Xiyimiso Xa Nhlangano Wa Ntirho

Vhiki Leri Sungulaka Hi June 9

Risimu 81

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa June 15 ni Xalamuka! ya July 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Katsa ni tsalwa eka nkombiso wun’wana ni wun’wana.

15 min: “Ntirho Wa Hina Lowukulu Tanihi Vakreste I Ku Chumayela.”a Khutaza vantshwa leswaku va anakanya hi mikateko leyi va nga yi kumaka hi ku nghenela vutirheli bya nkarhi hinkwawo. Boxa ni tinhla leti kumekaka eka xihlokwana lexi nge “Loko Ndhavuko Wu Lwisana Ni Ripfalo,” lexi kumekaka eka Xihondzo xo Rindza, xa November 1, 2000, matluka 19-20.

20 min: “Ku Huma Mpexeni—Xana Swi Nga Pfuna Munhu Leswaku A Andzisa Vutirheli Byakwe?”b Loko swi koteka, hi ku komisa vulavurisana ni muhuweleri loyi endzhaku ko huma mpexeni, a andziseke ntirho lowu a wu endlelaka Yehovha. N’wi vutise leswaku hi yihi mindzulamiso leyi a yi endleke ni leswaku hi yihi mikateko leyi a yi kumeke hi ku endla tano.

Risimu 190 ni xikhongelo xo pfala.

Vhiki Leri Sungulaka Hi June 16

Risimu 55

8 min: Switiviso swa vandlha. Swiviko swa timali.

12 min: Swilaveko swa vandlha.

25 min: “Hisekela Ku ‘Nyikela Vumbhoni Bya Rixaladza.’”c Tirhisa swivutiso leswi nga kona laha. Loko mi heta ku vulavurisana hi tindzimana 5 na 6, katsa nkombiso wo koma wo nyikela vumbhoni bya xitshuketa eka matsalana wa xitolo kutani a fambiseriwa xiphephana lexi nge Xana U Lava Ku Tiva Swo Tala Hi Bibele? Hlaya tindzimana 7 na 8, kutani endzhaku mi vulavurisana ha tona. Eku heteleleni, hlaya bokisi leri nge “U Nga Va Rivali!” kutani endzhaku mi bula ha rona.

Risimu 131 ni xikhongelo xo pfala.

Vhiki Leri Sungulaka Hi June 23

Risimu 95

10 min: Switiviso swa vandlha. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa July 1 ni Xalamuka! ya July 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena. Eka nkombiso wun’wana, muhuweleri u fanele a va a ri entirhweni wo fambisa timagazini exitarateni.

20 min: Xana Ku Nga Endliwa Yini Hi Ku Hela Matimba? Nkulumo leyi katsaka vayingiseri, leyi sekeriweke eka Xihondzo xo Rindza xa November 15, 1999, matluka 28-9 ku ya fika eka xihlokwana lexi nge “Ku Hlayisa Langutelo Lerinene.” Hlamusela swiringanyeto leswi tirhaka, u tirhisa ndzayo ya Matsalwa. Hlela ka ha ri emahlweni leswaku muhuweleri un’we kumbe vambirhi va hlamusela leswi swi va pfuneke leswaku va tshama va tsakile evutirhelini bya vona.

15 min: “Ku Chumayela eMisaveni Leyi Tshamaka Yi Ri Karhi Yi Cinca.”d Loko mi fika eka tindzimana 2-3, vutisa vayingiseri leswaku hi swihi swiendlakalo swa sweswinyana leswi swi nga tirhisiwaka ku sungula bulo ensin’wini ya kwalaho. Loko mi fika eka ndzimana 4, endla nkombiso wo koma, u tirhisa xin’wana xa swingheniso leswi boxiweke.

Risimu 15 ni xikhongelo xo pfala.

Vhiki Leri Sungulaka Hi June 30

Risimu 3

10 min: Switiviso swa vandlha. Tsundzuxa vahuweleri leswaku va siya swiviko swa vona swa ntirho wa nsimu wa June. Va tsundzuxe minkandziyiso leyi nga ta fambisiwa hi July na August. Boxa tibroxara timbirhi leti nga kona exitokweni xa n’wina. Endla minkombiso leyi lunghiseleriweke kahle ya ndlela leyi tibroxara leti ti nga fambisiwaka ha yona ensin’wini. Leswaku u kuma swingheniso leswi ringanyetiweke, vona Vutirheli Bya Hina Bya Mfumo bya July 1998, tluka 8. Swingheniso swin’wana swa kumeka eka Watch Tower Publications Index ehansi ka xihloko lexi nge “Presentations” ni xihlokwana lexi nge “List by Publication.”

15 min: “Va Lamarile Kambe Va Bindzula.”e Katsa ni tinhlamuselo ta ndlela leyi van’wana va nga pfunaka ha yona, leti sekeriweke eka Xalamuka! (ya Xinghezi) ya August 22, 1990, matluka 22-3, ehansi ka xihlokwana lexi nge “What Can Be Done?”

20 min: Tirhisa Rito Ra Xikwembu Hi Ndlela Leyi Humelelaka Leswaku U Chumayela Hi Mfumo. Bulo ni vayingiseri leri nga ta fambisiwa hi mulanguteri wa ntirho. Munhu un’wana ni un’wana loyi hi hlanganaka na yena ensin’wini, hi ringeta ku n’wi byela marito lama khutazaka lama humaka eMatsalweni ya malunghana ni Mfumo. Hambiswiritano, a hi fanelanga hi hlaya tindzimana ta Bibele ntsena. Hi fanele hi hlamusela, hi nyika swikombiso ni ku kombisa ndlela leyi ti tirhaka ha yona. Kombisa ndlela leyi leswi swi nga endliwaka ha yona, u kombisa hi ku tirhisa man’wana ya matsalwa lama kombisiweke eka buku leyi nge Ku Hlamulana, matluka 54-5, ehansi ka xihlokwana lexi nge “Vafumi va vanhu a va swi endli swilo leswi vanhu va swi lavaka hi ku hatlisa.” Endzhaku ko bula ni vayingiseri, kombela muhuweleri la lunghiseleleke kahle leswaku a kombisa ndlela yo tirhisa tsalwa rin’we hi ndlela leyi humelelaka eka riendzo ro vuyela, a nyikela nhlamuselo leyi twisisekaka hi ku komisa, a endla xikombiso xo olova, a tlhela a hlamusela ndlela leyi ri tirhaka ha yona hi ku komisa, a kombisa n’wini wa muti ndlela leyi Mfumo wu nga ta n’wi vuyerisa ha yona hi ku kongoma. Muhuweleri a a sungule nkombiso hi ku hlaya tsalwa. Endzhaku ka nkombiso, pfuxeta ndlela leyi tsalwa ri hlamuseriweke ha yona, xikombiso lexi tirhisiweke ni ndlela leyi a swi kombiseke ha yona leswaku ri tirha njhani. Khutaza hinkwavo leswaku va antswisa vuswikoti bya vona byo tirhisa Rito ra Xikwembu hi ndlela leyi humelelaka.

Risimu 171 ni xikhongelo xo pfala.

Vhiki Leri Sungulaka Hi July 7

Risimu 165

5 min: Switiviso swa vandlha. Marungula Ya Swa Mfumo.

15 min: Mintokoto ya vandlha. Hlamusela mintokoto leyi vahuweleri va kwalaho va veke na yona loko (1) va chumayela eka vanhu va tinxaka to hambana-hambana kumbe vanhu lava vulavulaka tindzimi timbe kumbe (2) va chumayela hi ndlela yin’wana ku nga ri ya yindlu ni yindlu kumbe ku fambisa timagazini exitarateni. Khutaza hinkwavo leswaku va xi tirhisa kahle xibukwana lexi nge Good News for All Nations ni fomo leyi nge Please Follow Up (S-43) loko va hlangana ni vanhu lava nga twiki kumbe lava vulavulaka tindzimi timbe.—Vona papila leri yaka eka mavandlha hinkwawo ra June 1, 2000.

25 min: “Ku Tivisa Vito Ra Xikwembu.”f Tirhisa swivutiso leswi nga kona laha. Loko mi fika eka ndzimana 4, katsa ni tinhlamuselo leti nga ebokisini leri nge “Ku Tivisa Vito Ra Xikwembu,” leri kumekaka eka tluka 124 ra buku leyi nge Vahuweleri. Kombela muhuweleri la nga ni ntokoto a endla nkombiso wa riendzo ro vuyela. Hi ku tirhisa matsalwa mambirhi kumbe manharhu lama nga ebukwini leyi nge Ku Hlamulana, tluka 425, kombisa leswaku ha yini swi ri swa nkoka ku tiva ni ku tirhisa vito ra Xikwembu hi xoxe?

Risimu 197 ni xikhongelo xo pfala.

[Tinhlamuselo ta le hansi]