Xiyimiso Xa Nhlangano Wa Ntirho

XIYA: Vutirheli Bya Hina Bya Mfumo byi ta va ni xiyimiso xa Nhlangano wa Ntirho wa vhiki rin’wana ni rin’wana hi tin’hweti ta ntsombano. Loko swi laveka, mavandlha ma nga endla mindzulamiso ya xiyimiso xa wona leswaku ma kota ku ya eNtsombanweni wa Muganga wa “Vachumayeri Va Mfumo Lava Hisekaka.” Loko swi koteka, tirhisani timinete ta 15 eka Nhlangano wa Ntirho wo hetelela wa le mahlweni ka vhiki ra ntsombano leswaku mi pfuxeta switsundzuxo swa xiengetelo xa October leswi tirhaka endhawini ya ka n’wina. Hi n’hweti ya February 2003, Nhlangano hinkwawo wa Ntirho wu ta hleriwa leswaku ku pfuxetiwa tinhla-nkulu ta nongonoko wa ntsombano. Leswaku hi lunghekela mbulavurisano wolowo, hinkwerhu hi nga tsala tinhla hi nkarhi wa ntsombano, ku katsa ni nxaxamelo wa tinhla to hlawuleka leti hi rhandzaka ku ti tirhisa evuton’wini bya hina ni le vutirhelini bya nsimu. Kutani hi nga hlamusela ndlela leyi hi swi tirhiseke ha yona swiringanyeto leswi hi swi kumeke entsombanweni. Hi ta akeka hi ku twa van’wana va hlamusela ndlela leyi va vuyeriweke ha yona eka dyondzo leyinene leyi va yi kumeke.

Vhiki Leri Sungulaka Hi December 9

Risimu 193

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi kumekaka eka tluka 8, endla minkombiso yo fambisa Xihondzo xo Rindza xa December 15 ni Xalamuka! ya January 8.

15 min: “Twarisa Rungula Ra Mfumo.”a Loko mi fika eka ndzimana 3, katsa ni swiringanyeto swa ku hlaya Bibele hi ku kongoma loko u vulavula ni van’wana hi mahungu lamanene.—km-TS 12/01 tl. 1 ndz. 3.

15 min: Lava Nga Ni Vuxiyaxiya Va Ta Twisisa. (Dan. 12:3, 10) Nkombiso. Munhu la tsakelaka u vutisa xivutiso lexi nge: “Ndzi nga tiyiseka njhani leswaku matwisiselo ya wena ya leswi Bibele yi swi dyondzisaka ma lulamile?” Muhuweleri u hlamusela ndlela yo tirhisa tinhloko-mhaka loko u endla ndzavisiso wa Bibele. (w96-TS 5/15 matl. 19-20) Hi ku tirhisa xikombiso xin’we kumbe swimbirhi leswi humaka ebukwini leyi nge Ku Hlamulana, eka matluka 147-51, u kombisa ndlela leyi hi xi twisiseke ha yona xikongomelo xa Xikwembu hi misava, hi ku kambisisa Matsalwa. Muhuweleri u hlamusela ndlela leyi mukhuva lowu fanaka wu nga tirhisiwaka ha yona ku twisisa tidyondzo tin’wana ta Bibele kutani a ringanyeta dyondzo ya Bibele.

Risimu 119 ni xikhongelo xo pfala.

Vhiki Leri Sungulaka Hi December 16

Risimu 29

10 min: Switiviso swa vandlha. Xiviko xa timali. Hlamusela malunghiselelo yo hlawuleka ya ntirho wa nsimu hi siku ra December 25 ni ra January 1.

20 min: Tswala Mihandzu eNtirhweni Wun’wana Ni Wun’wana Lowunene. Nkulumo leyi katsaka ni ku vulavurisana ni vayingiseri. Yi fanele yi nyikeriwa hi nkulu. Hlamusela matimu ya vandlha ra ka n’wina ni nhluvuko lowu ri wu endleke, ku katsa ni matshalatshala lama yiseke eku vumbiweni ka rona. Endla malunghiselelo ka ha ri emahlweni ya leswaku van’wana lava a va ri kona hi nkarhi wolowo va hlamusela mintokoto leyi khutazaka. Boxa swikombiso leswi nga kona swa leswaku ra ha ta kula, kutani u khutaza hinkwavo leswaku va seketela timhaka ta vandlha hi ku gingiriteka.

15 min: Swilaveko swa vandlha.

Risimu 154 ni xikhongelo xo pfala.

Vhiki Leri Sungulaka Hi December 23

Risimu 148

10 min: Switiviso swa vandlha. Hi ku tirhisa swiringanyeto leswi nga eka tluka 8, kombisa ndlela yo fambisa Xihondzo xo Rindza xa January 1 ni Xalamuka! ya December 8.

20 min: “Xana U Hoxa Xandla Eka Xiviko Lexi Pakanisaka Xa Ntirho Wa Nsimu?”b Loko mi fika eka ndzimana 2, katsa ni tinhlamuselo leti nga ebukwini leyi nge Vutirheli Bya Hina, matluka 106-8.

15 min: Mintokoto ya vandlha. Kombela vayingiseri va hlamusela mintokoto leyi va yi tsakeleke loko va ya ni ku vuya entsombanweni, loko va ri entsombanweni, kumbe va chumayela hi xitshuketa loko va ri entirhweni, exikolweni, eku xaveni ni kun’wana.

Risimu 165 ni xikhongelo xo pfala.

Vhiki Leri Sungulaka Hi December 30

Risimu 152

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu wa December eka mulanguteri wa Dyondzo ya Buku ya Vandlha. Loko vandlha ra ka n’wina ri ta cinca minkarhi ya minhlangano eka lembe lerintshwa, khutaza hinkwavo leswaku va va kona nkarhi na nkarhi hi minkarhi leyintshwa leyi vekiweke. Boxa minkandziyiso leyi nga ta fambisiwa hi January, u hlamusela leswaku hi tihi tibuku leti vandlha ri nga na tona exitokweni.

20 min: Nyikela Xikhutazo Hi Ku Tirhisa Buku Leyi Nge Ku Hlamulana. Ku vulavurisana ni vayingiseri. Un’wana ni un’wana u lava xikhutazo xa rirhandzu nkarhi na nkarhi. Hikwalaho, hinkwerhu hi fanele hi ‘vulavula marito yo chavelela’ van’wana, ku katsa ni lava karhatekeke lava hi hlanganaka na vona ensin’wini. (1 Tes. 5:14) Hi ku tirhisa buku leyi nge Ku Hlamulana, kombela vayingiseri va hlamusela leswaku hi xihi xikhutazo xa Matsalwa lexi va nga xi tirhisaka eka munhu la langutaneke ni man’wana ya maxangu lama boxiweke eka matluka 405-9. Ringanyeta leswaku un’wana ni un’wana a ringeta ku khutaza un’wana loko ku va ni xilaveko.—Gal. 6:10.

15 min: “Ndlela Leyi Tinkulumo Ta Le Rivaleni Ti Nga Hi Pfunaka Ha Yona.”c Yi fanele yi nyikeriwa hi mulanguteri la ungamelaka kumbe nkulu la khathalelaka tinkulumo ta le rivaleni. Endla leswaku switsundzuxo leswi nyikeriweke swi tirha evandlheni ra ka n’wina.

Risimu 147 ni xikhongelo xo pfala.

Vhiki Leri Sungulaka Hi January 6

Risimu 67

5 min: Switiviso swa vandlha.

20 min: “Tsundzuka Vanhu Vo Tshembeka Lava Kuleke.”d Katsa ni tinhlamuselo leti tekiweke eka tluka 29 ra Xihondzo xo Rindza xa August 1, 1994. Hlamusela lunghiselelo leri endleriweke lava tsaneke emirini ra ku vika nkarhi lowu va wu heteke entirhweni wa nsimu ku sukela eka timinete ta 15. Kombela vamakwerhu va nga ri vangani va hlamusela mintokoto leyi kombisaka ndlela leyi ku tolovelana ni vanhu vo tano swi tisaka mikateko ha yona.

20 min: A Ndzi Khomiwi Hi Tingana Hi Mahungu Lamanene. (Rhom. 1:16) Muntshwa la nga ni xiphiqo u kombela mpfuno eka tata wa yena. U chava ku tiviwa a ri un’wana wa Timbhoni ta Yehovha hikwalaho ko chava ku hlekuriwa hi tintangha ta yena. Tatana u nkhensa n’wana hikwalaho ko vulavula ntiyiso hi mhaka leyi. Tatana u hlamusela n’wana malunghana ni leswi Petro a tshameke a swi endla hikwalaho ka ntshikilelo wa tintangha. (Mat. 26:69-74) Tatana u nyikela xitsundzuxo lexi landzelaka: A hi fanelanga hi khomiwa hi tingana hileswi hi nga Vakreste. (Mar. 8:38) Swa pfuna ku tiviwa u ri Mbhoni exikolweni. Loko vadyondzisi vo tala va swi tiva, va ta xixima vupfumeri bya wena naswona a va nge ku sindzisi ku endla swilo leswi u nga fambisaniki na swona. Vana lava tsemeke mibya a va nge ringeti ku ku kucetela leswaku u tikhoma hi ndlela yo biha. Van’wana lava u dyondzaka na vona va ta hatla va swi twisisa leswaku ha yini u nga tsakeli rigangugangu ni ku hlanganyela eka mintlango leyi endliwaka loko xikolo xi humile. Loko nkarhi wu pfumela, tatana ni n’wana va nga vulavurisana hi tinhla leti nga ehansi ka xihlokwana lexi nge “Ku Twarisa Vunghana Bya Wena Ni Xikwembu eRivaleni” lexi kumekaka ebukwini leyi nge Vantshwa, matluka 315-18. Muntshwa u tlangela xikhutazo lexinene lexi a xi kumeke.

Risimu 79 ni xikhongelo xo pfala.

[Tinhlamuselo ta le hansi]