Switiviso

◼ Nkandziyiso lowu nga ta fambisiwa hi February na March: Vutivi Lebyi Yisaka eVuton’wini Lebyi Nga Heriki. Ringetani hi matimba ku sungula tidyondzo ta le kaya ta Bibele. April na May: Fambisani tikopi ta Xihondzo xo Rindza na Xalamuka! Loko mi endla maendzo yo vuyela eka vanhu lava tsakelaka, ringetani ku fambisa broxara leyi nge Leswi Xi Swi Languteleke. Ringetani hi matimba ku sungula dyondzo ya le kaya ya Bibele.

◼ Mulanguteri la ungamelaka kumbe un’wana la komberiweke hi yena u fanele ku kambisisa timali ta vandlha hi March 1, kumbe hi ku hatlisa endzhaku ka siku leri. Loko se ti kambisisiwile, tivisani vandlha loko mi endla xiviko xa timali lexi landzelaka. Hlayani tinhlamuselo tihi ni tihi leti hi ti rhumeleke ta ku nkhensa minyikelo leyi vandlha ri yi nyikeleke eka ntirho wa misava hinkwayo kumbe eku seketeleni ka timhaka tin’wana.

◼ Matsalana ni mulanguteri wa ntirho va fanele ku kambisisa ntirho wa maphayona ya nkarhi hinkwawo. Loko ku ri ni lawa ma tikeriwaka hi ku fikelela xilaveko xa tiawara ta wona, vakulu va fanele ku endla malunghiselelo ya ku ma pfuna. Leswaku mi kuma swiringanyeto leswi mi nga swi tirhisaka, hlayani mapapila lama rhumeriwaka lembe ni lembe ya S-201. Nakambe, vonani tindzimana 12-20 ta xiengetelo xa Vutirheli Bya Hina Bya Mfumo bya August 1986.

◼ Nhloko-mhaka ya nkulumo yo hlawuleka leyi fambisanaka ni nkarhi wa Xitsundzuxo xa 2003 yi ri “Xana Nkarhi Wa Ku Avanyisiwa Ka Babilona Wu Fikile?” Vonani xitiviso lexi fambisanaka ni mhaka leyi eka Vutirheli Bya Hina Bya Mfumo bya September 2002.

◼ Tanihi leswi lunghiselelo ra ku rhumela swikhokhelo swa munhu hi xiyexe hi poso ri yimisiweke, mavandlha ma fanele ma ava minkandziyiso ya Xihondzo xo Rindza ni Xalamuka! hi ku hatlisa loko yi fika. Sweswo swi ta endla leswaku vahuweleri va kuma timagazini ta vona kutani va hlaya leswi ti swi tameleke va nga si ti fambisa ensin’wini.

◼ Ku sukela eka nkandziyiso wa March 1, 2003, Xihondzo xo Rindza xa Xichewa xi ta hamba xi kumeka ni hi nkandziyiso wa maletere lamakulu.

◼ Minkandziyiso ni tikhasete leti landzelaka swi tele ku tlula mpimo exitokweni xa hina. Tikumeleni tikopi ta n’wina hi ku endla xikombelo eka mulanguteri wa tibuku:

Vuprofeta Bya Esaya—I Rivoningo Eka Vanhu Hinkwavo I—Xisuthu

Listening to the Great Teacher—Xibunu

Listening to the Great Teacher (eka khasete)—Xibunu, Xizulu

Ku Lavisisa Ka Vanhu Xikwembu—Xibunu

Buku Yanga Ya Timhaka Ta Bibele (eka khasete)—Xibunu, Xixhosa, Xizulu

Nyikela Nyingiso Eka Vuprofeta Bya Daniyele—Xibunu, Xipedi, Xisu- thu, Xixhosa, Xizulu