Switiviso

◼ Minkandziyiso leyi nga ta fambisiwa hi January: Xihundla Xa Ntsako eNdyangwini. February: Nghwazi Leyi Tshameke Yi Hanya. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta Bibele. April: Timagazini ta Xihondzo xo Rindza na Xalamuka! Fambisani broxara leyi nge Leswi Xi Swi Languteleke, hi xikongomelo xa ku sungula tidyondzo ta le kaya ta Bibele.

◼ Vahuweleri hinkwavo lava khuvuriweke lava nga ta va kona eka Nhlangano wa Ntirho wa vhiki leri sungulaka hi January 14, va ta nyikiwa makhadi ya Advance Medical Directive/Release ya vanhu lavakulu ni Identity Card ya vana.

◼ Ku sukela hi February naswona ku nga si hundza March 3, nkulumo ya le rivaleni leyintshwa, leyi nga ta nyikeriwa hi valanguteri va xifundzha yi ta va ni nhloko-mhaka leyi nge “Ku Kuma Nsirhelelo eMisaveni Leyi Nga Ni Khombo.”

◼ Mavandlha ma fanele ku endla malunghiselelo lama faneleke ya ku tlangela Xitsundzuxo xa nan’waka hi Ravumune, March 28, endzhaku ka ku pela ka dyambu. Hambiloko nkulumo yo sungula dyambu ri nga si pela, swifanekiselo a swi fanelanga swi fambisiwa loko dyambu ri nga si pela. Kumisisani nkarhi lowu dyambu ri pelaka ha wona endhawini ya ka n’wina. Hambileswi vandlha ha rin’we ri nga ta tsakela ku tlangela Xitsundzuxo xa rona ri ri roxe, a hi minkarhi hinkwayo swi nga ta va tano. Laha hi ntolovelo mavandlha yo hlayanyana ma tirhisaka Holo yin’we ya Mfumo, kumbexana vandlha rin’we kumbe ku tlula ma nga kuma ndhawu yin’wana leswaku ma yi tirhisa madyambu wolawo. Loko swi koteka, hi ringanyeta leswaku minongonoko yi siyana hi timinete ta 40, ku endlela leswaku vanhu hinkwavo va vuyeriwa hi ku helela eka xiendlakalo lexi, leswaku va ta va ni nkarhi wa ku xewetana ni vaendzi ni ku khutaza lava ha ku tsakelaka. Mi fanele ku tlhela mi anakanyela swiyimo swa swo famba ha swona ni ndhawu ya ku paka, ku katsa ni ndhawu leyi vanhu va nga ta xika ni ku khandziya mimovha eka yona. Huvo ya vakulu yi ta endla xiboho xa leswaku hi wahi malunghiselelo lama nga ta tirha endhawini ya ka n’wina.

◼ Loko mulanguteri la ungamelaka a kuma Xitatimendhe xa Vandlha n’hweti yin’wana ni yin’wana, u fanele ku tiyiseka leswaku loko ku endliwa xiviko lexi landzelaka xa timali, vandlha ri hlayeriwa marito yo nkhensa minyikelo ya Nkwama Wa Sosayiti Wa Ku Akiwa Ka Tiholo Ta Mfumo kumbe ya ntirho wa misava hinkwayo.

◼ Xalamuka! ya Xibemba yi nge he humi kan’we hi n’hweti kambe yi ta huma endzhaku ka tin’hweti tinharhu.

◼ Minkandziyiso Leyintshwa Leyi Kumekaka:

Titolovete Ku Hlaya Ni Ku Tsala—Xisuthu, Xixhosa

Vuhundzuluxeri Bya Misava Leyintshwa Bya Matsalwa Yo Kwetsima—Xichayina, Xichayina (Lexi Olovisiweke)

◼ Tikhasete Letintshwa Ta Vhidiyo:

The Greatest Man Who Ever Lived—On Videocassette, Vholumo 4—Ririmi Ra Mavoko Ra Le Amerika