Xiyimiso Xa Nhlangano Wa Ntirho

Vhiki Leri Sungulaka Hi July 8

Risimu 201

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Mulanguteri wa ntirho u hlamusela malunghiselelo ya ku ya ensin’wini leyi nga aviwangiki. Pfuxeta papila ra May 30, 2002, leri vulavulaka hi nsimu leyi nga aviwangiki, tibuku leti nga ta fambisiwa, masiku, ndhawu leyi ku nga ta tirhiwa eka yona, byetlelo ni malunghiselelo ya xo famba ha xona. Xana van’wana va nga nghenela vuphayona byo pfuna? Mavandlha lama nga yiki ensin’wini leyi nga aviwangiki ma fanele ku kunguhata ku tirha ensin’wini leyi nga taliki ku tirhiwa. Hi ku tirhisa swiringanyeto leswi nga eka tluka 4, endla minkombiso yimbirhi yo hambana leyi kombisaka ndlela yo fambisa Xihondzo xo Rindza xa July 15 ni Xalamuka! ya August 8. Eka nkombiso wun’wana ni wun’wana, kombisa tindlela to hambana to hlamula lava sivaka bulo va ku, “Hina se hi Vakreste laha kaya.”—Vona buku leyi nge Ku Hlamulana, tluka 19.

10 min: Bokisi Ra Swivutiso. Nkulumo hi nkulu, a endla leswaku rungula leri ri tirha evandlheni ra ka vona.

20 min: Ku Lunghekela Ku Nyikela Vumbhoni Hi Xitshuketa. Bula ni vayingiseri hi rungula leri nga eka buku leyi nge Vutirheli Bya Hina, matluka 93-4. Hi ku tirhisa swiringanyeto leswi nga eka tluka ro sungula ra xiengetelo xa Vutirheli Bya Hina Bya Mfumo bya January 2002, endla minkombiso yimbirhi kumbe yinharhu yo koma leyi kombisaka ku nyikela vumbhoni hi xitshuketa eka munhu wumbe, muakelani, xaka kumbe munhu loyi u tolovelaneke na yena.

Risimu 139 ni xikhongelo xo pfala.

Vhiki Leri Sungulaka Hi July 15

Risimu 144

10 min: Switiviso swa vandlha. Xiviko xa timali.

15 min: Swilaveko swa vandlha.

20 min: Swivangelo Leswinene Swo Tirhisa Bibele eVutirhelini Bya Hina. Nkulumo leyi katsaka ni ku burisana ni vayingiseri. Yesu a a tiva Matsalwa naswona minkarhi yo tala a a tirhisa wona loko a dyondzisa. (Luka 24:27, 44-47) Leswi a a swi dyondzisa a a nga tisunguleli swona. (Yoh. 7:16-18) I swa nkoka leswaku na hina hi tirhisa Rito ra Xikwembu. Ri ni matimba swinene ku tlula nchumu wihi na wihi lowu hi nga wu vulaka. (Yoh. 12:49, 50; Hev. 4:12) Vanhu va timbilu letinene va kokiwa hi nchavelelo ni ntshembo lowu Matsalwa ma hi nyikaka wona. Swi endle pakani ya wena ku hlaya hambi ko va ndzimana yin’we ya Bibele eka swingheniso swa wena. Hlamusela leswaku ku ni matsalwa eka swingheniso leswi ringanyetiweke swo fambisa timagazini n’hweti leyi. Kombela vayingiseri va hlamusela ndlela leyi va tirhisaka Bibele ha yona ensin’wini ni vuyelo lebyi veke kona eka vona ni le ka lava va va chumayelaka.

Risimu 215 ni xikhongelo xo pfala.

Vhiki Leri Sungulaka Hi July 22

Risimu 47

10 min: Switiviso swa vandlha. Mutswari ni n’wana wa yena lava tirhaka swin’we ensin’wini va kombisa ndlela yo tirhisa swiringanyeto leswi nga eka tluka 4 swo fambisa magazini wa August 1 ni wa August 8. Nkombiso wun’wana i wa ku fambisa Xihondzo xo Rindza kasi lowun’wana i wa ku fambisa Xalamuka! Khutaza vatswari leswaku va letela vana va vona hakatsongo-tsongo ensin’wini.

17 min: U Nga Ku Yini Eka Munhu La Lavaka Ku Tiva Hi Vuislem? Nkulumo ni nkombiso. Hi ku tirhisa buku leyi nge Ku Lavisisa Ka Vanhu Xikwembu, ndzima 12, hlamusela hi ku komisa leswaku Bibele yi fambisana njhani na Koran. (Vona bokisi eka tluka 285.) Kombisa ku hambana loku nga kona exikarhi ka dyondzo ya Vuislem ni Bibele ehenhleni ka moya-xiviri (tluka 297-300). (Vona nhlamuselo ya le hansi eka tluka 299.) Hi ku tirhisa buku leyi nge Ku Hlamulana, matluka 163-7, kombisa leswaku u nga n’wi hlamusela njhani munhu la ha ku tsakelaka leswi vuriwaka hi Bibele mayelana ni moya-xiviri.

18 min: Ndzi Nga Ma Papalata Njhani Makhombo Ya Internet? Nkulumo leyi hlanganisaka ni ku bula ni vayingiseri, leyi sekeriweke eka Xalamuka! ya February 8, 2000, matluka 19-21. Hlamusela makhombo ya ku tirhisa Internet hi ndlela leyi hundzeletiweke, u tlhela u hlamusela ndlela yo papalata ntlhamu lowu. Kombela vayingiseri va hlamusela ndlela leyi va vuyeriweke ha yona hi ku tirhisa ndzayo leyi.

Risimu 61 ni xikhongelo xo pfala.

Vhiki Leri Sungulaka Hi July 29

Risimu 54

10 min: Switiviso swa vandlha. Tsundzuxa vahuweleri leswaku va yisa swiviko swa vona swa ntirho wa nsimu wa July eka mulanguteri wa ntlawa wa dyondzo ya buku ya vandlha. Hlamusela malunghiselelo yo hetelela yo ya ensin’wini leyi nga aviwangiki leyi sungulaka hi August 1, 2002.

10 min: “Nongonoko Lowuntshwa Wa Nhlengeletano Ya Xifundzha.” Nkulumo. Tivisa siku leri nhlengeletano ya xifundzha leyi landzelaka yi nga ta khomiwa ha rona. Khutaza hinkwavo leswaku va va kona va tlhela va yingiserisisa nongonoko. Khutaza vahuweleri lava nga si khuvuriwaka leswaku va anakanyisisa hi ku fanelekela nkhuvulo. Endlani matshalatshala yo rhamba swichudeni swa Bibele.

25 min: “Ku Hlanganisiwa Swin’we Hi Vun’we.”* Loko mi bula hi ndzimana 3, katsa ni tinhlamuselo leti nga eka Xalamuka! ya May 8, 2000, matluka 17-18. Eka ndzimana 4, katsa ni tinhlamuselo leti nga eka Xihondzo xo Rindza xa April 1, 1995, matluka 16-17, tindzimana 4-6.

Risimu 81 ni xikhongelo xo pfala.

Vhiki Leri Sungulaka Hi August 5

Risimu 38

10 min: Switiviso swa vandlha.

20 min: “Ku Hlengeletiwa Ka Vanhu Va Tindzimi Hinkwato.”a Katsa ni tinhlamuselo leti nga eka Xihondzo xo Rindza xa April 1, 2002, tluka 24. Loko swi koteka hlamusela hi ku komisa leswi endliwaka leswaku ku pfuniwa vanhu lava vulavulaka tindzimi timbe ensin’wini ya ka n’wina, kutani u endla nkombiso wa xingheniso lexi nga eka ndzimana 4.

15 min: Mintokoto ya le vandlheni ra ka n’wina leyi faneleke yi lunghiseleriwa ka ha ri emahlweni. Kombela vayingiseri leswaku va hlamusela mintokoto leyi akaka, leyi fambisanaka ni ku va kona enhlengeletanweni ya xifundzha kumbe enhlengeletanweni yo hlawuleka ya siku rin’we, vuphayona bya nkarhinyana, ku aka Tiholo ta Mfumo kumbe ku hlanganyela etimhakeni tin’wana ta moya.

Risimu 184 ni xikhongelo xo pfala.

[Nhlamuselo ya le hansi]