Mpfuxeto Wa Xikolo Xa Vutirheli Bya Le Tilweni
Swivutiso leswi landzelaka swi ta pfuxetiwa hi ku vulavurisana kunene eXikolweni xa Vutirheli bya le Tilweni hi vhiki leri sungulaka hi April 28, 2003. Mulanguteri wa xikolo u ta fambisa mpfuxeto wa timinete ta 30 lowu seketeriweke eka rungula ra tinkulumo leti nyikeriweke ku sukela eka vhiki ra March 3 ku ya eka April 28, 2003. [Xiya: Laha ku nga riki na swikombo endzhaku ka xivutiso swi ta lava leswaku u tikumela tinhlamulo hi ku tiendlela ndzavisiso.—Vona buku leyi nge Xikolo Xa Vutirheli, matl. 36-7.]
TINHLA TO TIRHELA EKA TONA
1. Hi swihi swilo swin’wana leswi nga ha vangaka ku pfumala nkhuluko? [1, be-TS tl. 93] (1) Ku nga tolovelani ni marito man’wana; (2) ku yima-yima etindhawini to tala; (3) ku nga lunghiseleli; (4) ku tsandzeka ku hlela mhaka yi landzelelana hi ndlela leyinene; (5) ku nga tivi marito yo tala; (6) ku kandziyisa marito yo tala ku tlurisa; (7) ku nga tolovelani ni milawu ya ririmi.
2. I Ntiyiso Kumbe I Mavunwa: Ku koka moya swi fanele swi papalatiwa, tanihi leswi swi nga endlaka leswaku mianakanyo ya vanhu yi tsendzeleka naswona swi nga va pfulela ndlela ya ku kavanyeta. Hlamusela. I Mavunwa. Ku koka moya hi mfanelo swi ta pfuna ku humesa tinhla-nkulu erivaleni. Ku koka moya ko tano ku kombisa leswaku ku ni swin’wana swa nkoka leswi u lavaka ku swi vula leswaku swi twiwa ni ku tsundzukiwa, xisweswo swi nge hatli swi rivaleka. [4, be-TS matl. 97-8]
3. Ku va xivulavuri kumbe muhlayi a kandziyisa mongo hi mfanelo i swa nkoka ku fikela kwihi? (Neh. 8:8) [6, be-TS tl. 101] Ku kandziyisa mongo hi mfanelo swi ta pfuna ku kandziyisa mhaka leswaku yi khutaza ni ku khoma mianakanyo ya vayingiseri. (Mongo lowu fanaka.)
4. Xana u nga wu kandziyisa njhani mongo hi mfanelo? [7, be-TS matl. 102-3] U nga kandziyisa mongo hi mfanelo hi ku ri hlaya hi vukheta rungula leri lavaka ku hlayiwa, hi ku humesa tinhla-nkulu kumbe ntlawa wa marito lama nga eswivulweni lama lavaka ku kandziyisiwa, hi ku xiya ku cinca ka mongo wa mhaka ni ku tsundzuka tinhla-nkulu leti vayingiseri va faneleke va ti tsundzuka. (Mongo lowu fanaka.)
5. Hi tihi tinhla-nkulu leti faneleke ti kandziyisiwa loko u hlaya mhaka leyi nga enkandziyisweni hi nkarhi wa dyondzo ya Bibele kumbe eminhlanganweni ya vandlha? [8, be-TS tl. 105] Ku fanele ku kandziyisiwa tinhlamulo ta swivutiso leswi kumekaka enkandziyisweni kun’we ni tinhla leti seketelaka swihlokwana. (Mongo lowu fanaka.)
NKULUMO NO. 1
6. Xana vatswari va nga endla yini leswaku va letela vana “leswaku va yingisa nileswaku va dyondza” eminhlanganweni ya Vukreste? (Det. 31:12) [1, be-TS tl. 16] (1) Vatswari va nga ya ni vana va vona eminhlanganweni hinkwayo ya vandlha, etinhlengeletanweni ni le mintsombanweni. (2) Ekaya va nga hlela minkarhi ya leswaku vana va tshamiseka va languta swifaniso kumbe va hlaya. (3) Loko swi koteka, va nga nyika vana va vona tikopi ta vona vini ta tibuku leti tirhisiwaka eminhlanganweni ni ku va pfuna ku lunghiselela leswaku va ta hlamula eminhlanganweni. (Mongo lowu fanaka.)
7. Xana paradeyisi ya moya i yini? [2, w01-TS 3/1 matl. 8-10] Paradeyisi ya moya i xiyimo lexi nga “tala hi ku tiva Yehovha” ni lexi eka xona ku kombisiwaka “mihandzu ya moya” hi xitalo, lexi endlaka leswaku munhu a va ni ku rhula ni Xikwembu ni vanhu-kulobye. (Mongo lowu fanaka.)—Esa. 11:9; Gal. 5:22, 23.
8. Xana Swivuriso 8:1-3 yi swi kombisa njhani leswaku vanhu hinkwavo va nga swi kota ku kuma vutlhari bya Xikwembu, naswona hi ku ya hi Vakolosa 2:3 xana va nga byi kuma kwihi? [3, w01-TS 3/15 matl. 25, 28] Vutlhari bya Xikwembu byi hlamuseriwa byi ri lebyi ‘huwelelaka’ byi “yime” kwihi ni kwihi laha vanhu va nga vaka kona naswona byi kumeka etindhawini ta mani na mani, tanihi le tinyangweni to nghena emutini. Leswi munhu a faneleke a swi tiva leswaku a kombisa vutlhari bya Xikwembu swi kombisiwe hi Yesu. (Mongo lowu fanaka.)—Mint. 4:12.
9. Xana hi nga ri twarisa njhani vito ra Xikwembu? (Yoh. 17:6) [5, be-TS matl. 273-5] Hi nga vitana Xikwembu xa ntiyiso hi vito loko hi vulavula ni van’wana ematshan’weni yo tirhisa marito yo tanihi “Xikwembu” kumbe “Hosi.” Hi nga komba vanhu vito ra Xikwembu eBibeleni ni kun’wana, tanihi le maritweni lama tsariweke emiakweni ya mani na mani. Nakambe i swa nkoka ku yisa nyingiso eka vuhosi, xikongomelo, timfanelo ni milawu ya Loyi a vitaniwaka hi vito rero. (Mongo lowu fanaka.)
10. Hi byihi vuxokoxoko bya nkoka lebyi vanhu va faneleke va byi tiva malunghana ni ‘mahungu lamanene ya mfumo’? (Mat. 24:14) [7, be-TS matl. 279-80] Vanhu va fanele va swi tiva leswaku hi 1914, Yesu u vekiwe ku va Hosi ya Mfumo wa Xikwembu. Endzhaku ka sweswo, Diyavulosi ni madimona ya yena va cukumeteriwe ehansi emisaveni. Hi le masikwini yo hetelela ya mafambiselo lawa ya swilo, naswona ku nga ri khale Mfumo wa Xikwembu wu ta teka goza ro herisa vakaneti hinkwavo va vuhosi bya Xikwembu emisaveni ivi wu simeka misava leyintshwa yo lulama. (Mongo lowu fanaka.)—Dan. 2:44; 7:13, 14; Nhlav. 12:7-10; 21:2-4.
KU HLAYA KA BIBELE KA VHIKI NI VHIKI
11. (a) Eka lembe-xidzana ro sungula, a ku ri yini “nchumu wo nyenyetsa” lowu boxiweke eka Marka 13:14? A ku ri vuthu ra Rhoma leri a ri te ni mijeko leyi xiyekaka. Mijeko yo tano a swi fana ni loko yi ri swifaniso swa swikwembu swa hava kutani a yi nyenyetsa eka Vayuda. (Mongo lowu fanaka.) (b) Xana ku va vuthu rero ri ‘yime laha ri nga fanelangiki ku yima kona’ a swi vula yini? A swi vula ku dumela ka rona Yerusalema ni tempele ya kona hi 66 C.E. [2, w99-TS 5/1 tl. 15 ndz. 6]
12. Xana Evhangeli ya Luka yi swi kombisa njhani leswaku Yesu a a ri mudyandzhaka wa xiviri exiluvelweni xa Davhida? (Luka 3:23-38) [3, w92-TS 10/1 tl. 9 ndz. 3] Luka u xaxameta rixaka ra Yesu hi xivongo xa Mariya loyi a veke mana wakwe wa ntumbuluko, a tlhelela le ndzhaku eka Davhida. Kasi rungula ra Matewu ri xaxameta rixaka ra Yesu ku ya fika eka Davhida, ri tirhisa xivongo xa tata wakwe wa muwundli, Yosefa, ri kombisa leswaku Yesu a ku ri mudyandzhaka wa ntiyiso exiluvelweni xa Davhida. (Mongo lowu fanaka.)
13. Xana ma vula yini marito ya Yesu lama tsariweke eka Luka 12:2? Hambileswi vuhomboloki bya Vafarisi a byi fihliwa hi vukanganyisi bya vona bya ku hisekela vukhongeri, eku heteleleni a byi ta paluxeka. Endzhaku vadyondzisiwa va Yesu a va ta paluxa vukanganyisi bya Vafarisi vo homboloka hi xivindzi hambileswi sweswo a swi ta nghenisa vutomi bya vona ekhombyeni. (Mongo lowu fanaka.)—Luka 12:3-5. [6, gt-TS 77]
14. Eka xifaniso xa Yesu xa mali ya drakma leyi lahlekeke, hikwalaho ka yini ndlela leyi tintsumi ti anguleke ha yona yi hlamarisa? (Luka 15:10) Xana xikombiso xa tona xi fanele xi hi khumba njhani? Vadyohi lava lahlekeke eka xifaniso lexi va ve ni ntshembo wa ku hlanganyela eMfun’weni wa Xikwembu wa le tilweni. Hikwalaho, etilweni va kuma xikhundla lexi tlakukeke ku tlula xa tintsumi hi toxe! Kambe ematshan’weni yo va ni mavondzo kumbe ku anakanya leswaku ti tekeriwa ehansi, hi ku titsongahata tintsumi ta swi xiya leswaku vanhu lava va nga ni vudyoho va kote ku langutana ni swiyimo leswi nga ta va hlomisela ku va ni ntwela-vusiwana ni musa loko va va tihosi ni vaprista etilweni. (Mongo lowu fanaka.) [7, gt-TS 85]
15. Hi yihi mintwanano yimbirhi leyi boxiwaka eka Luka 22:29? Marito ya Yesu lama nge “ndzi endla ntwanano swin’we na n’wina,” a ma kombetela eka ntwanano wa Mfumo, lowu Yesu a wu endleke ni valandzeri vakwe. Marito ya yena lama nge ‘hilaha Tata wa mina a endleke hakona ntwanano swin’we na mina’ ma tikomba ma kombetela eka ntwanano lowu Yehovha a wu endleke na yena leswaku a va muprista wo fana na Melkisedeke, hilaha swi hlamuseriweke hakona eka Pisalema 110:4. (Mongo lowu fanaka.) [9, w98-TS 2/1 tl. 17 ndz. 18; it-1 tl. 524]