Xiyimiso Xa Nhlangano Wa Ntirho

Vhiki Leri Sungulaka Hi April 12

Risimu 93

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Tirhisa swiringanyeto leswi nga eka tluka 4, u kombisa ndlela yo fambisa Xihondzo xo Rindza xa April 15 ni Xalamuka! ya May 8. Enkombisweni ha wun’we, timagazini ti fanele ti fambisiwa hi vumbirhi bya tona hambileswi ku nga ta vulavuleriwa wun’we ntsena. Nkombiso ha wun’we a wu kombise ndlela leyi hambaneke yo vulavurisana ni lava va sivaka bulo hi ku vula va ku, “Ndzi khomekile.”—Vona buku leyi nge Ku Hlamulana, matluka 19-20.

15 min: “Ku Nyika Yehovha Leswi Nga eMatimbeni Ya Hina.”a Loko mi bula hi ndzimana 4, kombela vayingiseri va vula tindlela to karhi leti hi nga kombisaka rirhandzu eka vanhu ha tona loko hi ri karhi hi endla ntirho wa hina wo chumayela.

20 min: “U Nga Tshiki Mbilu Ya N’wana Wa Wena Yi Pembela!” Nkulumo leyi sekeriweke eka Xihondzo xo Rindza xa February 15, 2003, matluka 23-7. Yi pfumelelanise ni swiyimo swa vandlha ra ka n’wina. Loko ku ri ni vatswari evandlheni ra ka n’wina, burisana ni van’wana va vona, lava koteke ku tirhisa swileriso leswi nyikeriweke eka xihloko lexi.

Risimu 91 ni xikhongelo xo pfala.

Vhiki Leri Sungulaka Hi April 19

Risimu 55

10 min: Switiviso swa vandlha.

20 min: “Tekelela Langutelo Ra Mianakanyo Ra Yesu.”b Tirhisa swivutiso leswi kumekaka eka xihloko lexi. Loko mi bula hi ndzimana 4, kombela lava nga maphayona ya nkarhinyana leswaku va hlamusela mikateko leyi va yi kumeke leswi va phayonaka.

15 min: “Xana Yehovha Wa Swi Vona Leswi U Swi Endlaka?” Nkulumo leyi katsaka ku vulavurisana ni vayingiseri, leyi sekeriweke eka Xihondzo xo Rindza xa May 1, 2003, matluka 28-31. Yi pfumelelanise ni swiyimo swa vandlha ra ka n’wina.

Risimu 80 ni xikhongelo xo pfala.

Vhiki Leri Sungulaka Hi April 26

Risimu 46

15 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa ntirho wa nsimu wa April. Vula minkandziyiso leyi nga ta fambisiwa hi May. Tirhisa swiringanyeto leswi nga eka tluka 4, u kombisa ndlela yo fambisa Xihondzo xo Rindza xa May 1 ni Xalamuka! ya May 8. Enkombisweni ha wun’we, timagazini ti fanele ti fambisiwa ha timbirhi ka tona hambileswi ku nga ta vulavuleriwa wun’we ntsena. Eka wun’wana wa minkombiso leyi, kombisa ndlela leyi ku nga chumayeriwaka ha yona eka mutirhi-kuloni kumbe mudyondzi-kuloni exikolweni.

20 min: Swilaveko swa vandlha.

10 min: “Ku Dyondza Xihundla Xa Ku Eneriseka.” Nkulumo leyi sekeriweke eka Xihondzo xo Rindza xa June 1, 2003, matluka 8-11. Anakanyela swiyimo swa vamakwerhu va le vandlheni ra ka n’wina. Khutaza lava swiyimo swa vona swi va pfumelelaka leswaku va nghenela ntirho wa nkarhi hinkwawo.

Risimu 38 ni xikhongelo xo pfala.

Vhiki Leri Sungulaka Hi May 3

Risimu 48

10 min: Switiviso swa vandlha.

20 min: “Vantshwa—Hlayani Rito Ra Xikwembu!”c Hlela ka ha ri emahlweni leswaku muntshwa un’we kumbe vambirhi va hlamusela xiyimiso xa vona xo hlaya Bibele ni ndlela leyi xi va vuyerisaka ha yona. Khutaza vantshwa leswaku va tivekela pakani ya ku hlaya Bibele hinkwayo. Katsa ni tinhlamuselo leti kumekaka eka buku leyi nge Xikolo Xa Vutirheli, tluka 10, ndzimana 4.

15 min: Xiviko Lexinene Xa Tsakisa. (Swiv. 15:30) Bulo ni vayingiseri leri kombisaka leswi vandlha ri koteke ku swi endla hikwalaho ka matshalatshala yo hlawuleka lama endliweke hi March na hi April. Kombela vahuweleri leswaku va rungula mintokoto leyinene leyi va yi kumeke eka swiyenge leswi landzelaka: (1) ku pfuna la tsakelaka leswaku a va kona eXitsundzuxweni, (2) ku va phayona ra nkarhinyana, (3) ku pfuna muhuweleri la holeke leswaku a tlhela a hiseka evandlheni, (4) ku pfuna munhu la ha ku sungulaka ku hlanganyela leswaku a va muhuweleri ni (5) ku hlakulela ku tsakela eka lava veke kona eXitsundzuxweni. Man’wana ya mabulo lawa ma hlele ka ha ri emahlweni. Bumabumela ntirho lowu endliweke u tlhela u khutaza hinkwavo leswaku va tiyisela loko va ri karhi va endla matshalatshala lawa enkarhini lowu taka.

Risimu 164 ni xikhongelo xo pfala.

[Tinhlamuselo ta le hansi]