Xiyimiso Xa Nhlangano Wa Ntirho

Vhiki Leri Sungulaka Hi December 8

Risimu 221

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tivisa malunghiselelo yo hlawuleka ya nsimu, ya December 16. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa December 15 ni Xalamuka! ya January 8. Eka nkombiso wun’wana ni wun’wana, timagazini ti fanele ti fambisiwa ti ri timbirhi hambiloko ku vulavuleriwe yin’we ntsena.

20 min: Tirhisa Banga Ra Moya. (Efe. 6:17) Nkulumo leyi katsaka ku vulavurisana ni vayingiseri, leyi sekeriweke eka buku ya Xikolo Xa Vutirheli, matluka 143-4. Vutisa swivutiso leswi landzelaka: (1) Ha yini hi tirhisa Bibele loko hi hlamula swivutiso? (2) Xana vito leri nge Timbhoni ta Yehovha, ri kombisa yini hi hina? (3) Xana Yesu u hi vekele xikombiso xihi, naswona hi nga xi tekelela njhani? (4) Hi tihi tindlela tin’wana leti hi nga ti tirhisaka ensin’wini ya ka hina leswaku hi kota ku vulavurisana ni vanhu hi Bibele? (5) Ha yini swi ri swa nkoka ku hlaya eBibeleni hi ku kongoma loko swi koteka? (6) Xana vakulu va nga va khutaza njhani van’wana leswaku va tirhisa Bibele? Vana ni nkombiso lowu lunghiseleriweke kahle lowu sekeriweke eka xitoloveto lexi nga eka tluka 144, laha muhuweleri la nga ni vuswikoti a tirhisaka tsalwa hambi ko va rin’we ntsena leswaku a hlamula xivutiso. Khutaza hinkwavo leswaku va tivekela pakani yo tirhisa Bibele nkarhi wun’wana ni wun’wana loko va nyikela vumbhoni.

15 min: “Xikolo Xa Vutirheli Bya Le Tilweni Xa 2004.” Nkulumo hi mulanguteri wa xikolo. Katsa ni tinhlamuselo leti nga eka xiengetelo xa Vutirheli Bya Hina Bya Mfumo bya October 2003.

Risimu 108 ni xikhongelo xo pfala.

Vhiki Leri Sungulaka Hi December 15

Risimu 71

10 min: Switiviso swa vandlha. Hlamusela malunghiselelo yo hlawuleka ya ntirho wa nsimu wa December 25 na January 1.

15 min: Ku Va Ni Dyondzo Ya Munhu Hi Xiyexe—I Ndlela Yin’wana Yo Gandzela. Nkulumo leyi sekeriweke eka Xihondzo xo Rindza xa October 1, 2000, matluka 14-15, tindzimana 6-10.

20 min: “Pfuna Lava Nga Ni ‘Mboyamelo Lowunene.’”a Tirhisa swivutiso leswi kumekaka eka xihloko lexi. Pfuxeta nxaxamelo wa swiringanyeto swa ku endla maendzo yo vuyela leswi kumekaka ebokisini leri nga eka Vutirheli Bya Hina Bya Mfumo bya March 1997 tluka 3.

Risimu 42 ni xikhongelo xo pfala.

Vhiki Leri Sungulaka Hi December 22

Risimu 10

15 min: Switiviso swa vandlha. Xiviko xa timali. Marungula Ya Swa Mfumo. Hi ku tirhisa swiringanyeto leswi nga eka tluka 8, hlela minkombiso yimbirhi yo fambisa Xihondzo xo Rindza xa January 1 ni Xalamuka! ya January 8. 

15 min: Swilaveko swa vandlha.

15 min: Ku Fambisa Tidyondzo Ta Bibele Swa Vuyerisa. Nkulumo leyi katsaka ku vulavurisana ni vayingiseri. Hlamusela mintokoto yo hlayanyana leyi humaka etibukwini ta hina leyi vulavulaka hi tidyondzo ta Bibele leti humelelaka. (w00-TS 3/1 tl. 6; yb98 matl. 55-60) Kombela vayingiseri va hlamusela leswi hi swi dyondzaka eka mintokoto leyi ni ndlela leyi hi vuyeriwaka ha yona hi ku fambisa tidyondzo ta Bibele.

Risimu 209 ni xikhongelo xo pfala.

Vhiki Leri Sungulaka Hi December 29

Risimu 200

10 min: Switiviso swa vandlha. Khutaza vahuweleri hinkwavo leswaku va tisa swiviko swa ntirho wa nsimu wa December. Boxa nkandziyiso lowu nga ta fambisiwa hi January.

15 min: Mintokoto ya le vandlheni. Kombela vayingiseri va hlamusela mintokoto leyi va tsakiseke loko va nyikela vumbhoni endhawini ya ka vona kumbe ensin’wini leyi nga aviwangiki, kumbe loko va nyikela vumbhoni hi xitshuketa entirhweni, exikolweni kumbe kun’wana.

20 min: “Ku Lavisisa Lava Swi Va Fanelaka.”b Hlamusela ndlela leyi rungula leri ri tirhaka ha yona endhawini ya ka n’wina. Hi wihi nkarhi lowu vini va miti va talaka ku va ekaya ha wona? Hi byihi vuyelo lebyi veke kona hi ku tirha hi nkarhi wa mpimavayeni kumbe nimadyambu? Xana hi tihi tindlela leti nga tirhisiwaka leswaku hi kota ku vulavula ni vanhu lava nga kumekiki kahle ekaya?

Risimu 182 ni xikhongelo xo pfala.

Vhiki Leri Sungulaka Hi January 5

Risimu 103

5 min: Switiviso swa vandlha.

15 min: Ntirho Wa N’wina A Hi Wa Hava. (1 Kor. 15:58) Bulo ni vayingiseri. Hlela ka ha ri emahlweni leswaku vahuweleri lava va nga ni malembe va ri karhi va hiseka, va hlamusela leswaku ntirho wo chumayela a wu ri njhani eminkarhini ya khale. Vandlha a ri ri ni vanhu vangani? Xana vandlha a ri averiwe ku tirha nsimu yo tanihi kwihi? Xana vanhu a va angula njhani loko va byeriwa rungula ra Mfumo? I minkaneto ya njhani leyi a wu hlangavetana na yona? Xana ntirho wa Mfumo wu andze ku fikela kwihi endhawini leyi?

25 min: “Ku Ndlandlamuxiwa Ka Rhavi Ra Afrika Dzonga.” Nkulumo leyi katsaka ni vayingiseri. Loko mi fika eka tindzimana 9-14, bumabumela vamakwerhu hikwalaho ko nyikela ka vona swi huma embilwini eka minyikelo ya Ntirho Wa Misava Hinkwayo. Kambe, tanihi leswi ku ndlandlamuxa muako swi dyaka mali yo tala, hi kombela u khutaza vahuweleri ni vandlha leswaku va kuma tindlela to seketela ntirho lowu hi mali.

Risimu 7 ni xikhongelo xo pfala.

[Tinhlamuselo ta le hansi]