Switiviso

◼ Minkandziyiso leyi nga ta fambisiwa hi April na May: Fambisa tikopi ta Xihondzo xo Rindza ni Xalamuka! Loko u endla maendzo yo vuyela eka vanhu lava tsakelaka, lava nga ta katsa ni lava va veke kona eXitsundzuxweni ni/kumbe lava veke kona eminhlanganweni yin’wana ya timhaka ta swa moya kambe va nga hlanganyeliki hi ku hiseka ni nhlengeletano leyi, lwela ku va siyela buku leyi nge Gandzela Xikwembu. Ringeta hi matimba ku sungula tidyondzo ta le kaya ta Bibele, ngopfu-ngopfu loko vanhu va kona se va hetile ku dyondza buku leyi nge Vutivi ni broxara leyi nge Leswi Xi Swi Languteleke. June: Dyondza Eka Mudyondzisi Lonkulu. Loko vanhu va kona va vula leswaku a va na vana, va fambisele broxara leyi nge Leswi Xi Swi Languteleke. Fambisa broxara leyi hi xikongomelo xo sungula tidyondzo ta le kaya ta Bibele. July na August: Fambisani broxara yihi ni yihi ya matluka ya 32, handle ka leyi nge Dyondzo ni leyi nge Xana Ngati Yi Nga Byi Ponisa Njhani Vutomi Bya Wena?

◼ Mavandlha ma fanele ma sungula ku endla swikombelo swa tivholumo ta Xihondzo xo Rindza ni ta Xalamuka! ta 2003. Tivholumo ti ta kumeka hi Xijarimani, Xinghezi ni hi Xiputukezi. Ku fikela loko tivholumo leti ti fika ivi ti rhumeriwa emavandlheni, ku ta tsariwa leswaku “Pending” ephepheni ra nxaxamelo wa leswi rhumeriweke. Tivholumo ti wela eka swikombelo swo hlawuleka.

◼ I swa nkoka leswaku rhavi ri tshama ri ri ni tiadirese leti faneleke ni tinomboro ta riqingho ta valanguteri hinkwavo lava ungamelaka ni vamatsalana. Rini na rini loko ko tshuka ku va ni ku cinca ko karhi, Komiti ya Ntirho ya Vandlha, yi fanele yi tata fomo leyi nge Presiding Overseer/Secretary Change of Address (S-29) kutani yi yi sayina ivi yi yi rhumela erhavini hi ku hatlisa. Leswi swi katsa ni ku cinca loku nga vaka kona eka tikhodi ta tiqingho ta ndhawu ya ka n’wina.

◼ Ti-DVD letintshwa leti kumekaka:

Elementary Bible Teachings—Ririmi Ra Mavoko Ra Le Amerika. DVD leyi yi tamele rungula ni swivutiso swa nkhuvulo leswi kumekaka eka matluka 171-218 ebukwini leyi nge Vutirheli Bya Hina naswona yi ni matsalwa lama tshahiweke lama tlulaka 300. Tanihi rungula ra vhidiyo, rungula leri na rona ri ta va mpfuno eka lava tsakelaka, lava nga twiki kambe va navelaka ku khuvuriwa, loko va lunghiselela swivutiso swa nkhuvulo. Vakulu na vona ri ta va pfuna rungula leri ra DVD loko va vutisa swivutiso swa lava tsakelaka ku ya khuvuriwa.