Xiyimiso Xa Nhlangano Wa Ntirho

Vhiki Leri Sungulaka Hi March 10

Risimu 5

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi nga eka tluka 8, hlela minkombiso yo fambisa Xihondzo xo Rindza xa March 15 ni Xalamuka! ya April 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena.

15 min: Ndlela Yo Kombisana Ni Van’wana Hi Matsalwa. Ku vulavurisana ni vayingiseri. Hi nga byi antswisa njhani vuswikoti byo vulavurisana ni vanhu hilaha ku humelelaka ensin’wini? (1) Tiva Matsalwa kahle hi dyondzo ya wena hi wexe ni hi ku va kona eminhlanganweni. (2) Anakanyisisa hi leswi u swi dyondzeke, u swi kambisisa hi tindlela to hambana-hambana. (3) U nga lavi tinhlamuselo ta matsalwa ntsena, kambe ni swivangelo swa ku tirhisiwa ka Matsalwa wolawo emhakeni yo karhi. (4) Anakanya hi ndlela leyi u nga tirhisaka matsalwa ha yona eka vanhu vo hambana-hambana. (5) Anakanya hi ndlela leyi u nga kombisaka tinhla to karhi ha yona.

20 min: “Hisekela Leswi Nga Swinene!”a (Tindzimana 1-12) Endzhaku ko vulavurisana hi ndzimana 6, hi ku komisa endla nkombiso wa muhuweleri loyi a vulavulaka ni xaka, muakelani, kumbe loyi a nghenaka na yena xikolo kumbe loyi a tirhaka na yena, a n’wi rhambela eXitsundzuxweni, a tirhisa xiphephana xa xirhambo. Loko swiphephana swa xirhambo xa Xitsundzuxo swi nga si phakeriwa, swi fanele swi phakeriwa endzhaku ka nhlangano lowu.

Risimu 19 ni xikhongelo xo pfala.

Vhiki Leri Sungulaka Hi March 17

Risimu 34

10 min: Switiviso swa vandlha. Xiviko xa timali. Marungula Ya Swa Mfumo.

15 min: Hlawula Vanghana Va Wena Hi Vutlhari. Nkulumo hi nkulu leyi sekeriweke eka Xalamuka! ya March 8, 1997, tluka 24, ni rungula leri nga ehansi ka xihlokwana lexi nge “Vanghana Vo Biha” eka tluka 386 ra buku leyi nge Ku Hlamulana. Kombisa ndlela leyi misinya ya milawu ya kona yi tirhaka ha yona eka vantshwa ni le ka vanhu lavakulu. Kandziyisa vuyelo lebyinene bya ku hlawula vanghana lava rhandzaka Yehovha ni lava kombisaka leswaku va lwela ku namarhela milawu yakwe.

20 min: “Hisekela Leswi Nga Swinene!”b (Tindzimana 13-26) Yi fanele yi nyikeriwa hi mulanguteri la ungamelaka. Loko ku fikiwa eka ndzimana 14, endla nkombiso wo koma wa nkulu la endzeleke makwerhu la tsaneke emirini a ya n’wi khutaza, a hlamusela makwerhu wo tano leswaku a nga hlanganyela njhani ni vandlha entirhweni lowu engetelekeke hi nguva ya Xitsundzuxo.

Risimu 53 ni xikhongelo xo pfala.

Vhiki Leri Sungulaka Hi March 24

Risimu 72

10 min: Switiviso swa vandlha. Hi ku tirhisa swiringanyeto leswi nga eka tluka 8, kombisa ndlela yo fambisa Xihondzo xo Rindza xa April 1 ni Xalamuka! ya April 8.

15 min: Swilaveko swa vandlha.

20 min: Timbhoni Ta Yehovha—Ti Ni Nkucetelo Lowunene eVanhwini. Nkulumo leyi katsaka ni ku vulavurisana ni vayingiseri. Minkarhi yin’wana hi kuma nkarhi wa ku kombisa ndlela leyi vutirheli ni xikombiso xa hina swi pfunaka vanhu ha yona. Kombela vayingiseri leswaku va vulavula hi tinhla leti landzelaka: (1) Hi dyondzisa vanhu ku hanya hi misinya ya milawu ya Bibele. (2) Hi va dyondzisa ku tshembeka ni ku xixima vulawuri. (3) Hi dyondzisa vanhu va tinxaka, matiko ni tindhawu to hambana leswaku va hanyisana hi ku rhula. (4) Hi pfuna van’wana leswaku va antswisa vutomi bya mindyangu ya vona hi ku va khutaza leswaku va tirhisa misinya ya milawu ya Bibele. (5) Hi dyondzise vanhu va magidi ku hlaya ni ku tsala. (6) Hi lwela ku pfuna van’wana loko va weriwe hi timhangu. (7) Hi hoxe xandla swinene eku lweleni ka leswaku vanhu hinkwavo va kuma ntshunxeko wa vukhongeri.—Vona buku leyi nge Vahuweleri, tluka 699.

Risimu 121 ni xikhongelo xo pfala.

Vhiki Leri Sungulaka Hi March 31

Risimu 130

12 min: Switiviso swa vandlha. Tivisa malunghiselelo ya siku ro hlawuleka ra Timagazini hi Mugqivela, April 5. Tsundzuxa vahuweleri hinkwavo leswaku va nyika mulanguteri wa dyondzo ya buku swiviko swa vona swa ntirho wa nsimu wa March. Hlamusela minkandziyiso leyi nga ta fambisiwa hi April, ngopfu-ngopfu u kandziyisa leswaku ku fanele ku endliwa matshalatshala lamakulu yo sungula tidyondzo ta Bibele hi buku leyi nge Gandzela Xikwembu ni lava ana se va dyondzeke buku leyi nge Vutivi ni broxara leyi nge Leswi Xi Swi Languteleke. Hlamusela tinhla-nkulu ta xihlokwana lexi nge “Leswi Faneleke Swi Tsundzukiwa Malunghana Ni Xitsundzuxo.”

13 min: Mintokoto ya vandlha. Kombela vandlha ri hlamusela mintokoto leyi ri veke na yona loko ri hlanganyela entirhweni wo hlawuleka hi March. Ri bumabumele hikwalaho ka ku tikarhata ka rona, ivi u khutaza hinkwavo leswaku va hlanganyela hi xitalo hilaha swiyimo swa vona swi nga va pfumelelaka hakona hi April.

20 min: “Yehovha U Fanele A Dzunisiwa Swinene.”c Kandziyisa nkoka wa Xitsundzuxo. Kombisa ndlela leyi hinkwerhu hi nga va pfunaka ha yona van’wana leswaku va va kona. Hlamusela leswi nga endliwaka leswaku ku pfuxeleriwa lava holeke. Kombela vayingiseri va hlamusela mintokoto yihi ni yihi leyi khutazaka ya xitsundzuxo xa n’wexemu.

Risimu 173 ni xikhongelo xo pfala.

Vhiki Leri Sungulaka Hi April 7

Risimu 191

10 min: Switiviso swa vandlha.

15 min: Ku Vuyeriwa Eka Buku Ya Lembe Ya 2003. Nkulumo leyi katsaka ni ku vulavurisana ni vayingiseri. Vulavulani hi tinhla-nkulu ta “Papila Leri Humaka Eka Huvo Leyi Fumaka,” leri nga eka matluka 3-5. Hlela ka ha ri emahlweni leswaku vahuweleri va nga ri vangani va hlamusela swiviko ni mintokoto leyi va yi kumeke yi khutaza swinene ni ku tiyisa ripfumelo. Boxa tinhla-nkulu leti kumekaka eka xiviko xa misava hinkwayo. Khutaza mindyangu ku hlaya buku hinkwayo elembeni leri. Ringanyeta tindlela leti hi nga tirhisaka buku leyi ha tona leswaku hi kongomisa vanhu lavantshwa enhlengeletanweni ya Yehovha ni ku va khutaza ku va kona eminhlanganweni. (Mavandlha lama nga si kumaka Buku Ya Lembe Ya 2003 ma nga tirhisa nkarhi lowu ma vulavurisana hi swilaveko swa vandlha.)

20 min: “Ndlela Leyi Ntiyiso Wu Hi Ntshunxaka Ha Yona.”d Katsa ni tinhlamuselo leti nga ebokisini leri nga eka tluka 6 ra Xihondzo xo Rindza xa October 1, 1998. Kombela vayingiseri va hlamusela ndlela leyi tidyondzo ta Rito ra Xikwembu ti va ntshunxeke ha yona.

Risimu 217 ni xikhongelo xo pfala.

[Tinhlamuselo ta le hansi]