Xiyimiso Xa Nhlangano Wa Ntirho

Vhiki Leri Sungulaka Hi August 12

Risimu 76

13 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Marungula Ya Swa Mfumo. Hi ku tirhisa swiringanyeto leswi nga eka tluka 8, endla minkombiso yimbirhi yo hambana leyi kombisaka ndlela yo fambisa Xihondzo xo Rindza xa August 15 ni Xalamuka! ya September 8. Eka nkombiso wun’wana ni wun’wana, kombisa tindlela to hambana to hlamula munhu la sivaka bulo a ku, “Ha yini mi ta nkarhi na nkarhi?”—Vona buku leyi nge Ku Hlamulana, tluka 20.

20 min: “Tivekele Tipakani Ta Moya.”a Loko mi fika eka ndzimana 5, katsa ni tinhlamuselo leti khutazaka malunghana ni vuphayona bya nkarhi hinkwawo, ntirho wa vurhumiwa ni wa le Bethele, leti humaka ebukwini leyi nge Vutirheli Bya Hina, matluka 114-16.

12 min: Mintokoto ya le nsin’wini. Kombela vandlha ri hlamusela mintokoto leyi ri veke na yona hi ku tirhisa xiphephana lexi nge Xana U Lava Ku Tiva Swo Tala Hi Bibele? Xana va kote ku sungula tidyondzo ta Bibele? Loko swi ri tano, a va hlamusele ndlela leyi va ti sunguleke ha yona kumbe va endla nkombiso wun’we kumbe yimbirhi ya ndlela leyi va ti sunguleke ha yona. Pfuxeta rungula leri nga ebokisini leri nge “Minkarhi Leyi Xiphephana Xi Nga Fambisiwaka Ha Yona” eka Vutirheli Bya Hina Bya Mfumo bya November 2001, tluka 4.

Risimu 123 ni xikhongelo xo pfala.

Vhiki Leri Sungulaka Hi August 19

Risimu 182

12 min: Switiviso swa vandlha. Xiviko xa timali. Hlamusela “Nongonoko Lowuntshwa Wa Nhlengeletano Yo Hlawuleka Ya Siku Rin’we.” Tivisa siku leri nhlengeletano yo hlawuleka yi nga ta khomiwa ha rona, kutani u khutaza hinkwavo leswaku va fika ka ha ri na nkarhi va tlhela va yingisela nongonoko hinkwawo. Khutaza vahuweleri leswaku va rhamba vanhu lava ha ku va kumaka ensin’wini ni lava va dyondzaka na vona Bibele.

15 min: Va Siveriwa Hi Yini? Ku burisana ni vayingiseri ni nkombiso. Ensin’wini ya hina, hakanyingi hi hlangana ni vanhu lava nga rhandziki ku vulavula hi vupfumeri bya vona. Sweswo swi tisa xihinga lexi nga hi sivelaka ku va byela rungula ra Mfumo. Loko hi kumisisa leswaku ha yini munhu a nga lavi ku vulavurisana na hina, sweswo swi nga hi pfuna ku tirhisa xingheniso lexi nga ta khutaza munhu wa kona leswaku a vulavula. Hlamusela swingheniso leswi hi nga swi tirhisaka loko hi hlangana ni vanhu lava landzelaka: (1) Lava va nga khathaliki hi vukhongeri, hambi byi ri bya vona. (2) Lava namarhelaka milawu ya vukhongeri bya vona leyi a yi tirhisiwa hi mindyangu ni vakokwa wa vona. (3) Lava nga rhandziki ku vulavula hi vupfumeri bya vona hileswi va nga swi kotiki kahle ku byi seketela hi Matsalwa. (4) Lava va nga hi rhandziki hi ku hlohloteriwa hi marito ya vukanganyisi ya vakaneti. U nga hlela nxaxamelo lowu nga laha henhla hi vuntshwa leswaku wu fambelana ni xiyimo xa le ndhawini ya ka n’wina, hi ku ya hi mavonelo lawa vo tala va nga na wona ensin’wini ya ka n’wina. Katsa ni nkombiso wo koma lowu kombaka ndlela yo nghenisa munhu ebulwini ra Matsalwa.

18 min: “Kombisa Ku Tshembeka Ka Vukreste Loko Xaka Ra Wena Ri Susiwe Eku Hlanganyeleni.”b (Tindzimana 1-8) Yi fanele yi tameriwa hi nkulu la fanelekaka, a tirhisa swivutiso swa xihloko lexi. Hlela leswaku ndzimana yin’wana ni yin’wana yi hlayiwa swi twala kahle hi makwerhu loyi a kotaka ku hlaya kahle.

Risimu 136 ni xikhongelo xo pfala.

Vhiki Leri Sungulaka Hi August 26

Risimu 189

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu wa August eka valanguteri va Dyondzo ya Buku ya Vandlha. Valanguteri va Dyondzo ya Buku ya Vandlha va fanele ku tiyiseka leswaku swiviko hinkwaswo swa ntlawa wa vona swi va swi helerile leswaku loko ku fika September 6 swi va swi rhumeriwile. Nakambe va fanele ku tiyiseka leswaku va hlengeleta ni swiviko hinkwaswo leswi nga kumekangiki eka lembe ra ntirho kutani va swi nyika matsalana. Tivisa vandlha hi nhluvuko lowu endliweke ensin’wini leyi nga aviwangiki. Nakambe ri tivise hi malunghiselelo ya n’hweti ya September. Vulavurisana ni muhuweleri un’we kumbe vambirhi malunghana ni ndlela leyi va humeleleke ha yona ku ta fikela sweswi ensin’wini leyi nga aviwangiki. Hi ku tirhisa swiringanyeto leswi nga eka tluka 8, kombela muhuweleri wa vandlha a kombisa ndlela yo fambisa Xihondzo xo Rindza xa September 1. Khutaza vahuweleri hinkwavo leswaku va katsa ni tsalwa ro karhi eka swingheniso swa vona.

17 min: “Vana Ni Vutshila Bya Ku Vulavula Ni Van’wana!”c Loko u gimeta, khutaza vahuweleri leswaku va pfuxeta ndzima leyi nge “Ndlela Yo Antswisa Vuswikoti Byo Vulavula Ni Van’wana” ebukwini leyi nge Vuyeriwa Eka Vuleteri Bya Xikolo Xa Vutirheli Bya Le Tilweni, matluka 62-5, loko se yi ri kona.

18 min: “Kombisa Ku Tshembeka Ka Vukreste Loko Xaka Ra Wena Ri Susiwe Eku Hlanganyeleni.”d (Tindzimana 9-14) Yi fanele yi tameriwa hi nkulu la fanelekaka, a tirhisa swivutiso swa xihloko lexi. Hlela leswaku ndzimana yin’wana ni yin’wana yi hlayiwa swi twala kahle hi makwerhu loyi a kotaka ku hlaya kahle.

Risimu 125 ni xikhongelo xo pfala.

Vhiki Leri Sungulaka Hi September 2

Risimu 84

10 min: Switiviso swa vandlha. Tsundzuxa vahuweleri leswaku va siya swiviko swihi na swihi leswi saleke swa ntirho wa nsimu wa August, eka valanguteri va Dyondzo ya Buku ya Vandlha. Hi ku komisa, nyikela tinhla-nkulu ta xihloko lexi nge “Hlaya Ni Vana Va Wena” lexi nga eka Xihondzo xo Rindza xa May 1, 1999, tluka 25.

20 min: Rhanga U Lunghiselela. Mbulavurisano ni nkombiso. Ku kunguhata kahle swa hi pfuna leswaku hi humelela ensin’wini. Hikwalaho, loko u nga si ya ensin’wini: (1) Kuma minkandziyiso leyi u nga ta yi tirhisa. (2) Tiyiseka leswaku u ni swiphephana leswi eneleke swa rhekhodo ya yindlu na yindlu kun’we ni xo tsala ha xona. (3) Loko u ta lava xo famba ha xona, endla malunghiselelo lama faneleke. (4) Anakanya hi vanhu lava u kunguhataka ku tlhelela eka vona. (5) Lunghiselela leswi u nga ta swi vula. Loko u ta fambisa nhlangano wa ntirho wa nsimu, tiyiseka leswaku ku ni nsimu leyi eneleke. Vulavurisana ni vahuweleri hi tindlela timbirhi kumbe tinharhu leti buku leyi nge Vutivi yi nga fambisiwaka ha tona ensin’wini hi September. Hlela nkombiso wa xin’wana xa swingheniso swa kona, laha ku faneleke ku nghenisiwa ni tsalwa.—Vona swiringanyeto leswi nga eka xiengetelo xa Vutirheli Bya Hina Bya Mfumo bya January 2002, tluka 5.

15 min: Swilaveko swa vandlha. Kombela vandlha leswaku ri hlamusela mintokoto leyi ri veke na yona hi ku chumayela hi xitshuketa, kumbexana hi ku vulavula hi mahungu lamanene ni vanhu lava kumiweke endhawini yo paka mimovha, eka swo famba ha swona swa mani na mani, etiphakeni, emavhengeleni, eswitichini swa tilori ni le tindhawini tin’wana ta mani na mani. Endla nkombiso wun’we kumbe yimbirhi leyi kombisaka ndlela leyi sweswo swi endlekeke ha yona.

Risimu 99 ni xikhongelo xo pfala.

[Tinhlamuselo ta le hansi]