Xiyimiso Xa Nhlangano Wa Ntirho

Vhiki Leri Sungulaka Hi May 12

Risimu 1

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa May 15 ni Xalamuka! ya June 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Hlamusela lunghiselelo ra minyikelo.

20 min: Vatswari—Pfunani Vana Van’wina Leswaku Va Endla Nhluvuko. Nkulumo leyi hlamuselaka tinhla-nkulu leti kumekaka eka buku leyi nge Xikolo xa Vutirheli eka matluka 9-12 na 21-38. Khutaza vatswari leswaku va tirhisa rungula leri hi nkarhi wa dyondzo ya ndyangu, hi xikongomelo xo letela vana va vona leswaku va endla nhluvuko evutirhelini bya nsimu. Boxa tinhla to karhi leti nga tirhisiwaka ku pfuna vantshwa leswaku va va ni vuswikoti lebyi lavekaka.

15 min: “Hi Tamerisiwe Mahungu Lamanene.”a Hlela ka ha ri emahlweni leswaku muhuweleri un’we kumbe vambirhi, hi ku komisa, va hlamusela mindzulamiso leyi va yi endleke leswaku va kota ku hlanganyela hi xitalo entirhweni wo chumayela.

Risimu 46 ni xikhongelo xo pfala.

Vhiki Leri Sungulaka Hi May 19

Risimu 62

15 min: Switiviso swa vandlha. Xiviko xa timali. Hlamusela “Ku Akiwa Ka Tiholo Ta Mfumo eMatikweni Man’wana Ya Le Yuropa.” Hlamusela leswaku ku akiwa ka Tiholo ta Mfumo etindhawini leti nga ni vusweti swin’we ni le masin’wini ya rhavi ra ka hina, ku seketeriwa hi Nkwama wo Aka Tiholo ta Mfumo.

15 min: Swilaveko swa vandlha.

15 min: “Dzunisa Yehovha Hi Ku Chumayela Hi Xitshuketa.” Nkulumo leyi katsaka vayingiseri. Loko mi fika eka ndzima 3, kombela vayingiseri va hlamusela ndlela leyi bulo ra Bibele ri nga sunguriwaka ha yona eka swin’wana swa swiyimo leswi landzelaka: (1) loko u ri emakete, (2) loko u ri endzeni ka xo famba ha xona xa mani na mani, (3) eka muakelani loyi a tirhaka ejarateni, (4) eka loyi u tirhaka na yena ni (5) loyi u dyondzaka na yena xikolo. Hlela ka ha ri emahlweni leswaku muhuweleri a ta hlamusela hi ndlela leyi a humeleleke ha yona eku nyikeleni ka vumbhoni hi xitshuketa.

Risimu 135 ni xikhongelo xo pfala.

Vhiki Leri Sungulaka Hi May 26

Risimu 174

10 min: Switiviso swa vandlha. Tsundzuxa hinkwavo leswaku va tisa swiviko swa vona swa ntirho wa nsimu wa May. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa June 1 ni Xalamuka! ya June 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Endzhaku ka nkombiso wa vumbirhi nyika n’wini wa muti la aleke ku teka timagazini, xiphephana lexi nge Xana U Lava Ku Tiva Swo Tala Hi Bibele?

10 min: Bokisi Ra Swivutiso. Nkulumo. Hi ku komisa pfuxeta swiringanyeto swin’wana swa ku chumayela hi riqingho leswi kumekaka eka Vutirheli bya Hina bya Mfumo bya February 2001, tluka 6, tindzimana 12-15, kumbe swiringanyeto swin’wana leswi mi swi kumeke swi tirha ensin’wini ya ka n’wina.

25 min: “Rito Ra Xikwembu I Ntiyiso.”b Tirhisa swivutiso leswi nga kona laha. Kombela vayingiseri va hlamusela ndlela leyi va pfunekeke ha yona ku dyondza ntiyiso hikwalaho ka leswi vahuweleri va tirhiseke Bibele ku hlamula swivutiso swa vona. Loko mi fika eka ndzima 4, kombela muhuweleri la fanelekaka a kombisa ndlela yo tirhisa Bibele eka riendzo ro sungula, a tirhisa swin’wana swa swiringanyeto leswi kumekaka eka xihloko lexi nge “Ri Tamele Khwatsi Rito Ra Xikwembu.”—km-TS 12/01 tl. 1 tindz. 3-4.

Risimu 188 ni xikhongelo xo pfala.

Vhiki Leri Sungulaka Hi June 2

Risimu 210

10 min: Switiviso swa vandlha. Marungula Ya Swa Mfumo. Pfuxeta xiringanyeto xin’we kumbe swimbirhi leswi kumekaka eka xiengetelo xa Vutirheli bya Hina bya Mfumo bya January 2002 swo fambisa broxara leyi nge Leswi Xi Swi Languteleke ni buku leyi nge Vutivi.

20 min: Xikwembu Xi Lava Vukati Lebyi Xiximekaka. Nkulumo leyi katsaka vayingiseri. Ematikweni yo tala, swi tolovelekile leswaku mimpatswa yi tshama swin’we yi nga tekananga hi nawu. Van’wana va vula leswaku leswi swa pfuna. Hlamusela leswi Bibele yi swi vulaka, kandziyisa leswaku musunguri wa vukati i Xikwembu. (rs-TS matl. 337-8) Ku tshama swin’we handle ko tekana hi nawu i vuoswi. (fy-TS tl. 17) Ku hambana ni leswi vanhu vo tala va swi vulaka, ndzavisiso wu kombisa leswaku loko vanhu va tshama swin’we va nga si tekana ximfumo, hakanyingi vukati byi hetelela byi nga humelelanga. (g02 3/8 tl. 29; g92 9/8 tl. 28; g91 5/8 tl. 28) Vakreste va xixima Yehovha hi ku landzelela misinya ya milawu ya yena. Naswona, va vuyeriwa hi ku endla tano.—Esa. 48:17, 18.

15 min: Xana U Vuyeriwa Hi Ndlela Yihi? Nkulumo leyi katsaka vayingiseri leyi nga ta fambisiwa hi mulanguteri wa xikolo. Ku sukela hi January, hi sungule ndlela leyintshwa yo fambisa Xikolo xa Vutirheli bya le Tilweni. Hi ku komisa hlamusela swiyenge leswintshwa swa xikolo lexi. Boxa vuyelo lebyinene lebyi se byi veke kona. Xana ku ni swichudeni leswintshwa leswi tsariseke eka xikolo lexi? Xana ku ni vanhu vo tala lava tsakelaka ku hlamula? Xana swichudeni swi vuyeriwa njhani eka lunghiselelo lerintshwa ra ku nyikela ndzayo? Kombela vayingiseri va hlamusela ndlela leyi va vuyeriweke ha yona ku ta fikela sweswi ni leswi va ehleketaka leswaku nongonoko lowu lowuntshwa wu ta va pfuna eka swona enkarhini lowu taka.

Risimu 225 ni xikhongelo xo pfala.

[Tinhlamuselo ta le hansi]