Xiyimiso Xa Nhlangano Wa Ntirho

XIYA: Vutirheli Bya Hina Bya Mfumo byi ta va ni xiyimiso xa Nhlangano wa Ntirho xa vhiki rin’wana ni rin’wana hi nkarhi wa mintsombano. Mavandlha ma nga ha endla ndzulamiso lowu faneleke leswaku ma kuma nkarhi wo ya eNtsombanweni wa Muganga wa “Vadyondzisi Va Rito Ra Xikwembu.” Tirhisani 15 wa timinete ta Nhlangano wa Ntirho wa vhiki leri rhangelaka ra ntsombano, leswaku mi pfuxeta switsundzuxo leswi kumekaka eka xiengetelo xa October, leswi tirhaka endhawini ya ka n’wina. Hi n’hweti ya January 2002, ku ta hleriwa leswaku ku va ni Nhlangano wa Ntirho lowu vekeriweke etlhelo leswaku ku pfuxetiwa tinhla-nkulu ta ntsombano. Leswaku mi lunghekela bulo rero, hinkwenu mi nga tsala tinhla ta nkoka entsombanweni ku katsa ni leti mi lavaka ku ti tirhisa evuton’wini bya n’wina ni le vutirhelini bya nsimu. Hi ndlela yoleyo mi ta va mi lunghekele ku tirhisa swiringanyeto sweswo ku sukela loko mi vuyile entsombanweni. Swi ta hi aka ku twa van’wana va hlamusela ndlela leyi va vuyeriweke ha yona eka ndzayo leyinene leyi hi yi kumeke.

Vhiki Leri Sungulaka Hi November 12

Risimu 170

8 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hlamusela rungula leri nga laha henhla malunghana ni mindzulamiso leyi nga ta endliwa eka Nhlangano wa Ntirho ni leswi swi kunguhateriweke eka Nhlangano wa Ntirho hi January 2002, loko ku pfuxetiwa tinhla-nkulu ta ntsombano wa muganga.

15 min: “Kuma Matimba Hi Ku Titshega Hi Yehovha.”a Katsa ni tinhlamuselo to koma leti humaka eka Xihondzo xo Rindza, xa October 1, 1999, matluka 18-19, tindzimana 6-8.

22 min: “Hi Ni Xitirho Lexintshwa Xa Ku Sungula Tidyondzo!” Bulo ni vayingiseri leri faneleke ri fambisiwa hi mulanguteri wa ntirho. Kombela varindzi va nyika un’wana ni un’wana la nga kona kopi ya xiphephana lexintshwa lexi nge Xana U Lava Ku Tiva Swo Tala Hi Bibele? loko xi ri kona. Katsa ni minkombiso yimbirhi ya swingheniso leswi lunghiseleriweke kahle, u tirhisa swiringanyeto leswi nga ebokisini leri nge “Leswi U Nga Swi Vulaka Hi Timagazini.” Muhuweleri un’wana u ta fambisa Xihondzo xo Rindza xa November 15, kasi lowun’wana u ta fambisa Xalamuka! ya December 8. Eka nkombiso ha wun’we, muhuweleri u gimeta hi ku nyika n’wini wa muti xiphephana lexi nge Tiva Bibele—eka loyi a nga ta teka magazini ni loyi a nga ta wu ala. Va khutaze hinkwavo leswaku xiphephana lexi va xi nyika un’wana ni un’wana loyi va nga ta hlangana na yena evutirhelini.

Risimu 191 ni xikhongelo xo pfala.

Vhiki Leri Sungulaka Hi November 19

Risimu 172

12 min: Switiviso swa vandlha. Xiviko xa timali. Marungula Ya Swa Mfumo.

15 min: Swilaveko swa vandlha.

18 min: “Kurisa Matimba Ya Wena Ya Ku Twisisa.”b Nkulu u fambisa bulo leri hanyaka, leri pfuxetaka nongonoko wa siku ra nhlengeletano yo hlawuleka ya lembe ra ntirho leri hundzeke.

Risimu 195 ni xikhongelo xo pfala.

Vhiki Leri Sungulaka hi November 26

Risimu 177

15 min: Switiviso swa vandlha. Tsundzuxa vahuweleri leswaku va yisa swiviko swa ntirho wa vona wa nsimu wa November eka vafambisi va dyondzo ya vona ya buku. U tirhisa swiringanyeto leswi nga eka xihloko lexi nge “Leswi U Nga Swi Vulaka Hi Timagazini,” endla minkombiso yimbirhi leyi lunghiseleriweke kahle yo fambisa timagazini—wun’wana wu tirhisa Xihondzo xo Rindza xa December 1, lowun’wana wu tirhisa Xalamuka! ya December 8. Kutani hlamusela ndlela leyi ku nga kumiwaka xingheniso lexi nga tirhisiwaka loko ku fambisiwa buku leyi nge Nghwazi kumbe wun’wana wa minkandziyiso leyi nga ta fambisiwa hi December. Languta Watch Tower Publications Index ehansi ka xihloko lexi nge “Presentations” ni le hansi ka xihlokwana lexi nge “List by Publication.” Avelana ni vayingiseri xikombiso xin’we kumbe swimbirhi. Tsundzuxa hinkwavo leswaku va hambeta va tirhisa xiphephana lexi nge Xana U Lava Ku Tiva Swo Tala Hi Bibele?

15 min: “Xana Ndzi Nga Wu Kuma Kwihi Nkarhi?” Nkulumo ni bulo ni vayingiseri. Katsa ni tinhla-nkulu leti humaka eka Xihondzo xo Rindza xa October 1, 2000, matluka 20-1, ehansi ka xihlokwana lexi nge “Ndlela Leyi Van’wana Va Tinyikaka Nkarhi Wo Hlaya Ha Yona.” Kombela vayingiseri va vula tindlela leti tirhaka leti ha tona va kumeke nkarhi wo endla swilo leswi nga swa nkoka swinene, hi ku tshika ku endla mintirho leyi nga riki ya nkoka. Kandziyisa xilaveko xa leswaku munhu a tinyika nkarhi wa dyondzo ya yena n’wini ni ya ndyangu, minhlangano ya vandlha, ntirho wa nsimu ni ku hlaya Bibele siku ni siku.

15 min: Vantshwa Va Dzunisa Yehovha. Bulo ni vayingiseri. Mavandlha yo hlaya ma ni vantshwa vo tala lava hlanganyelaka entirhweni wo chumayela. Swi fanerile leswaku va endla tano hambileswi minkarhi yo tala va chumayelaka vanhu lava kuleke. (Ps. 148:12, 13; Mat. 21:15, 16) Loko vatswari ni vahuweleri van’wana va kombisa ku tsakela leswi endliwaka hi vantshwa, va va letela ni ku va khutaza, vantshwa va kuma ntsako lowu engetelekeke ensin’wini. Kombela vayingiseri va vula swiringanyeto leswi nga ta endla leswaku vantshwa va katsiwa loko ku fambiwa hi yindlu ni yindlu ni loko ku endliwa maendzo yo vuyela. Kombela vatswari leswaku va hlamusela leswi va swi endleke ku pfuna vana va vona va dyondza tindlela to fambisa timagazini, ku tirhisa Bibele eswinghenisweni swa vona ni ku vulavula hi xivindzi emitini ya vanhu. Kandziyisa vuyelo bya ku bumabumela vana. Burisana ni muhuweleri un’we kumbe vambirhi lava ha riki vantshwa, va kombele va hlamusela lexi va tsakisaka hi ntirho wa ku chumayela ni lexi endlaka leswaku va wu tsakela.

Risimu 198 ni xikhongelo xo pfala.

Vhiki Leri Sungulaka Hi December 3

Risimu 179

10 min: Switiviso swa vandlha. Bumabumela hinkwavo lava yeke ensin’wini leyi nga aviwangiki. Vula leswi endliweke u tlhela u rungula ntokoto wun’wana ni wun’wana lowu tsakisaka.

15 min: Ndlela Leyi Buku Leyi Nge Ku Hlamulana Yi Hleriweke Ha Yona. Bulo ni vayingiseri. Anakanya hi swikombiso leswi landzelaka swa ndlela leyi mahlelelo yo hambana-hambana ebukwini leyi ma pfunaka swinene ha yona ku hlamusela tidyondzo ta Bibele: Tinhlamuselo to kota leyi nge “Mfumo” (tluka 137) kumbe “moya” (tluka 155); ku ringanisa mavekelo ya vuhundzuluxeri byo hambana-hambana, lebyi kombisaka laha vito ra Xikwembu ri tirhisiweke kona eBibeleni ni leswaku ha yini (matluka 419-21) kumbe ntiyiso malunghana ni tihele (matluka 262-3); minxaxamelo leyi hlamuselaka tidyondzo leti hi hambanisaka ni vukhongeri byin’wana (matluka 283-5) kumbe ku kombisa ndlela munhu a nga kumaka vukhongeri lebyi kongomeke ha yona (matluka 350-52); matimu ya masungulo ya Khisimusi, (matluka 269-70) kumbe vukala-tlhelo bya Vakreste vo sungula (matluka 332-6); vumbhoni bya sayense lebyi seketelaka ntumbuluko (matluka 212-3) kumbe ku kombisa khombo ra ku dzaha mbangi ni fole (253-6). Khutaza vahuweleri leswaku va tirhisa xipfuneti lexi lexinene xo dyondzisa, nkarhi wun’wana ni wun’wana lowu va pfulekelaka ensin’wini.

20 min: “Mikateko Leyi Tisiwaka Hi Ku Tlangela Rirhandzu Ra Yehovha—Xiyenge 1.”c Loko u hlamusela tindzimana 3-6, kombela vayingiseri va rungula mintokoto leyi khutazaka leyi va yi kumeke loko va famba hi yindlu ni yindlu, loko va chumayela exitarateni, loko va endla maendzo yo vuyela ni loko va fambisa dyondzo ya Bibele.

Risimu 200 ni xikhongelo xo pfala.

[Tinhlamuselo ta le hansi]