Xiyimiso Xa Nhlangano Wa Ntirho

Vhiki Leri Sungulaka Hi July 12

Risimu 108

12 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Mulanguteri wa ntirho u hlamusela malunghiselelo ya nsimu leyi nga aviwangiki. Pfuxeta papila leri vulavulaka hi nsimu leyi nga aviwangiki, ra May 31, 2004, minkandziyiso leyi nga ta fambisiwa, masiku lawa ku nga ta fambiwa ha wona ni ndhawu leyi nga ta tirhiwa, ndhawu yo tshama ni malunghiselelo ya swo famba. Xana va kona lava nga vaka maphayona ya nkarhinyana? Mavandlha lama nga yiki ensin’wini leyi nga aviwangiki ma fanele ma bula hi leswi ma swi kunguhateke leswaku ku tirhiwa nsimu leyi tirhiwaka hi xiwelo. Tirhisa swiringanyeto leswi nga eka tluka 4 u kombisa ndlela yo fambisa Xihondzo xo Rindza xa July 15 ni Xalamuka! ya August 8. Eka nkombiso wun’wana, kombisa ndlela yo fambisa magazini exitarateni eka munhu la tilumalumaka loko a vulavula ririmi ra wena.

18 min: “Tekelela Vululami Bya Yehovha.”a Loko nkarhi wu pfumela, kombela vayingiseri va hlamusela matsalwa lama tshahiweke.

15 min: Bibele I Buku Ya Vuprofeta Lebyi Tshembekaka. Nkulumo leyi katsaka ku vulavurisana ni vayingiseri leyi sekeriweke eka broxara leyi nge Buku Ya Vanhu Hinkwavo, matluka 27-9. Hakanyingi ensin’wini ya hina hi hlangana ni vanhu lava tsakelaka ku tiva swa nkarhi lowu taka. Bibele yi hi nyika rungula leri tshembekaka leri hlamuselaka vumundzuku lebyi tsakisaka bya vanhu lava yingisaka. Hlamusela vuprofeta byin’wana bya Bibele lebyi tiyisaka ntshembo wa leswi Bibele yi profeteke leswaku swi ta endleka enkarhini lowu taka. Kombela muhuweleri a kombisa hi ku komisa ndlela leyi swiendlakalo swa Bibele swi nga tirhisiwaka ha yona ku pfuna munhu la tsakelaka leswaku a tshemba Bibele.

Risimu 16 ni xikhongelo xo pfala.

Vhiki Leri Sungulaka Hi July 19

Risimu 83

10 min: Switiviso swa vandlha. Bula hi nkoka wo namarhela xiyimiso xo hlaya Bibele siku ni siku, hambiloko ku pfa ku va ni swilo leswi hi kavanyetaka. Katsa ni tinhlamuselo leti nga eka Xihondzo xo Rindza xa August 15, 2000, tluka 32.

15 min: Swilaveko swa vandlha.

20 min: “Ku Fambisa Tidyondzo Ta Bibele Leti Endlaka Nhluvuko—Xiyenge 1.” Nkulumo leyi faneleke yi nyikeriwa hi mulanguteri wa ntirho. Nyika vayingiseri nkarhi wo hlamusela rungula leri nga eka matluka 572-4 ya buku leyi nge Vahuweleri, va kombisa ku engeteleka ka ntirho wa ku fambisa tidyondzo ta Bibele manguva lawa. Endla vayingiseri va wu langutela hi mahlo-ngati ntlhandlamano wa swihloko leswi nga ta landzela. Tin’wana ta tinhloko-mhaka leti nga ta kambisisiwa ti ta hlamusela ndlela yo lunghiselela ku fambisa dyondzo, ndlela leyi u nga xi pfunaka ha yona xichudeni ku lunghiselela, i rungula ro tanihi kwihi leri mi nga ri dyondzaka, ndlela leyi u nga ma tirhisaka ha yona matsalwa hi ndlela leyi humelelaka, ndlela leyi u nga swi hlamulaka ha yona swivutiso leswi vutisiweke hi xichudeni, ndlela leyi u nga n’wi hlamuselaka ha yona hi ta xikhongelo ni ndlela leyi u nga kongomisaka xichudeni ha yona enhlengeletanweni. Khutaza hinkwavo leswaku va tirhisa swiringanyeto leswi nyikeriweke ni leswaku va hlayisa swihloko leswi leswaku va ta swi tirhisa enkarhini lowu taka.

Risimu 10 ni xikhongelo xo pfala.

Vhiki Leri Sungulaka Hi July 26

Risimu 216

12 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa ntirho wa nsimu wa July. Tirhisa swiringanyeto leswi nga eka tluka 4, u kombisa ndlela yo fambisa Xihondzo xo Rindza xa August 1 ni Xalamuka! ya August 8. Nkombiso ha wun’we a wu kombise ndlela yo vulavurisana ni lava sivaka bulo va ku, “Ha yini mi ta nkarhi na nkarhi?”—Vona buku leyi nge Ku Hlamulana, tluka 20.

8 min: Bokisi Ra Swivutiso. Yi ta nyikeriwa hi nkulu. Hlaya u tlhela u hlamusela xihloko hinkwaxo.

25 min: “Ndlela Yo Chumayela eTindhawini Ta Mabindzu.”b Boxa malunghiselelo ya kwala vandlheni ra ka n’wina ya ku tirha nsimu ya tindhawu ta mabindzu. Endla minkombiso yo koma hi swingheniso swimbirhi leswi nga eka tindzimana 4-5 kumbe hi xingheniso xin’wana lexi tirhaka ensin’wini ya n’wina. Loko nkarhi wu pfumela, kombela vayingiseri va hlamusela mintokoto leyi khutazaka leyi va veke na yona loko va tirha nsimu ya ndhawu ya mabindzu.

Risimu 173 ni xikhongelo xo pfala.

Vhiki Leri Sungulaka Hi August 2

Risimu 60

8 min: Switiviso swa vandlha.

22 min: Xana U Nyika Swivangelo? Nkulumo leyi katsaka ku burisana ni vayingiseri leyi sekeriweke ebukwini leyi nge Xikolo Xa Vutirheli, tluka 254, tindzimana 1-2. Loko hi hlamusela ni ku tirhisa matsalwa ensin’wini ni le platifomo, leswi hi swi dyondzisaka swi ta aka swinene loko hi nyika swivangelo swa leswi hi swi vulaka ematshan’weni yo vula ntsena leswaku swi tano. Hi ku tirhisa buku leyi nge Ku Hlamulana kumbe minkandziyiso yin’wana leyi fanelaka nsimu ya n’wina, kombisa ndlela yo (1) hlawula ni ku hlamusela marito ya nkoka lama khomeke mhaka etsalweni, (2) kombisa vumbhoni lebyi seketelaka tsalwa, hi ku tirhisa mongo wa tsalwa rero kumbe rin’wana leri vulavulaka hi mhaka leyi tlhuvutsiwaka, (3) tirhisa xifaniso ku kombisa leswaku leswi u swi vuleke swa koteka (4) tirhisa swivutiso leswaku u pfuna vayingiseri ku anakanyisisa hi mhaka yoleyo. Kandziyisa vuyelo byo nyika swivangelo loko u dyondzisa.

15 min: Mintokoto ya le vandlheni ra ka n’wina. Kombela vayingiseri leswaku va hlamusela mintokoto leyi akaka, leyi va yi kumeke loko va teke vuphayona bya nkarhinyana kumbe ku hlanganyela etimhakeni tin’wana ta swa moya eka tin’hweti leti nga hundza.

Risimu 32 ni xikhongelo xo pfala.

[Tinhlamuselo ta le hansi]