Xiyimiso Xa Nhlangano Wa Ntirho

Vhiki Leri Sungulaka Hi September 8

Risimu 10

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va pfuxeta tinhla leti va ti kumeke eka nongonoko wa nhlengeletano ya xifundzha wa lembe ra ntirho leri hundzeke leswaku va lunghekela Nhlangano wa Ntirho wa vhiki leri landzelaka. Hi ku tirhisa swiringanyeto leswi nga eka tluka 4, hlela minkombiso yimbirhi yo fambisa Xihondzo xo Rindza xa September 15 ni Xalamuka! ya October 8. Eka nkombiso wun’wana, xichudeni kumbe mutswari u fanele a va a ri karhi a nyikela vumbhoni eka mudyondzisi wa xikolo.

10 min: Papila Leri Humaka eRhavini. Mbulavurisano exikarhi ka muhuweleri la nga mathwa-rivona, ngopfu-ngopfu la nga nkulu ni muhuweleri la nga muntshwa entiyisweni. Muhuweleri la ha riki muntshwa entiyisweni u vutisa muhuweleri la nga ni ntokoto loko a ri vonile papila leri humaka erhavini leri nga eka Vutirheli Bya Hina Bya Mfumo. Muhuweleri la nga ni ntokoto u hlamusela leswaku papila leri humaka erhavini, a ri ri xiphemu xa Vutirheli Bya Hina Bya Mfumo hi va-1960 na va-1970. Kutani va hlamusela papila leri nga eka tluka ro sungula, va kandziyisa tinhla-nkulu.

25 min: “Vantshwa—Tivekeleni Masungulo Lamanene Leswaku Mi Ta Va Ni Vumundzuku Lebyinene.”a Yi fanele ku nyikeriwa hi nkulu, a tirhisa swivutiso leswi nga kona laha. Loko mi fika eka ndzimana 5, hlamusela mintsako ni mikateko ya ntirho wa nkarhi hinkwawo.

Risimu 170 ni xikhongelo xo pfala.

Vhiki Leri Sungulaka Hi September 15

Risimu 199

10 min: Switiviso swa vandlha. Xiviko xa timali.

10 min: “Ku Dyondza Buku Leyi Nge Gandzela Xikwembu.” Nkulumo hi mulanguteri wa dyondzo ya buku. Hlamusela hi xiyimiso xa dyondzo. Loko mi fika eka ndzimana ya vumune, katsa ni tinhlamuselo leti nga eka buku leyi nge Xikolo xa Vutirheli, tluka 28, ndzimana 1, na tluka 70.

25 min: “Tshemba Yehovha U Endla Leswinene.” (Ps. 37:3) Bulo leri katsaka vayingiseri leri sekeriweke eka swivutiso leswi landzelaka, leswi kandziyisaka tinhla-nkulu ta nongonoko wa nhlengeletano ya xifundzha ya lembe ra ntirho leri hundzeke. Kombela vayingiseri va hlamusela ndlela leyi va ti tirhiseke ha yona tinhla-nkulu, vona vini kumbe tanihi ndyangu. Vulavula hi tinkulumo leti: (1) “Ku Kombisa Ku Tshemba Yehovha.” Ha yini swi ri swa nkoka ku kombisa ku tshemba Yehovha etimhakeni hinkwato ta vutomi bya hina? (it-2 p. 521) Xana Watch Tower Publications Index yi nga hi pfuna njhani? (2) “Tivonele Eka Swilo Leswi Nga Riki Swa Nkoka eVuton’wini.” (Ekl. 2:4-8, 11) Hi yihi mintirho ya hava leyi hi faneleke ku tivonela eka yona naswona hi nga yi papalata njhani? (3) “Papalatani Leswo Biha, Mi Endla Leswinene.” Ha yini swi ri swa nkoka ku namarhela minkongomiso ya Yehovha? (Esa. 5:20) Hi yihi mintirho leyinene leyi hi faneleke hi khomeka ha yona? (4) “Ku Tshemba Yehovha Minkarhi Hinkwayo.” I yini lexi nga hi pfunaka leswaku hi yima hi tiyile loko hi langutana ni swiyimo swo tika ni miringo? Ha yini swilo swin’wana hi fanele hi swi tshikela Yehovha? (5) “Xana U Ta Vuriwa La Faneriwaka Hi Mfumo Wa Xikwembu?” (Kol. 1:10) Hi swihi swikombiso swa le Bibeleni leswi swi hi pfunaka leswaku hi hambeta hi famba na Yehovha hi ku tshembeka? (6) “Tiyiseka Hi Switshembiso Swa Yehovha.” Xana ku endla leswi swi ta byi khumba njhani vutomi bya wena?

Risimu 58 ni xikhongelo xo pfala.

Vhiki Leri Sungulaka Hi September 22

Risimu 7

10 min: Switiviso swa vandlha. Hi ku tirhisa swiringanyeto leswi nga eka tluka 4, hlela minkombiso yimbirhi yo fambisa Xihondzo xo Rindza xa October 1 ni Xalamuka! ya October 8. Endla nkombiso wa nkulu a ri ni muhuweleri la nga ni xiphiqo xa rihanyo, va ri karhi va nyikela vumbhoni hi riqingho. Bulani hi malunghiselelo yo hetelela ya nsimu leyi nga aviwangiki. Tanihi leswi n’hweti ya October yi nga yona yo hetelela eka tsima ra nsimu leyi nga aviwangiki, khutaza hinkwavo leswaku va hlanganyela hi xitalo. Loko swi koteka, mavandlha ma nga ha tama ma tirha emasin’wini ya wona lama nga aviwangiki hi mahelo-vhiki ya November 1, 2.

15 min: Xana Hi Tirhe Njhani N’wexemu? Mulanguteri wa ntirho u boxa tinhla-nkulu ta xiviko xa vandlha xa lembe ra ntirho ra 2003. Bumabumela vandlha hi swilo leswinene leswi ri swi endleke. Katsa ni tinhla leti fanelekaka leti nga eka xiviko xo hetelela xa mulanguteri wa xifundzha. Boxa pakani yin’we kumbe timbirhi leti fikelelekaka ta lembe lerintshwa.

20 min: Xana Vukhongeri Hinkwabyo Bya Amukeleka Eka Xikwembu? Bulo ni vayingiseri leri sekeriweke eka buku leyi nge Ku Hlamulana. Hlamusela ndlela leyi u nga n’wi hlamulaka ha yona munhu la nga ni xivutiso lexi. (rs-TS tl. 344-5) Hlamusela tindlela ti nga ri tingani leti vukhongeri bya ntiyiso byi nga voniwaka ha tona. (rs-TS tl. 350-51) Vutirheli bya hina byi pfuna van’wana leswaku va hlawula vugandzeri lebyi amukelekaka eka Xikwembu.—Kol. 1:9, 10.

Risimu 39 ni xikhongelo xo pfala.

Vhiki Leri Sungulaka Hi September 29

Risimu 194

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu wa n’hweti ya September. Boxa minkandziyiso leyi nga ta fambisiwa hi October. Endla nkombiso wo koma malunghana ni ku sungula dyondzo ya Bibele hi ku tirhisa broxara leyi nge Leswi Xi Swi Languteleke.

15 min: Swilaveko swa vandlha.

20 min: “Ambalani Moya Wa Ku Titsongahata.”b Kombela vayingiseri va hlamusela ndlela leyi matsalwa ma tirhaka ha yona.

Risimu 224 ni xikhongelo xo pfala.

Vhiki Leri Sungulaka Hi October 6

Risimu 170

10 min: Switiviso swa vandlha. N’hweti leyi hi endla matshalatshala yo sungula tidyondzo ta Bibele. Hi ku komisa pfuxeta Vutirheli Bya Hina Bya Mfumo bya May 2002, tluka 1, ndzimana 1 eka xihloko xa vumbirhi.

15 min: “Tiyiseka Leswaku U Rhangisa Swilo Swa Nkoka!” Nkulumo leyi katsaka vayingiseri leyi sekeriweke eka xihloko lexi, lexi kumekaka eka Xihondzo xo Rindza xa September 1, 1998, tluka 19-21. Boxa masiku ya swiendlakalo swa Mfumo leswi nga ta va kona eka tin’hweti to hlayanyana leti landzelaka, kutani u kombela hinkwavo leswaku va khwatihata masiku lawa eka tikhalendara ta vona. Kombela vayingiseri va hlamusela leswi va swi endlaka ku papalata ku lahlekeriwa hi malunghiselelo ya swilo swa moya.

20 min: Ku Langutana Ni Ntshikilelo Wa Tintangha. Vulavurisana ni nkulu kumbe nandza wa vutirheli loyi a kurisiweke endyangwini wa Vukreste. Tshaha tinhla leti hlawuriweke eka Xihondzo xo Rindza xa February 15, 2003. Hi wihi ntshikilelo lowu makwerhu a langutaneke na wona exikolweni? (tl. 24 ndz. 3; tl. 25 tindz. 4-5) Xana wu kona nkucetelo wo biha lowu a nga tshama a langutana na wona wo huma eka van’wana? (tl. 26 tindz. 4-6) Xana wa ha langutana na wona ntshikilelo wa tintangha hambileswi se a kuleke? I yini lexi n’wi pfuneke leswaku a nga hluriwi hi nkucetelo lowu? Eka nkulumo yo koma yo gimeta leyi sekeriweke eka Xihondzo xo Rindza xa August 1, 1999, matluka 24-5, kandziyisa vuyelo lebyi vaka kona loko munhu a hlakulela ku va ni vanghana lavanene.

Risimu 26 ni xikhongelo xo pfala.

[Tinhlamuselo ta le hansi]