Xiyimiso Xa Nhlangano Wa Ntirho

Vhiki Leri Sungulaka Hi March 8

Risimu 37

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tsundzuxa hinkwavo leswaku va ta ni broxara leyintshwa leyi nge “Vona Tiko Lerinene” eka Nhlangano wa Ntirho wa vhiki leri landzelaka. Hi ku tirhisa swiringanyeto leswi nga eka tluka 4, kombisa ndlela yo fambisa Xihondzo xo Rindza xa March 15 ni Xalamuka! ya April 8. 

15 min: Ku Sungula Mabulo Hi Ku Tirhisa Swiphephana. Bulo leri katsaka vayingiseri. Minkarhi yo tala nchumu lowu karhataka ngopfu eku chumayeleni i ku sungula bulo. Swiphephana swi nga tirhisiwa ku sungula bulo loko ku chumayeriwa hi yindlu ni yindlu, etindhawini ta mabindzu ni le tindhawini ta mani na mani. Hi ku komisa pfuxeta swiphephana swimbirhi kumbe swinharhu leswi vanhu va le nsin’wini ya ka n’wina va nga swi tsakelaka. Hi xihi xingheniso lexi nga tirhisiwaka loko ku fambisiwa swiphephana leswi? Xana swifaniso swi nga tirhisiwa njhani? Hi swihi swivutiso leswi nga vutisiwaka hi vutlhari? Eka xiphephana xin’wana ni xin’wana hlawula ndzimana leyi mi nga ta bula ha yona loko n’wini wa muti o tshuka a kombise ku tsakela. Endla nkombiso wa ndlela leyi bulo ri nga sunguriwaka ha yona hi ku tirhisa xiphephana. Kombela muhuweleri leswaku a hlamusela ndzimana yin’we eka xiphephana kutani a gimeta hi ku fambisa buku leyi nge Vutivi.

20 min: “Rhandzani Yehovha, N’wina Hinkwenu Lavo Tshembeka.”a Loko mi fika eka ndzimana 3, kombela vayingiseri va hlamusela ndlela leyi va va rhambeke ha yona vanhu leswaku va ta eXitsundzuxweni.

Risimu 131 ni xikhongelo xo pfala.

Vhiki Leri Sungulaka Hi March 15

Risimu 121

10 min: Switiviso swa vandlha. Pfuxeta tinhla-nkulu ta “Leswi Faneleke Swi Tsundzukiwa Malunghana Ni Xitsundzuxo.” Tivisa leswaku Dyondzo ya Xihondzo xo Rindza yi ta khomiwa rini hi vhiki ra Xitsundzuxo.

15 min: Ndlela Leyi Ntirho Wo Hlawuleka Wu Nga Endliwaka Ha Yona Hi Nkarhi Wa Xitsundzuxo. Bulo ni vayingiseri leri nga ta fambisiwa hi mulanguteri wa ntirho. Boxa malunghiselelo yo hlawuleka lama endliweke. Hlamusela mintokoto yo karhi leyi khutazaka. Khutaza lava va nga swi kotaka ku nghenela vuphayona bya nkarhinyana hi April na May leswaku va endla tano. Hi ku komisa pfuxeta tinhla to karhi leti nga eka xiengetelo xa Vutirheli Bya Hina Bya Mfumo bya February.

20 min: Vuyeriwa Eka Broxara Leyi Nge “Vona Tiko Lerinene.” Broxara leyintshwa yi nga endla leswaku ku hlaya ni ku dyondza ka hina Rito ra Xikwembu ku va loku vuyerisaka. Xilotlelo xa kona i ku tirhisa xikombo xa yona. Hlaya Esaya 63:1, leyi hlamuselaka Yehovha tanihi loyi a humaka eBosira. Kombela hinkwavo leswaku va kuma nyangwa wa Bosira eka xikombo xa broxara leyi nge “Vona Tiko Lerinene.” Hlamusela leswi “Bosira 11 G11” yi vulaka swona, u tirhisa bokisi leri nga eka tluka 34, kutani u lava Bosira na Edomu laha ti nga kona emepeni. Hi ku tirhisa xikombo, kuma ndlela leyi Yesu a yi tirhiseke ku suka eYerusalema ku ya Sikari. (Yohane 4:3-5) Tlhela u tirhisa xikombo ku kuma xidziva xa Betesda. (Yohane 5:1-3) Hlawula xikombiso xin’we kumbe swimbirhi eka ku hlaya ka Bibele ka vhiki ni vhiki ka Xikolo xa Vutirheli bya le Tilweni. Kombela vayingiseri va vula leswaku tindhawu leti ti kumeka kwihi eka broxara leyi ni leswaku hi vuyeriwa njhani hi ku languta mimepe leyi. Hi ku komisa hlamusela mimepe yin’wana leyi kumekaka eka broxara leyi, u ri karhi u boxa ni minkarhi leyi kombisiweke kwalaho. Mepe lowu nga eka matluka 18-19 wu kombisa tindhawu to tala leti nga eBibeleni. Khutaza hinkwavo leswaku va yi tirhisa kahle broxara leyi nge “Vona Tiko Lerinene.”

Risimu 63 ni xikhongelo xo pfala.

Vhiki Leri Sungulaka Hi March 22

Risimu 191

10 min: Switiviso swa vandlha. Xiviko xa timali. Tsundzuxa hinkwavo leswaku va fambisana ni xiyimiso xa ku hlaya ka Bibele ka nkarhi wa Xitsundzuxo hi March 30–April 4, hilaha swi kombisiweke ha kona eka xibukwana lexi nge Ku Kambisisa Matsalwa Siku Ni Siku—2004 ni le ka 2004 Calendar.

15 min: Swilaveko swa vandlha.

20 min: “Nyimpi Leyi Na Wena U Katsekaka Eka Yona.”b Loko nkarhi wu ku pfumelela hlaya u tlhela u hlamusela matsalwa lama kombisiweke.

Risimu 181 ni xikhongelo xo pfala.

Vhiki Leri Sungulaka Hi March 29

Risimu 129

10 min: Switiviso swa vandlha. Marungula Ya Swa Mfumo. Tsundzuxa vahuweleri leswaku va siya swiviko swa ntirho wa nsimu wa March. Boxa nkandziyiso lowu nga ta fambisiwa hi April. Hi ku tirhisa swiringanyeto leswi nga eka tluka 4, kombisa ndlela yo fambisa Xihondzo xo Rindza xa April 1 ni Xalamuka! ya April 8. 

15 min: Yi Tirhise Kahle Buku Ya Lembe Ya 2004. Bulo leri katsaka vayingiseri. Boxa tinhla ta “Papila Leri Humaka Eka Huvo Leyi Fumaka,” swiviko swo hlamarisa leswi humaka emisaveni hinkwayo ni mintokoto yi nga ri yingani leyi khutazaka. Khutaza hinkwavo leswaku va hlaya buku leyi hinkwayo elembeni leri.

20 min: Ntiyiso Wu Hlanganisa Mindyangu. Nkulumo leyi katsaka ku bula ni vayingiseri. Nkarhi wun’wana vanhu lava tsakelaka va salela endzhaku emhakeni yo tirhela Yehovha hikwalaho ko kanetiwa hi swirho swa ndyangu. Kombela van’wana va hlamusela yin’wana ya mintokoto leyi landzelaka: Xihondzo xo Rindza xa January 1, 2002, matluka 14-15; Xihondzo xo Rindza xa December 1, 2000, tluka 8; Xihondzo xo Rindza xa September 1, 1999, tluka 32; Xihondzo xo Rindza xa January 1, 1999, tluka 4 ni Xalamuka! ya February 22, 1998, (xinghezi) tluka 31. Kandziyisa leswaku hakanyingi vutomi bya ndyangu byi va lebyi antswaka hambiloko ku ri xirho xin’we xa ndyangu lexi hanyaka hi misinya ya milawu ya Bibele.

Risimu 130 ni xikhongelo xo pfala.

Vhiki Leri Sungulaka Hi April 5

Risimu 126

10 min: Switiviso swa vandlha.

20 min: Loko Hi Basile Hi Tlhelo Ra Nyama Ha Bumabumeriwa. Nkulumo leyi sekeriweke eka Xihondzo xo Rindza xa June 1, 2002, matluka 19-21. Katsa ni nkombiso lowu eka wona nkulu a kombisaka phayona ndlela ya vutlhari leyi ri nga pfunaka xichudeni xa Bibele ha yona leswaku xi vona nkoka wa ku hlayisa kaya ra xona swin’we ni rivala swi basile, a tirhisa dyondzo 9, ndzimana 5, eka broxara leyi nge Leswi Xi Swi Languteleke.

15 min: Hlamusela mintokoto leyi mi yi tsakeleke hi nkarhi wa Xitsundzuxo ni loko ku endliwa ntirho lowu engetelekeke wa nsimu hi March.

Risimu 25 ni xikhongelo xo pfala.

[Tinhlamuselo ta le hansi]