Switiviso

◼ Minkandziyiso leyi nga ta fambisiwa hi February: Nghwazi Leyi Tshameke Yi Hanya. March: Vutivi Lebyi Yisaka eVuton’wini Lebyi Nga Heriki. Ku fanele ku endliwa matshalatshala yo hlawuleka ya ku sungula tidyondzo ta le kaya ta Bibele. April na May: Timagazini ta Xihondzo xo Rindza na Xalamuka! Fambisani broxara leyi nge Leswi Xi Swi Languteleke, hi xikongomelo xa ku sungula tidyondzo ta Bibele.

◼ Mulanguteri la ungamelaka kumbe un’wana la hlawuriweke hi yena u fanele ku kambisisa timali ta vandlha hi March 1, kumbe hi ku hatlisa endzhaku ka siku leri. Loko se ti kambisisiwile, tivisani vandlha loko mi endla xiviko xa timali lexi landzelaka.

◼ Matsalana ni mulanguteri wa ntirho va fanele ku kambisisa ntirho wa maphayona ya nkarhi hinkwawo. Loko ku ri ni lawa ma tikeriwaka hi ku fikelela xilaveko xa tiawara ta wona, vakulu va fanele ku endla malunghiselelo ya ku ma pfuna. Leswaku mi kuma swiringanyeto leswi mi nga swi tirhisaka, hlayani mapapila lama rhumeriwaka lembe ni lembe ya S-201. Nakambe, vonani tindzimana 12-20 ta xiengetelo xa Vutirheli Bya Hina Bya Mfumo bya August 1986.

◼ Matsalana u fanele ku tiyiseka leswaku nkarhi ni nkarhi Komiti yo Aka ya Xifundzha yi tivisiwa hi swiyimo swa vahuweleri hinkwavo lava khuvuriweke lava tateke tifomo ta Kingdom Hall Volunteer Worker Questionnaire (S-82). Loko swiyimo swa mutirhi wa ku tirhandzela swi cincile, swo tanihi ku rhurha kumbe ku hlawuriwa ku va nandza wa vutirheli kumbe nkulu, ku fanele ku tatiwa tifomo letintshwa hi ku hatlisa ti tlhela ti rhumeriwa. Loko adirese ya mutirhi wa ku tirhandzela kumbe tinomboro ta riqingho ra yena swi cincile kumbe a nga ha ri exiyin’weni lexinene evandlheni, vakulu va fanele va hatla va tivisa Komiti yo Aka ya Xifundzha hi papila.

◼ Tivoneleni eka makungu ya vukanganyisi lama rhendzelekisiwaka hi Internet ni hi mapapila, lama kombelaka vamakwerhu leswaku va humesa timali leti ku vuriwaka leswaku ti ta pfuna lava hlaseriweke hi makhombo. Rini na rini loko ku ri ni xilaveko xa ku simeka komiti ya ku pfuna hi swilo leswi vonakaka eka Timbhoni ta Yehovha, vamakwerhu lava nga ni vutihlamuleri va ta tivisiwa. Minyikelo ya swilaveko sweswo yi fanele ku rhumeriwa eka Jehovah’s Witnesses, Private Bag X2067, Krugersdorp, 1740.

◼ Nkulumo yo hlawuleka ya nkarhi wa Xitsundzuxo xa lembe ra 2002 yi ta nyikeriwa hi Sonto, April 14. Nhloko-mhaka ya yona yi ri “Tshama U Ri Karhi U Tsundzuka ‘Siku Leri Chavisaka Ngopfu’!” Phepha ra nkulumo ra ha ta rhumeriwa. Mavandlha lama nga ta va ma endzeriwe hi mulanguteri wa xifundzha, ma ri ni nhlengeletano ya xifundzha kumbe ma ri eka siku ra nhlengeletano yo hlawuleka hi mahelo-vhiki wolawo, ma ta va ni nkulumo ya wona yo hlawuleka hi vhiki leri landzelaka. A ku na vandlha ni rin’we leri nga ta va ni nkulumo yo hlawuleka ku nga si fika April 14, 2002.

◼ Ku sukela sweswi, swikhokhelo swa lunghiselelo ra club swa herisiwa, kambe leswi nkarhi wa swona wu nga si helaka swi ta rhumeriwa kukondza wu hela. Swikhokhelo leswi rhumeriwaka hi poso swa ha kumeka, kambe swi ta rhumeriwa vanhu lava nga swi kotiki ku tihlanganisa ni vandlha.

◼ Ku sukela hi nkandziyiso wa April 1, 2002, Xihondzo xo Rindza—Nkandziyiso Wa Maletere Lamakulu, xi ta kumeka hi Xizulu, xi huma kambirhi hi n’hweti. Mavandlha ma fanele ku rhumela swikombelo swa wona hi ku tirhisa fomo ya Congregation Magazine Request (M-202).

Siku ra hina ro hlawuleka ra Timagazini ri ta va hi March 2, 2002. Enkarhini lowu hundzeke, vo tala va swi tsakerile ku hlanganyela evutirhelini byo hlawuleka bya Siku ra Timagazini. Ha mi khutaza hinkwenu ku sungula ku kunguhata ka ha ri sweswi leswaku mi ta hlanganyela hi xitalo nan’waka. Mavandlha ma fanele ku endla swikombelo swo hlawuleka swa timagazini hi ku hatlisa hilaha swi nga kotekaka hakona.