Xiyimiso Xa Nhlangano Wa Ntirho

Vhiki Leri Sungulaka Hi November 11

Risimu 183

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi kumekaka eka tluka 8, endla minkombiso yimbirhi yo fambisa Xihondzo xo Rindza xa November 15 ni Xalamuka! ya December 8. Eka nkombiso wun’wana, hlamusela ndlela leyi ntirho wa hina wa misava hinkwayo wu seketeriwaka ha yona hi timali.—Vona Xihondzo xo Rindza eka tluka 2, kumbe Xalamuka! eka tluka 5.

15 min: Vaseketeri Va Vugandzeri Bya Ntiyiso—Va Le Nkarhini Lowu Hundzeke Ni Va Namuntlha. Nkulumo leyi sekeriweke eka Xihondzo xo Rindza xa November 1, 2002, matluka 26-30.

20 min: “Pfuna Mulanguteri Wa Dyondzo Ya Buku Ya Vandlha Ra Ka N’wina.”a Yi fanele yi tameriwa hi nkulu loyi a nga mulanguteri wa Dyondzo ya Buku ya Vandlha. Loko mi fika eka ndzimana 3, katsa ni tinhlamuselo leti kumekaka eka buku leyi nge Xikolo Xa Vutirheli, tluka 70. Bumabumela vandlha hi tindlela to hlawuleka leti ri seketelaka lunghiselelo ra dyondzo ya buku ha tona, kutani u ri tsundzuxa hi musa malunghana ni swilo swihi ni swihi leswa ha lavaka ku antswisiwa.

Risimu 114 ni xikhongelo xo pfala.

Vhiki Leri Sungulaka Hi November 18

Risimu 78

10 min: Switiviso swa vandlha. Xiviko xa timali. Marungula Ya Swa Mfumo.

10 min: Bokisi Ra Swivutiso. Nkulumo hi nkulu la nga ni vutshila byo vulavula.

25 min: “Tinhloko Ta Mindyangu—Vanani Ni Xiyimiso Xa Nkarhi Na Nkarhi Xa Timhaka Ta Moya.” Endzhaku ka xingheniso xo koma lexi sekeriweke eka tindzimana 1-3, vulavurisana ni vayingiseri hi ku tirhisa tindzimana 4-13. Loko nkarhi wu pfumela, hlaya tindzimana 7, 8, 11 na 12. Nakambe vulavurisana ni mutswari un’we kumbe vambirhi. I yini lexi pfuneke mindyangu ya vona leswaku yi va ni xiyimiso lexinene xa timhaka ta moya? Xana sweswo swi lave leswaku va tikarhatela ku endla yini? Xana va vuyeriwe hi ndlela yihi? Gimeta hi tinhlamuselo to koma leti sekeriweke eka ndzimana 14.

Risimu 31 ni xikhongelo xo pfala.

Vhiki Leri Sungulaka Hi November 25

Risimu 16

10 min: Switiviso swa vandlha. Mpatswa lowu tekaneke lowu tirhaka swin’we evutirhelini bya nsimu wu kombisa ndlela yo tirhisa swiringanyeto leswi nga eka tluka 8, hi ku fambisa magazini wa December 1 ni wa December 8. Nuna wa kona u fambisa Xihondzo xo Rindza kutani nsati a fambisa Xalamuka!

15 min: “Twarisa Ntiyiso Malunghana Na Yesu.”b Katsa ni tinhlamuselo leti nga ebukwini leyi nge Xikolo Xa Vutirheli, tluka 278. Khutaza hinkwavo leswaku va ta ni buku leyi eka Nhlangano wa Ntirho wa vhiki leri landzelaka, eka nkulumo leyi nge “Xikolo Lexi Nga Ta Hi Vuyerisa Swinene.”

20 min: “Kombisa Nkhathalelo Wa Rirhandzu Eka ‘Vana Lava Nga Riki Na Tatana.’” Endla xingheniso xa timinete tinharhu malunghana ni ndlela leyi Yehovha a va langutaka ha yona vana lava nga riki na vatatana, hi ku ya hi ndzimana 1 na Insight, Vholumo 1, tluka 816. Kambisisani tindzimana letin’wana hi ku tirhisa swivutiso ni tinhlamulo. Kandziyisa tindlela leti van’wana va nga pfunaka ni ku khutaza ha tona. Loko mi fika eka tindzimana 3-4, katsa ni tinhlamuselo to koma leti kumekaka eka Xalamuka! ya October 8, 1995, matluka 8-9.

Risimu 142 ni xikhongelo xo pfala.

Vhiki Leri Sungulaka Hi December 2

Risimu 213

10 min: Switiviso swa vandlha. Tsundzuxa vahuweleri leswaku va siya swiviko swa vona swa ntirho wa nsimu wa November. Bumabumela hinkwavo lava hlanganyeleke entirhweni wa nsimu leyi nga aviwangiki. Hlamusela ntirho lowu koteke ku endliwa kun’we ni mintokoto yihi ni yihi leyi tsakisaka. Hi ku komisa pfuxetani xingheniso lexi nga tirhisiwaka loko ku fambisiwa buku leyi nge Nghwazi.—Nakambe vona Vutirheli Bya Hina Bya Mfumo bya June 1998, tluka 8.

12 min: Swilaveko swa vandlha.

23 min: “Xikolo Lexi Nga Ta Hi Vuyerisa Swinene.” Mulanguteri wa xikolo u vulavurisana ni vayingiseri. Endla leswaku vayingiseri va wu langutela hi mahlo-ngati nongonoko lowuntshwa wa xikolo, lowu nga ta sungula hi January. Nyikela nyingiso eka vukongomisi bya “Xiyimiso Xa Xikolo Xa Vutirheli Bya Le Tilweni Xa 2003,” eka xiengetelo xa Vutirheli Bya Hina Bya Mfumo bya October 2002. Xaxameta swilo leswi lavekaka leswaku u fanelekela ku hlanganyela eka xikolo lexi, hilaha swi hlamuseriweke hakona ebukwini leyi nge Xikolo Xa Vutirheli, eka tluka 282, naswona khutaza hinkwavo lava fanelekaka leswaku va tsarisa, loko va nga si endla tano.

Risimu 127 ni xikhongelo xo pfala.

[Tinhlamuselo ta le hansi]