Switiviso

◼ Minkandziyiso leyi nga ta fambisiwa hi April na May: Fambisani tikopi ta Xihondzo xo Rindza ni Xalamuka! Loko mi endla maendzo yo vuyela eka vanhu lava tsakelaka, ku katsa ni lava va veke kona eXitsundzuxweni ni/kumbe lava veke kona eminhlanganweni yin’wana ya timhaka ta moya kambe va nga hlanganyeliki hi ku hiseka ni vandlha, lwelani ku va siyela buku leyintshwa leyi nge Gandzela Xikwembu Xi Ri Xin’we Xa Ntiyiso. Ringetani hi matimba ku sungula tidyondzo ta le kaya ta Bibele, ngopfu-ngopfu loko ku ri vanhu lava ana se va dyondzeke buku leyi nge Vutivi ni broxara leyi nge Leswi Xi Swi Languteleke. June: Buku leyi nge Vutivi kumbe broxara leyi nge Leswi Xi Swi Languteleke. Loko vini va miti ana se va ri na yona minkandziyiso leyi, tirhisani broxara yin’wana leyi faneleke, leyi vandlha ri nga na yona exitokweni. July na August: Ku nga fambisiwa yin’wana ni yin’wana ya tibroxara leti landzelaka leti nga ni matluka ya 32: Hulumendhe Leyi Nga Ta Tisa Paradeyisi, Ku Humelela Yini Hi Hina Loko Hi Fa?, Loko U Feriwa Hi Loyi U N’wi Rhandzaka, Tsakela Vutomi eMisaveni Hi Masiku!, Vito Ra Xikwembu Leri Nga Ta Tshama Hi Masiku, “Vonani, Ndzi Endla Swilo Hinkwaswo Swi Va Leswintshwa”!, Xana U Fanele Ku Pfumela Eka Vunharhu-un’we?, Xana Xikongomelo Xa Vutomi I Yini—U Nga Xi Kumisa Ku Yini?, ni leyi nge Xana Xikwembu Xa Hi Khathalela Hakunene.

◼ I swa nkoka leswaku hofisi ya rhavi yi tshama yi ri ni tiadirese leti faneleke ni tinomboro ta riqingho ta valanguteri hinkwavo lava ungamelaka ni vamatsalana. Loko ku tshuka ku va ni ku cinca ko karhi, Komiti ya Ntirho ya Vandlha yi fanele yi tata fomo leyi nge Presiding Overseer/Secretary Change of Address (S-29) kutani yi yi rhumela erhavini hi ku hatlisa. Leswi swi katsa ni ku cinca loku nga vaka kona eka tikhodi ta telefoni ta ndhawu ya kan’wina.

◼ Vamatsalana va vandlha va fanele ku tshama va ri ni tifomo leti eneleke leti nge Application for Regular Pioneer Service (S-205) ni leti nge Application for Auxiliary Pioneer Service (S-205b). Tona ti fanele ku odiwa hi ku tirhisa Literature Request Form (S-14). Tshamani mi ri ni tifomo leti nga tirhaka lembe hinkwaro. Kambisisani tifomo hinkwato ta maphayona ya nkarhi hinkwawo ku vona loko ti tatiwe kahle. Loko lava va endleke xikombelo va nga ha ri tsundzuki siku leri va khuvuriweke ha rona, va fanele va tsala siku leri va anakanyaka rona ivi va tiyiseka leswaku va nga ha ri rivali.

◼ Loko u titekela riendzo, u ya etikweni rin’wana laha u nga ta fika u lava ku ya eminhlanganweni, enhlengeletanweni kumbe entsombanweni wa muganga, u fanele u kongomisa swivutiso swa wena malunghana ni masiku, minkarhi ni ndhawu ya minhlangano eka hofisini ya rhavi leri langutelaka ntirho wa tiko rero. Tiadirese ta marhavi ti xaxametiwe eka tluka ro hetelela ra Buku Ya Lembe ya sweswinyana.

◼ Mavandlha ma fanele ma sungula ku oda tivholumo ta Xihondzo xo Rindza ni Xalamuka! ta 2002. Tivholumo leti ti ta kumeka hi Xinghezi, Xijarimani ni Xiputukezi. Tivholumo leti ku ta tsariwa leswaku “Pending” ekusuhi na tona, eka phepha leri taka ni tibuku, kukondza ti fika. Tivholumo i oda yo hlawuleka.