Xiyimiso Xa Nhlangano Wa Ntirho

Vhiki Leri Sungulaka October 8

Risimu 109

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. U tirhisa swiringanyeto leswi nga eka tluka 1, endla minkombiso yimbirhi yo koma yo fambisa timagazini, wun’wana wu tirhisa Xihondzo xo Rindza xa October 15, lowun’wana wu tirhisa Xalamuka! ya November 8.

18 min: “Mintsombano—Nkarhi Wa Ntsako!” Nkulumo hi nkulu. Hlamusela leswaku ha yini vanhu va Yehovha a va va ni tinhlengeletano letikulu eminkarhini ya Bibele, nileswaku ha yini swi vuyerisa hilaha ku fanaka ninamuntlha. Etinhlengeletanweni leti hi kuma vunghana lebyi tiyisaka ni swakudya swa nkoka swa moya. Kandziyisa nkoka wa leswaku un’wana ni un’wana a va kona masiku hinkwawo manharhu ya ntsombano wa muganga.

17 min: “Ku Endla Malunghiselelo ‘Hi Ku Tenga Ni Hi Ku Hleleka.’”a Hlamusela malunghiselelo man’wana lamakulu lama faneleke ma endliwa leswaku ku ta va ni ntsombano. Kandziyisa nkoka wa ku khomisana hi ku helela ni malunghiselelo lama endliweke leswaku hi ta vuyeriwa. Hlamusela tindlela leti hinkwerhu hi nga kombisaka ku xixima loku faneleke kutani hi papalata swiphiqo.

Risimu 151 ni xikhongelo xo pfala.

Vhiki Leri Sungulaka Hi October 15

Risimu 113

10 min: Switiviso swa vandlha. Xiviko xa timali. Marungula Ya Swa Mfumo. Bula hi malunghiselelo ya nsimu leyi nga aviwangiki u tlhela u khutaza vahuweleri hinkwavo leswaku va hlanganyela hi xitalo hikuva leyi i n’hweti ya makumu ya tsima leri.

15 min: Xana U Ni “Mbilu Leyi Yingisaka”? (1 Tih. 3:9) Nkulumo hi nkulu, leyi sekeriweke eka Xihondzo xo Rindza xa July 15, 1998, matluka 29-31. Hlamusela tindlela leti hi nga kombisaka leswaku hi vanhu lava yingisaka eku tirhisaneni ka hina ni vandlha.

20 min: Tirhisa Timagazini Ta Hina Hi Ndlela Leyinene. Mulanguteri wa ntirho ni la tamelaka timagazini va bula hi ndlela leyi va karhatekeke ha yona hi ndlela leyi timagazini ti fambisiwaka ha yona. Va boxa nhlayo ya timagazini leti vandlha ri ti amukelaka hi n’hweti loko va ti pimanisa ni nhlayo ya leti fambisiweke. Swi le rivaleni leswaku ku ni tikopi to hlayanyana leti vekeriwaka etlhelo kumbe leti cukumetiwaka. Hi yihi ndlela leyi vahuweleri va nga ti tirhisaka kahle timagazini ta hina? Vamakwerhu lava va bula hi tinhla ta nkombo ta nkulumo ya Nhlangano wa Ntirho, leyi nge “Ti Tive Kahle Timagazini!” leyi nyikeriweke hi vhiki leri sungulaka hi October 4, 1999. Va rungula ntokoto lowu nga eka Xihondzo xo Rindza xa February 15, 1998, matluka 28-9, ivi va hlamusela tindlela tin’wana leti nga tirhisiwaka endhawini yoleyo. Un’wana ni un’wana u khutaziwa ku ringeta ku tirhisa swingheniso leswi kombisiweke n’hweti yin’wana ni yin’wana eka Vutirheli Bya Hina Bya Mfumo.

Risimu 156 ni xikhongelo xo pfala.

Vhiki Leri Sungulaka Hi October 22

Risimu 120

10 min: Switiviso swa vandlha. U tirhisa swiringanyeto leswi nga eka tluka 1, endla minkombiso yimbirhi yo koma yo fambisa timagazini, wun’wana wu tirhisa Xihondzo xo Rindza xa November 1 lowun’wana wu tirhisa Xalamuka! ya November 8.

17 min: “Yingisa U Tlhela U Amukela Ndzetelo Lowu Engetelekeke.” Nkulumo ni bulo ni vayingiseri. Hlamusela leswaku ha yini ndzetelo lowu kumekaka emintsombanweni wu ri swakudya swa moya swa nkoka leswi hi swi lavaka. Bula hi nkarhi wo tala lowu lavekaka leswaku ku lunghiseleriwa nongonoko wo tano. Kombela vayingiseri leswaku va hlamusela leswi munhu ha un’we a nga swi endlaka ku tiyiseka leswaku yena ni van’wana va vuyeriwa swinene. Kandziyisa swivangelo swa leswaku ha yini hinkwerhu hi fanele ku va hi tshamile loko xiyenge ha xin’we xi nga si sungula.

18 min: “Xana U Dya U Xurha Hi Tlhelo Ra Moya?”b Kombela vayingiseri leswaku va nyikela tinhlamuselo leti engetelekeke, leti humaka eka Xihondzo xo Rindza xa April 15, 1997, matluka 28-31, ku nyika xivangelo xa leswaku ha yini hi fanele ku tikarhatela ku namarhela mikhuva leyinene ya ku dya swakudya swa moya ni ndlela leyi hi nga swi endlaka ha yona.

Risimu 47 ni xikhongelo xo pfala.

Vhiki Leri Sungulaka Hi October 29

Risimu 164

12 min: Switiviso swa vandlha. Tsundzuxa vahuweleri leswaku va yisa swiviko swa October swa ntirho wa vona wa le nsin’wini eka vafambisi va Dyondzo ya Buku ya Vandlha. Hi November ku ta fambisiwa broxara leyi nge Leswi Xi Swi Languteleke kumbe buku leyi nge Vutivi. Endla nkombiso wo koma hi xingheniso lexi landzelaka: “Eminkarhini leyi yo nonon’hwa ya swiyimo swa ikhonomi, vanhu vo tala swa va tikela ku kuma swo tihanyisa ha swona. Xana u anakanya leswaku tihulumendhe ta vanhu ti ta swi kota ku tlhantlha xiphiqo lexi hi ndlela leyi nga ta siya un’wana ni un’wana a tsakile? [N’wi nyike nkarhi wa ku hlamula.] Ndzi kume xikhutazo lexi xa Bibele xi tiyisa nhlana swinene.” Hlaya Pisalema 72:12-14. Kutani u fambisa broxara leyi nge Leswi Xi Swi Languteleke kumbe buku leyi nge Vutivi, u katsa ni nhlamuselo leyi fambisanaka ni nkandziyiso wolowo.

15 min: Swilaveko swa vandlha.

18 min: “Loko Hi Endla Leswinene Hi Ta Bumabumeriwa!”c Hlamusela leswaku ha yini hi koka nyingiso swinene loko hi ri entsombanweni lowukulu. Marito yo bumabumela lama humaka eka vanhu lava hi vonaka na wona ma nyikela vumbhoni hi Mfumo, kasi marito yo sola ma nga endla leswaku vanhu va nga wu amukeli ntiyiso. Vula swilo leswi kongomeke leswi hi faneleke ku swi endla ku kombisa leswaku hi ni timfanelo ta Vukreste, leswi katsaka ku khathala swinene hi vanhu van’wana.

Risimu 181 ni xikhongelo xo pfala.

Vhiki Leri Sungulaka Hi November 5

Risimu 167

10 min: Switiviso swa vandlha. Hlamusela Bokisi Ra Swivutiso, u endla leswaku rungula rero ri tirha endhawini ya ka n’wina.

18 min: Ku Lunghiselela Minhlangano Tanihi Ndyangu. Tatana u bula ni ndyangu wa yena hi ndlela leyi swirho hinkwaswo swi nga lunghiselelaka minhlangano leswaku swi kota ku nyika tinhlamuselo hi ndlela leyinene. Va lunghiselela tinhlamuselo leti va nga ta ti nyikela eka Dyondzo ya Xihondzo xo Rindza ya vhiki leri, va tirhisa minkongomiso leyi nga eka Xihondzo xo Rindza xa July 1, 1999, matluka 19-20, ndzimana 9. (1) Xirho ha xin’we xa ndyangu xi hlawula xivutiso xin’we kumbe swimbirhi leswi xi nga ta swi hlamula. (2) Endzhaku ko pfuxeta tindzimana leti va nga ta nyika tinhlamulo eka tona, va vula tinhlamuselo hi marito ya vona. (3) Va hlawula matsalwa-nkulu lama tshahiweke, va hlamusela ndlela leyi ha rin’we ri hlanganaka ha yona ni rungula ivi va hlela leswi va nga ta swi vula ku kombisa ndlela leyi ma nga tirhisiwaka ha yona eka dyondzo yoleyo. Hinkwavo va ku langutele hi mahlo-ngati ku nyikela tinhlamulo enhlanganweni.

17 min: “Hi Xihi Xikongomelo Xa Ku Fambisa Tidyondzo Ta Bibele?”d Kandziyisa nkoka wa ku pfuna swichudeni leswaku swi vona mpfuno wa ku va kona eminhlanganweni ya vandlha. Katsa ni nkombiso lowu lunghiseleriweke kahle, lowu kombisaka ndlela leyi swi nga endliwaka ha yona, ku tirhisiwa ndzima 17, tindzimana 6-8, ebukwini leyi nge Vutivi.

Risimu 186 ni xikhongelo xo pfala.

[Tinhlamuselo ta le hansi]