Xiyimiso Xa Nhlangano Wa Ntirho

Vhiki Leri Sungulaka Hi May 10

Risimu 193

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Loko swiringanyeto leswi nga eka tluka 4 swi fanela nsimu ya vandlha ra ka n’wina, swi tirhise u kombisa ndlela yo fambisa Xihondzo xo Rindza xa May 15 ni Xalamuka! ya June 8. Ku nga ha tirhisiwa ni swiringanyeto swin’wana. Nkombiso ha wun’we a wu kombise ndlela leyi hambaneke yo vulavurisana ni lava va sivaka bulo hi ku vula va ku, “Ndzi ni vukhongeri bya mina.”—Vona buku leyi nge Ku Hlamulana, matluka 18-19.

15 min: Minkandziyiso Leyintshwa Leyi Hi Tsakeleke Ku Yi Kuma! Bulo ni vayingiseri. Hi tsakele ku kuma minkandziyiso mimbirhi leyintshwa eMintsombanweni ya Matiko Hinkwawo ni ya Muganga ya ku “Vangamisa Xikwembu.” Broxara leyi nge “Vona Tiko Lerinene” a yi fani ni tibuku letin’wana leti hi nga na tona. Eka tluka rin’wana ni rin’wana, u vona xivumbeko lexi hambaneke xa Tiko leri Tshembisiweke, lexi dyondzisaka swo karhi. Boxa swilo swin’wana leswi kombisiweke emimepeni yo hambana-hambana. Ringanyeta tindlela leti tirhaka leti broxara leyi yi nga tirhisiwaka ha tona. Buku leyi nge Dyondza Eka Mudyondzisi Lonkulu yi ta tiyisa vumoya bya vana va hina. Boxa tinhloko-mhaka tin’wana leti fikeke hi nkarhi, u kombisa ndlela leyi vatswari ni vana va nga vuyeriwaka ha yona. Kombela vayingiseri va vula tindlela leti va sunguleke ku tirhisa minkandziyiso leyi ha tona, hi ndlela leyi pfunaka.

20 min: “Ndlandlamuxani Xinakulobye Xa N’wina.”a Katsa ni tinhlamuselo leti kumekaka ebukwini leyi nge Gandzela Xikwembu, tluka 150, ndzimana 14.

Risimu 18 ni xikhongelo xo pfala.

Vhiki Leri Sungulaka Hi May 17

Risimu 188

10 min: Switiviso swa vandlha. Marungula Ya Swa Mfumo.

15 min: “Kombisa Leswaku Wa Nkhensa.”b Loko nkarhi wu pfumela, kombela vayingiseri va hlamusela matsalwa lama tshahiweke. Loko mi bula hi ndzimana 3, kombela muyingiseri un’we kumbe vambirhi lava ha ku vaka maphayona ya nkarhinyana leswaku va hlamusela mikateko leyi va yi kumeke hikwalaho ko phayona.

20 min: Ha Khathalelana. (1 Kor. 12:25, 26) Nkulumo leyi katsaka ku vulavurisana ni vayingiseri leyi sekeriweke eka buku leyi nge Vutirheli Bya Hina, matluka 157-9, ehansi ka xihlokwana lexi nge “Ku Khathalelana.” Hambileswi vanhu va Yehovha va kumekaka ematikweni hinkwawo ya misava, kambe hi ni vun’we. Hinkwerhu ka hina hi fanele hi khongelela vamakwerhu siku rin’wana ni rin’wana. Hi tlhela hi hatla hi rhumela swilo leswi vonakaka loko ku va ni xilaveko xa xihatla. Hlaya u tlhela u bula hi matsalwa-nkulu, kutani u katsa ntokoto wun’we kumbe mimbirhi leyi nga eminkandziyisweni ya hina.

Risimu 100 ni xikhongelo xo pfala.

Vhiki Leri Sungulaka Hi May 24

Risimu 128

12 min: Switiviso swa vandlha. Xiviko xa timali. Kombisa ndlela yo fambisa Xihondzo xo Rindza xa June 1 ni Xalamuka! ya June 8. Endla leswaku xingheniso ha xin’we xi va lexi tsakisaka eka mungheni wa kereke ya le ndhawini ya ka n’wina.

15 min: “Vuyimbeleri Lebyi Phyuphyisaka.” Nkulumo leyi katsaka ku vulavurisana ni vayingiseri. Katsa ni tinhlamuselo leti kumekaka eka Buku Ya Lembe Ya 2002, tluka 175, ni le ka Xihondzo xo Rindza xa February 1, 1997, tluka 27, tindzimana 1-2.

18 min: Lunghekela Ku Chumayela Hi Xitshuketa. Nkulumo leyi katsaka ku vulavurisana ni vayingiseri leyi sekeriweke eka Vutirheli Bya Hina Bya Mfumo, bya June 2003, tluka 3. Hlela ka ha ri emahlweni leswaku vahuweleri va nga ri vangani va hlamusela mintokoto leyi va yi kumeke loko va ri karhi va chumayela hi xitshuketa. Hi ku komisa, kombisa ndlela leyi xi nga tirhisiwaka ha yona xiphephana lexi nge, Xana U Lava Ku Tiva Swo Tala Hi Bibele? ni ndlela leyi xi nga tirhisiwaka ha yona xibukwana lexi nge Good News for All Nations loko ku chumayeriwa hi xitshuketa.

Risimu 211 ni xikhongelo xo pfala.

Vhiki Leri Sungulaka Hi May 31

Risimu 26

8 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu wa May.

17 min: Vutomi—Nyiko Leyi Faneleke Yi Tlangeriwa. Nkulumo leyi katsaka ku vulavurisana ni vayingiseri leyi sekeriweke ebukwini leyi nge Ku Hlamulana, matluka 84-86. Katsa ni tinhlamuselo leti kumekaka eka Xalamuka! ya June 8, 1993, matluka 31-32. Xana u nga ri hlamusela njhani vonelo ra Yehovha malunghana ni ku susa khwiri eka munhu la vonaka onge wansati u ni mfanelo yo endla xiboho etimhakeni leti khumbaka miri wakwe? Hlamusela mintokoto leyi kumekaka eka Xihondzo xo Rindza xa January 1, 2000, tluka 4, tindzimana 4-5.

20 min: “Ku Fambisa Buku Leyi Nge “Dyondza Eka Mudyondzisi Lonkulu.” Hi June hi ta va hi fambisa buku leyi. Vula tinhla leti boxiweke eka tluka 7, ndzimana 1-3 ebukwini leyi. Kombela vayingiseri va hlamusela leswi buku leyi yi va tsakiseke ha swona. Pfuxeta swingheniso leswi ringanyetiweke. Kandziyisa ndlela leyi swifaniso swi nga tirhisiwaka ha yona loko ku fambisiwa buku leyi. Kombela muntshwa a endla nkombiso hi xingheniso xo sungula ivi munhu lonkulu a endla nkombiso hi xin’wana xa swingheniso leswi nga sala. Loko xingheniso xin’wana xi ta tirha ku antswa ensin’wini ya vandlha ra ka n’wina, ku nga buriwa hi xona ivi ku tirhisiwa xona ku ri ni leswi kombisiweke.

Risimu 24 ni xikhongelo xo pfala.

Vhiki Leri Sungulaka Hi June 7

Risimu 136

10 min: Switiviso swa vandlha. Bula hi tinhla-nkulu ta xihloko lexi nge “Rungula Ro Pfuna Vanhu.” Boxa tindzimi tin’wana leti nga kona ensin’wini ya ka n’wina.

15 min: Swilaveko swa vandlha.

20 min: Tirhisa Swifaniso Leswi Pfunaka Loko U Dyondzisa. Nkulumo leyi katsaka ku vulavurisana ni vayingiseri leyi sekeriweke eka Xihondzo xo Rindza xa September 1, 2002, matluka 22-4. Hi swihi swilo swa mune leswi endlaka xifaniso xi pfuna? Ha yini swi ri swa nkoka ku endla swifaniso swo olova? Hi nga swi kuma kwihi swifaniso leswi pfunaka? Kambisisa swikombiso swin’wana ebokisini leri nga eka tluka 23, kutani u bula hi swilo leswi endlaka xifaniso xin’wana ni xin’wana xi va lexi pfunaka.

Risimu 133 ni xikhongelo xo pfala.

[Tinhlamuselo ta le hansi]