

Risimu 133 ni xikhongelo xo pfala.

Vhiki Leri Sungulaka Hi October 1

Risimu 106

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va yisa swiviko swa ntirho wa vona wa nsimu wa September eka vafambisi va Dyondzo ya Buku ya vona ya Vandlha.

15 min: Xana Ndzi Nga Ti Antswisa Njhani Tidyondzo Ta Mina Ta Xikolo? Nkulu ni nsati wakwe kumbe nandza wa vutirheli ni nsati wakwe va bula ni n’wana wa vona la nghenaka xikolo. Va karhatekile hi leswi n’wana wa vona a nga endliki swona entirhweni wa xikolo. Va bula hi xitsundzuxo lexi kumekaka ebukwini leyi nge Swivutiso Leswi Vantshwa Va Swi Vutisaka, ndzima 18 kutani va bula hi leswi n’wana a faneleke a swi endla leswaku a antswisa. Vatswari va kandziyisa mhaka ya ku va ni dyondzo leyinene ya xisekelo leswaku munhu a ta kota ku tirhisiwa hi laha ku heleleke entirhweni wo kwetsima.

20 min: “Xana Ntirho Wa Ku Tihanyisa I Xihinga Eku Chumayeleni?”b Kandziyisa xilaveko xa ku va la ringaniselaka entirhweni wa ku tihanyisa, u rhangisa swilo leswi nga ta veka swilaveko swa Mfumo emahlweni. Kombela tinhloko ta mindyangu evandlheni ti hlamusela ndlela leyi ti langutanaka ni ntlhontlho wa ku khathalela mindyangu ya tona hi tlhelo ra nyama ti nga honisi swilaveko swa tona swa moya.

Risimu 137 ni xikhongelo xo pfala.

[Tinhlamuselo ta le hansi]