Xiyimiso Xa Nhlangano Wa Ntirho

Vhiki Leri Sungulaka Hi April 14

Risimu 20

15 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku komisa hlamusela “Lunghiselelo Lerintshwa Ra Tilayiburari Ta Tiholo Ta Mfumo.” Boxa leswaku i mani loyi a nga ta va mulanguteri wa layiburari ya Holo ya Mfumo. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa April 15 ni Xalamuka! ya May 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena.

10 min: Bokisi Ra Swivutiso. Nkulumo hi nkulu.

20 min: ‘Ku Voninga Ku Kota Mavoningo.’a Gimeta hi nkulumo ya ntlhanu wa timinete leyi sekeriweke eka Xihondzo xo Rindza xa June 1, 1997, matluka 14-15, tindzimana 8-13. Kandziyisa leswaku ha yini hi nga fanelanga hi tumbeta mahungu ya Mfumo eka van’wana.

Risimu 134 ni xikhongelo xo pfala.

Vhiki Leri Sungulaka Hi April 21

Risimu 25

10 min: Switiviso swa vandlha. Xiviko xa timali. Khutaza vandlha leswaku ri endla matshalatshala yo hlawuleka, yo rhamba swichudeni swa Bibele, vahuweleri lava holeke ni vanhu hinkwavo lava tsakelaka, leswaku va ta va ta yingisa nkulumo yo hlawuleka hi Sonto, yona yi ni xihloko lexi nge “Xana Nkarhi Wa Ku Avanyisiwa Ka Babilona Wu Fikile?”

15 min: “Tirhisa Buku Leyi Nge Gandzela Xikwembu Leswaku U Fambisa Tidyondzo Ta Bibele.” Nkulumo leyi, leyi katsaka vayingiseri yi ta nyikeriwa hi mulanguteri wa tirho kumbe nkulu un’wana la fanelekaka. Hlamusela leswaku i vamani lava nga ha vuyeriwaka eka dyondzo ya Bibele leyi fambisiwaka hi ku tirhisa buku leyi nge Gadzela Xikwembu. Khutaza vahuweleri leswaku va landzelela nkongomiso lowu nga eka xihloko lexi. Nkulu a a kombise ndlela leyi dyondzo ya Bibele yi nga sunguriwaka ha yona hi ku tirhisa buku leyi, eka munhu loyi a tshameke a hlayeriwa. Kombela vahuweleri va hlamusela mintokoto yihi na yihi leyi khutazaka leyi va yi kumeke hikwalaho ko tirhisa buku leyi nge Gandzela Xikwembu.

20 min: “Swi Amukele.”b Vulavurisana ni muhuweleri un’we kumbe vambirhi lava tirhisaka nkarhi wa vona wa ku titshamela voxe leswaku va endla nhluvuko etimhakeni ta Mfumo. Va kombele va hlamusela leswaku i yini leswi va pfunaka leswaku va kuma ntsako entirhweni wa vona.

Risimu 35 ni xikhongelo xo pfala.

Vhiki Leri Sungulaka Hi April 28

Risimu 51

10 min: Switiviso swa vandlha. Tsundzuxa vahuweleri leswaku va siya swiviko swa vona swa ntirho wa April. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa May 1 ni Xalamuka! ya May 8.

15 min: Hi Nga Ma Endla Njhani Masiku Ya Hina Leswaku Ma Va Lama Amukelekaka eMahlweni Ka Yehovha? Nkulumo leyi sekeriweke eka Xihondzo xo Rindza xa November 15, 2002, tluka 20. Yi endle yi fanela vandlha. Khutaza hinkwavo leswaku va wu tirhisa kahle nkarhi wa vona ni swilo swa vona leswaku va ta kota ku tivekela tipakani ta moya.

20 min: “Maendzo Yo Vuyela Ma Endla Leswaku Ku Va Ni Tidyondzo Ta Bibele.”c Yi fanele yi nyikeriwa hi nkulu, a tirhisa swivutiso leswi nga laha. Kombela vayingiseri leswaku va katsa ni mintokoto yo koma ya le nsin’wini leyi seketelaka tinhla leti boxiweke. Loko mi fika eka ndzimana 5, endla nkombiso wa ntokoto wa le vandlheni ra ka n’wina wa ndlela leyi dyondzo ya Bibele yi sunguriweke ha yona.

Risimu 89 ni xikhongelo xo pfala.

Vhiki Leri Sungulaka Hi May 5

Risimu 120

10 min: Switiviso swa vandlha. Hi ku komisa pfuxeta swiringanyeto leswi nga eka Vutirheli Bya Hina Bya Mfumo bya April 2002, tluka 2, ehansi ka Vhiki Leri Sungulaka Hi May 6, eka nkulumo leyi nge “Leswi U Nga Kunguhataka Ku Swi Endla eTin’hwetini Leti Taka.”

20 min: Swilaveko swa vandlha.

15 min: Xiviko Lexinene Xa Tsakisa. (Swiv. 15:30) Nkulumo leyi katsaka vayingiseri, leyi kombisaka leswi vandlha ri swi hetisiseke hikwalaho ka matshalatshala yo hlawuleka lama endliweke hi March na April. Kombela vayingiseri va hlamusela mintokoto leyi khutazaka leyi va veke na yona etimhakeni leti landzelaka: (1) ku pfuna munhu la tsakelaka leswaku a va kona eXitsundzuxweni, (2) ku tirha tanihi phayona ra nkarhinyana, (3) ku pfuna muhuweleri la holeke leswaku a tlhela a sungula ku endla mintirho ya vandlha, (4) ku pfuna munhu la ha ku sungulaka ku hlanganyela leswaku a va muhuweleri ni (5) ku pfuxa ku tsakela eka vanhu lava veke kona eXitsundzuxweni. Hlela tin’wana ta tinhlamuselo leti ka ha ri emahlweni. Bumabumela ni ku khutaza hinkwavo leswaku va ya emahlweni va endla matshalatshala lawa.

Risimu 126 ni xikhongelo xo pfala.

[Tinhlamuselo ta le hansi]