Xiyimiso Xa Nhlangano Wa Ntirho

Vhiki Leri Sungulaka Hi February 11

Risimu 6

12 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo.

20 min: “Chumayela Rito Ra Xikwembu Hi Ku Hetiseka.”a (Tindzimana 1-13) Yi fanele ku nyikeriwa hi mulanguteri la ungamelaka. Bulo leri hanyaka malunghana ni leswi hi navelaka ku swi fikelela hi March ni hi tin’hweti leti landzelaka. Un’wana ni un’wana u fanele ku tirhisa khalendara leyi nga eka xiengetelo lexi, leswaku a tiendlela xiyimiso lexi tirhaka xa ku hlanganyela hi xitalo hilaha a nga kotaka hakona evutirhelini hi March. Khutaza hinkwavo lava nga swi kotaka, leswaku va va maphayona ya nkarhinyana hi n’hweti yoleyo. Loko u hlamusela tindzimana 7-8, kombela lava va phayoneke enkarhini lowu hundzeke wa Xitsundzuxo va hlamusela mikateko leyi va yi kumeke. Tivisa leswaku tifomo ta vuphayona bya nkarhinyana ti ta kumeka loko nhlangano lowu wu hela.

13 min: “Leswi U Nga Swi Vulaka Hi Timagazini.” Kombela vahuweleri va vula ndlela leyi xiyenge lexi xa Vutirheli Bya Hina Bya Mfumo xi va pfuneke ha yona leswaku va antswisa ndlela leyi va lunghiselelaka ha yona ku hlanganisa swihloko ni swiendlakalo leswi nga dyisiki byi rhelela swa minkarhi leyi ya mangava. Hi yihi mintokoto leyi van’wana va yi kumeke loko va chavelela vanhu ni ku va pfuna leswaku va kuma tinhlamulo leti sekeriweke eBibeleni ta swivutiso leswi va tsonaka vurhongo? Endla minkombiso yimbirhi yo koma, leyi kombisaka ndlela yo fambisa Xihondzo xo Rindza xa February 15 ni Xalamuka! ya March 8.

Risimu 49 ni xikhongelo xo pfala.

Vhiki Leri Sungulaka Hi February 18

Risimu 95

8 min: Switiviso swa vandlha. Xiviko xa timali.

12 min: “Vanhu Lava Tsakeke Swinene eMisaveni.”b Hi ku komisa, katsa ni “Magoza Lama Yisaka eNtsakweni” lama kumekaka eka tluka 6 ra Xihondzo xo Rindza xa October 15, 1997.

25 min: “Chumayela Rito Ra Xikwembu Hi Ku Hetiseka.”c (Tindzimana 14-23) Yi fanele ku nyikeriwa hi mulanguteri wa ntirho. Hlamusela malunghiselelo yo hlawuleka lama hleriweke leswaku ku endliwa ntirho lowu engetelekeke hi March evandlheni ra ka n’wina. Hlamusela xiyimiso hinkwaxo xa minhlangano ya ntirho leyi hleleriweke n’hweti hinkwayo. Yisa nyingiso eku pfuneni ka lava nga tshama va huma nsimu leswaku va tlhela va endla tano ni ku pfuna vana ni swichudeni swa Bibele leswaku va faneleka ku va vahuweleri lava nga khuvuriwangiki. Tivisa mavito ya lava va tsariseke ku va maphayona ya nkarhinyana hi March ni ku khutaza lava engetelekeke leswaku va yi anakanyisisa hi xikhongelo mhaka yo hlanganyela na vona.

Risimu 143 ni xikhongelo xo pfala.

Vhiki Leri Sungulaka Hi February 25

Risimu 174

10 min: Switiviso swa vandlha. Endla minkombiso yimbirhi yo koma ya ku fambisa timagazini—wun’we wu tirhisa Xihondzo xo Rindza xa March 1 kasi lowun’wana wu tirhisa Xalamuka! ya March 8. Kombela muntshwa a endla wun’we wa yona. Tsundzuxa vahuweleri leswaku va yisa swiviko swa February swa ntirho wa vona wa le nsin’wini eka vafambisi va vona va dyondzo ya buku ya vandlha.

35 min: “Xana Wa Swi Tirhisa Leswi U Swi Dyondzeke eNtsombanweni Wa Muganga Wa ‘Vadyondzisi Va Rito Ra Xikwembu’?” Mufambisi wa Dyondzo ya Xihondzo xo Rindza u fambisa bulo ra nongonoko wa ntsombano wa muganga ni vayingiseri. Endzhaku ka xingheniso lexi nga hetiki minete, tirhisa timinete ta 10 ku ya ka 12 ku hlamusela xiyenge xa siku ha rin’we. Hi ku komisa xaxameta tinhla-nkulu ehansi ka xihlokwana ha xin’we, kutani u rhamba vayingiseri va hlamusela (1) ndlela leyi va tiyimiseleke ha yona ku tirhisa ndzayo yoleyo, (2) ndlela leyi va vuyeriweke ha yona hi ku endla tano (3) nileswaku hi swihi swin’wana leswi va vonaka leswaku va fanele ku swi endla. Tirhisa swivutiso leswi tlhontlhaka mianakanyo leswaku bulo ri va leri hanyaka. Pfuna hinkwavo va vona xilaveko xa ku tirhisa leswi va swi dyondzeke.

Risimu 215 ni xikhongelo xo pfala.

Vhiki Leri Sungulaka Hi March 4

Risimu 207

5 min: Switiviso swa vandlha.

12 min: Swilaveko swa vandlha.

12 min: Tirhisa Buku Leyi Nge Vutivi Ku Sungula Tidyondzo Ta Bibele. Hi March, hi lava ku endla matshalatshala yo hlawuleka ya ku sungula tidyondzo ta le kaya ta Bibele. Hi ku komisa, rungula ntokoto lowu kumekaka eka Vutirheli Bya Hina Bya Mfumo bya August 1998, tluka 4, ndzimana 8. Loko ku ri ni loyi a ha ku sungulaka dyondzo hi buku leyi nge Vutivi, endla nkombiso wa ndlela leyi a koteke ku sungula dyondzo yoleyo ha yona. Va tsundzuxe hinkwavo hi “Swiringanyeto Swa Loko Ku Fambisiwa Buku Leyi Nge Vutivi,” leswi kumekaka eka xiengetelo xa Vutirheli Bya Hina Bya Mfumo bya January 2002. U tirhisa buku yoleyo, endla nkombiso wun’we hi xin’wana xa swingheniso leswi nga eka tluka 6, ra xiengetelo xexo, ehansi ka xihlokwana lexi nge “Swingheniso Leswi Kongomeke.”

16 min: “Ha Yini Hi Hambeta Hi Chumayela?”d Gimeta hi ku burisana ni muhuweleri un’we kumbe vambirhi lava heteke malembe yo tala va ri karhi va chumayela. Va kombele va vula lexi endleke leswaku va phikelela entirhweni lowu ni ndlela leyi wu va vuyeriseke ha yona.

Risimu 223 ni xikhongelo xo pfala.

[Tinhlamuselo ta le hansi]