Xiyimiso Xa Nhlangano Wa Ntirho

Vhiki Leri Sungulaka Hi April 8

Risimu 39

13 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Va khutaze hinkwavo leswaku va hlalela vhidiyo leyi nge Young People Ask—How Can I Make Real Friends?, leswaku va lunghekela bulo ra Nhlangano wa Ntirho wa vhiki leri sungulaka hi April 22. Etindhawini ta le makaya, vakulu va fanele va ringeta ku endla leswaku vhidiyo leyi yi kombiwa mindyangu leyi nga riki na michini ya vhidiyo. Hi ku tirhisa swiringanyeto leswi nga eka tluka 8, endla minkombiso yimbirhi leyi kombisaka ndlela yo fambisa Xihondzo xo Rindza xa April 15 ni Xalamuka! ya May 8. Eka nkombiso wun’wana ni wun’wana kombisa ndlela yo hlamula lava sivaka bulo va ku, “Ndzi ni vukhongeri bya mina.”—Vona buku leyi nge Ku Hlamulana, matluka 18-19.

12 min: Swilaveko swa vandlha.

20 min: “‘Endlela Hinkwavo Leswi Nga Swinene.’”a Endzhaku ka bulo ra swivutiso ni tinhlamulo, vulavurisana ni muhuweleri un’we kumbe vambirhi lava hlamuselaka ndlela leyi va ndlandlamuxaka vutirheli bya vona ha yona.

Risimu 157 ni xikhongelo xo pfala.

Vhiki Leri Sungulaka Hi April 15

Risimu 101

10 min: Switiviso swa vandlha. Xiviko xa timali.

15 min: Maphayona Ma Hambeta Ma Pfuna Van’wana. Mulanguteri wa ntirho u burisana ni mulanguteri wa Dyondzo ya Buku ya Vandlha, phayona ni muhuweleri. Mulanguteri wa ntirho u pfuxeta nongonoko wa Maphayona Ma Pfuna Van’wana lowu hlamuseriweke eka Vutirheli Bya Hina Bya Mfumo bya September 1998, tluka 4. Kutani u vulavula ni un’wana ni un’wana eka ntlawa lowu malunghana ni vutihlamuleri lebyi a nga na byona eka nongonoko lowu, ni ndlela leyi wu hetisisaka xikongomelo xa wona ha yona. Xana ku endliwe yini leswaku wu humelela? Mulanguteri wa ntirho u kombela vahuweleri hinkwavo leswaku va n’wi tivisa loko va lava ku pfuniwa ensin’wini. Lava va pfuniweke enkarhini lowu hundzeke va nga tlhela va kuma mpfuno lowu engetelekeke eka ndlela yo karhi yo chumayela.

20 min: “Ntsako Lowu Tisiwaka Hi Vutirheli Bya Nkarhi Hinkwawo.”b Khutaza vantshwa leswaku va nghenela ntirho wa vuphayona bya nkarhinyana loko swikolo swi pfarile. Loko swi koteka un’wana wa vatswari a nga va phayona ra nkarhinyana hi n’hweti yoleyo, xisweswo a kota ku va letela ni ku va khutaza.

Risimu 199 ni xikhongelo xo pfala.

Vhiki Leri Sungulaka Hi April 22

Risimu 90

10 min: Switiviso swa vandlha. Hi ku tirhisa swiringanyeto leswi nga eka tluka 8, kombela nandza wa vutirheli a endla nkombiso wo fambisa Xihondzo xo Rindza xa May 1, ivi endzhaku u kombela makwerhu wa xisati a endla nkombiso wo fambisa Xalamuka! ya May 8. Endzhaku ka nkombiso wun’wana ni wun’wana, phindha xiga xin’we kumbe swimbirhi swo sungula leswi tirhisiweke enkombisweni hi ndlela leyi endleke leswaku n’wini wa muti a lava ku tiva leswi engetelekeke.

15 min: Fika Hi Nkarhi! Nkulumo. Mintirho leyi fambisanaka ni vugandzeri bya hina i ya nkoka, kutani yi lava ku endliwa hi ‘nkarhi lowu yi vekeriweke wona.’ (Ekl. 3:1) Lexi hi xi navelaka hileswaku hi vuyeriwa hi xitalo emalunghiselelweni ya timhaka ta swa le tilweni. Minhlangano ya vandlha ni ya ntirho wa nsimu yi fanele ku sungula hi nkarhi lowu yi vekeriweke wona. Yehovha a nga hlweli nikatsongo ku hetisisa mintirho yakwe. (Hab. 2:3) Xana hi fanele hi antswisa emhakeni leyi? Minkarhi yin’wana vanhu va nga hlwela ku fika hikwalaho ka swiyimo leswi nga papalatekiki. Kambe loko hi hlelekile a hi nge tshameli ku fika endzhaku ka risimu ni xikhongelo xo pfula enhlanganweni wa vandlha kumbe endzhaku ka loko ku endliwe malunghiselelo ya ntirho wa nsimu. Hlamusela tindlela leti hi nga pfunekaka ha tona leswaku hi fika ka ha ri ni nkarhi eminhlanganweni hinkwayo ya timhaka ta moya.—Vona Xihondzo xo Rindza xa June 15, 1990, tluka 29.

20 min: “N’wangulo Lowunene!”c Hambiloko vandlha ra ka n’wina kumbe ntlawa wa dyondzo ya buku wu nga ta swi kota ku hlalela vhidiyo leyi, mi fanele mi vulavula hi xona xihloko lexi. Eka ndzimana 1, kombela vayingiseri leswaku va hlamusela ndlela leyi va titwaka ha yona hi ku komisa malunghana ni vhidiyo leyi nge Young People Ask—How Can I Make Real Friends? Kutani endzhaku u fanele u hlanganyela ni vayingiseri eka xivutiso xin’wana ni xin’wana ku sukela eka ndzimana 2 ku ya eka 7. Katsa ni tinhla leti nga eka ndzima 8 ebukwini leyi nge Vantshwa.

Risimu 191 ni xikhongelo xo pfala.

Vhiki Leri Sungulaka Hi April 29

Risimu 162

10 min: Switiviso swa vandlha. Tsundzuxa vahuweleri leswaku va siya swiviko swa vona swa ntirho wa nsimu wa April eka mulanguteri wa dyondzo ya vona ya buku.

15 min: “Ntirho Wo Chumayela Timhaka Ta Mfumo Wu Ponisa Vutomi!”d Kombela vayingiseri va hlamusela ndlela leyi matsalwa lama nga eka xihloko lexi ma tirhaka ha yona.

20 min: Ku Endla Ndzavisiso Hi Ku Tirhisa Buku Leyi Nge Ku Hlamulana. Ku burisana ni vayingiseri. Hakanyingi ku tlakuka swivutiso ensin’wini malunghana ni timhaka leti nga xaxametiwangiki ehansi ka “Tinhloko-mhaka-nkulu” (matluka 5-6) ebukwini leyi nge Ku Hlamulana. “Xikombo” (matluka 439-45) xi hi pfuna ku kuma Matsalwa lama seketelaka tidyondzo ta hina. Kombela vayingiseri leswaku va hlanganyela eku kumeni ka tinhlamulo ta swivutiso leswi landzelaka hi ku languta marito lama voyamisiweke, eka xikombo: Hi rihi vonelo ra Mukreste hi tinsimu ta rixaka ni mijeko? Ha yini Xikwembu xi pfumelela makhombo? Xana u nga ri hlamusela njhani vonelo ra Bibele hi ku dlaya vukati? Ha yini vamakwerhu va xisati minkarhi yin’wana va fanele va ambala xilo xa ku funengeta nhloko naswona va fanele va yi funengeta loko swi te yini? Hi wahi masungulo ya Siku ra Vamanana? Xana hi swi tivisa ku yini leswaku nhlayo leyi nga eBibeleni ya 144 000 i ya xiviri? Hi yihi nhlamuselo ya xifaniso xa mufuwi na Lazaro? Khutaza hinkwavo leswaku va tirhisa buku leyi nge Ku Hlamulana ensin’wini.

Risimu 28 ni xikhongelo xo pfala.

Vhiki Leri Sungulaka Hi May 6

Risimu 141

10 min: Switiviso swa vandlha. Bulani hi xihloko lexi nge “Hambeta U Vuyeriwa Eka Xihondzo xo Rindza ni Xalamuka!”

10 min: Leswi U Nga Kunguhataka Ku Swi Endla eTinh’wetini Leti Taka. Nkulumo leyi katsaka ni ku burisana ni vayingiseri. Hlamusela leswi vo tala va kunguhataka ku swi endla eka tin’hweti ti nga ri tingani leti taka: ku ya enhlengeletanweni ya xifundzha kumbe siku ra nhlengeletano yo hlawuleka, ku teka vuphayona bya n’hweti yin’we kumbe ku tlula, ku ya ensin’wini leyi nga aviwangiki, ku antswisa xiyimo xa yindlu kumbexana ni ku ya eku wiseni kumbe evuhungasini. Kombela vayingiseri va nga ri vangani leswaku va hlamusela makungu ya vona ni ndlela leyi va nga tiyisekaka ha yona leswaku ku nga khathariseki lomu va nga ta ya kona, a va nge tshiki ku va ni dyondzo ya vona ya ndyangu, ku ya eminhlanganweni ya vandlha ni le ntirhweni wa nsimu. Tivisa malunghiselelo lama endliweke yo tirha nsimu leyi nga aviwangiki hi August, September na October. Tsundzuxa hinkwavo leswaku va nyika mulanguteri wa Dyondzo ya Buku ya Vandlha swiviko swa vona swa ntirho wa nsimu, hambi va nga yanga helo kumbe va ye kun’wana.

25 min: “Mindyangu Yi Nga Tiya Njhani Hi Tlhelo Ra Moya?”e Endzhaku ko vulavula hi xihloko lexi, hlamusela mintokoto leyi nga eka Xihondzo xo Rindza xa February 15, 1999, matluka 10-12.

Risimu 17 ni xikhongelo xo pfala.

[Tinhlamuselo ta le hansi]