Xiyimiso Xa Nhlangano Wa Ntirho

Vhiki Leri Sungulaka Hi February 10

Risimu 4

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlalela vhidiyo leyi nge Faithful Under Trials—Jehovah’s Witnesses in the Soviet Union leswaku va lunghekela mbulavurisano wa Nhlangano wa Ntirho wa vhiki ra February 24. Etindhawini ta le makaya, vakulu va fanele va ringeta ku endla leswaku vhidiyo leyi yi voniwa hi mindyangu leyi nga riki na yona michini ya vhidiyo. Sweswo swi nga endliwa hi ku lunghiselela leswaku vhidiyo leyi yi kombiwa eHolweni ya Mfumo hi siku leri ku nga riki na minhlangano yin’wana kumbe yi hlaleriwa endzhaku ka dyondzo ya buku. Kambe vhidiyo a yi fanelanga yi siva nkulumo ya le rivaleni. Mavandlha lama nga etindhawini ta le makaya lama nga riki na yona michini ya vhidiyo ma nga tirhisa nkarhi lowu hi ku vulavula hi swilaveko swa vandlha. Hi ku tirhisa swiringanyeto leswi nga eka tluka 8, endla leswaku ku va ni minkombiso yimbirhi yo fambisa Xihondzo xo Rindza xa February 15 na Xalamuka! ya March 8. Eka nkombiso wun’wana ni wun’wana, timagazini leti ti fanele ti fambisiwa ti ri timbirhi hambiloko ku vulavuleriwe wun’we ntsena.

35 min: “Chumayela U Tlhela U Nyikela Vumbhoni Bya Rixaladza.”a Yi fanele yi nyikeriwa hi mulanguteri wa ntirho. Khutaza hinkwavo lava nga swi kotaka leswaku va nghenela vuphayona bya nkarhinyana hi March na April. Kombela tinhlamuselo eka lava koteke ku phayona hi nguva ya Xitsundzuxo n’wexemu. Xana va hlele njhani leswaku va kota ku phayona? Leswi swi lave matshalatshala ni mindzulamiso yihi? I yini leswi swi va tsakiseke naswona va kume mikateko yihi? Pfuxeta swikombiso swa xiyimiso ebokisini leri nga eka tluka 4. Tivisa leswaku tifomo ta vuphayona bya nkarhinyana ti ta kumeka endzhaku ka nhlangano.

Risimu 30 ni xikhongelo xo pfala.

Vhiki Leri Sungulaka Hi February 17

Risimu 48

10 min: Switiviso swa vandlha. Xiviko xa timali. Hlamusela nkandziyiso lowu nga ta fambisiwa hi March. Boxa xiringanyeto xin’we kumbe swimbirhi swo fambisa buku leyi nge Vutivi, u tirhisa tinhla leti nga eka xiengetelo xa Vutirheli Bya Hina Bya Mfumo bya January 2002. Kandziyisa pakani yo sungula tidyondzo ta le kaya ta Bibele.

35 min: “Ku Vuyeriwa Hi Xitalo Eka Ntsombano Wa Muganga Wa ‘Vachumayeri Va Mfumo Lava Hisekaka.’” Yi fanele yi tameriwa hi mufambisi wa Dyondzo ya Xihondzo xo Rindza. Endzhaku ka xingheniso xo ringana minete, vulavurisana ni vayingiseri hi nongonoko wa ntsombano wa muganga, u tirhisa swivutiso leswi kumekaka eka xihloko lexi. Hlela nkarhi wa wena hi vukheta. Ku nga katsiwa ni tinhlamuselo to koma leswaku vayingiseri va tsundzuxiwa tinhla ta nkoka. Loko swi fanerile, kombela vayingiseri va hlamusela ndlela leyi va swi tirhisaka ha yona leswi va swi dyondzeke ni vuyelo lebyi va byi kumaka hi ku endla tano.

Risimu 57 ni xikhongelo xo pfala.

Vhiki Leri Sungulaka Hi February 24

Risimu 74

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu swa February. Hi ku tirhisa swiringanyeto leswi nga eka tluka 8, hlela nkombiso wun’we wo fambisa Xihondzo xo Rindza xa March 1. Eka nkombiso lowu, timagazini ti fanele ti fambisiwa ti ri timbirhi, hambiloko ku vulavuleriwe wun’we ntsena.

10 min: “Mpfuno Lowu Fikeke Hi Nkarhi.” Nkulumo hi nkulu. Kandziyisa leswaku matshalatshala yo hlawuleka lama endliwaka leswaku ku pfuniwa lava holeke ma kombisa nkhathalelo wa rirhandzu lowu Yehovha a nga na wona eka vanhu va yena.

25 min: “Vhidiyo Leyi Nga Ta Ku Voningela Ni Ku Ku Khutaza!” Namba u sungula ku vulavurisana ni vayingiseri hi vhidiyo leyi nge Faithful Under Trials, u tirhisa swivutiso leswi nga eka xihloko. Hlela nkarhi wa wena kahle leswaku u ta kota ku nyika vayingiseri vo hlayanyana nkarhi wo hlamula xivutiso xo hetelela. Gimeta hi ku hlaya bokisi leri nga eka tluka 192, eka Buku Ya Lembe Ya 2002.

Risimu 56 ni xikhongelo xo pfala.

Vhiki Leri Sungulaka Hi March 3

Risimu 14

10 min: Switiviso swa vandlha.

15 min: “Xana U Nga Pfula Kaya Ra Wena?” Nkulumo hi mulanguteri wa dyondzo ya buku. Katsa ni tinhlamuselo leti nga eka Bokisi Ra Swivutiso ra Vutirheli Bya Hina Bya Mfumo bya April 2001 ni bya May 1991. Boxa nhlayo ya mintlawa ya dyondzo ya buku leyi nga evandlheni ni nhlayo-xikarhi ya lava va vaka kona. Kombela muhuweleri un’we kumbe vambirhi va hlamusela ndlela leyi vona ni mindyangu ya vona va vuyeriweke ha yona hi ku va ni dyondzo ya buku ekaya ra vona. Lava va nga rhandzaka ku pfula makaya ya vona va fanele va tivisa mulanguteri la ungamelaka.

20 min: “Xana U Rhangisa Yini?”b Hlela ka ha ri emahlweni leswaku muhuweleri un’we kumbe vambirhi va hlamusela ndlela leyi va swi koteke ha yona ku lulamisa swiyimo swa vona leswaku va hlanganyela hi xitalo evutirhelini bya nsimu.

Risimu 127 ni xikhongelo xo pfala.

[Tinhlamuselo ta le hansi]