Xiyimiso Xa Nhlangano Wa Ntirho

Vhiki Leri Sungulaka Hi August 9

Risimu 57

10 min: Switiviso swa vandlha ni Switiviso leswi hlawuriweke eka Vutirheli Bya Hina Bya Mfumo. Loko swiringanyeto leswi nga eka tluka 8 swi fanela nsimu ya vandlha ra n’wina, endla nkombiso ha swona, u kombisa ndlela leyi Xihondzo xo Rindza xa August 15 ni Xalamuka! ya September 8 ti nga fambisiwaka ha yona. Ku nga ha tirhisiwa ni swingheniso swin’wana. Katsa ni lunghiselelo ra munyikelo. Kombela vayingiseri leswaku vhiki leri taka va ta ni broxara leyi nge Leswi Xi Swi Languteleke.

15 min: “Ku Tiyisela Ka Wena Ku Ta Hakeriwa.”a Katsa ni tinhlamuselo to koma leti humaka eka Xihondzo xo Rindza xa December 15, 2000, matluka 22-3, tindzimana 15-18.

20 min: Sungula Tidyondzo Ta Bibele Hi Ku Tirhisa Swiphephana. Bulo ni vayingiseri, leri sekeriweke eka Vutirheli Bya Hina Bya Mfumo bya November 2001, matluka 3-4. Hlamusela leswaku hi tsakela ku pfumelelana ni swiyimo swa xichudeni, hilaha swi hlamuseriweke ha kona eka ndzimana 5. Vana ni nkombiso wun’we kumbe mimbirhi leyi sekeriweke eka tindzimana 8-10. Loko ku ri ni xingheniso xin’wana lexi tirhaka kahle ensin’wini ya n’wina, xi hlamusele kutani u endla nkombiso wa xona. Kombela vayingiseri leswaku va rungula mintokoto leyi va veke na yona loko va tirhisa xiphephana lexi nge Xana U Lava Ku Tiva Swo Tala Hi Bibele?

Risimu 74 ni xikhongelo xo pfala.

Vhiki Leri Sungulaka Hi August 16

Risimu 189

10 min: Switiviso swa vandlha.

15 min: Nghenisa Ntiyiso Eka N’wana Wa Wena. Nkulumo leyi sekeriweke ebukwini leyi nge Ntsako eNdyangwini, matluka 55-9. Hlamusela tindlela ta mune leti vatswari va nga pfunaka vana va vona ha tona leswaku va va ni vuxaka lebyikulu na Yehovha, u endla leswaku rungula rero ri tirha.

20 min: “Ku Fambisa Tidyondzo Ta Bibele Leti Endlaka Nhluvuko—Xiyenge 2.”b Katsa ni nkombiso wa timinete ta ntlhanu. Muhuweleri u vutisa nkulu leswi a nga swi endlaka ku pfuna xichudeni xa Bibele leswaku xi endla nhluvuko. Nkulu u vula leswaku mboyamelo lowu tolovelekeke lowu nga riki wunene i wa ku heta nkarhi wo tala, ku buriwa hi swilo leswi nga pfuniki nchumu ni ku nghenisa tinhla leti nga riki ta nkoka loko ku ri karhi ku dyondziwa. Nkulu u tirhisa dyondzo 9 ya broxara leyi nge Leswi Xi Swi Languteleke ku kombisa muhuweleri ndlela leyi a nga (1) dzikaka ha yona eka tinhla-nkulu ta dyondzo, (2) a nga ma tirhisaka hi ndlela leyi humelelaka matsalwa lama kombisiweke ni (3) ndlela leyi a nga endlaka ha yona leswaku dyondzo yoleyo yi pfumelelana ni swilaveko swa xichudeni. U n’wi byela leswaku i swa nkoka ku lunghiselela kahle nkarhi wun’wana ni wun’wana loko a ya fambisa dyondzo.

Risimu 85 ni xikhongelo xo pfala.

Vhiki Leri Sungulaka Hi August 23

Risimu 33

15 min: Switiviso swa vandlha. Xiviko xa timali. Endla nkombiso wo fambisa Xihondzo xo Rindza xa September 1 ni Xalamuka! ya September 8. Eka wun’wana wa minkombiso leyi, kombisa ndlela yo chumayela mudyondzisi exikolweni.

10 min: “Lunghiselelo Lerintshwa Ro Pfuxeta Nongonoko Wa Tinhlengeletano.” Nkulumo leyi katsaka ku bula ni vayingiseri, leyi sekeriweke eka xihloko lexi nga eka tluka 4. Vula masiku ya nhlengeletano ya xifundzha leyi landzelaka ni ya siku ra nhlengeletano yo hlawuleka, loko se ma tiveka. Lava va lavaka ku khuvuriwa va fanele va tivisa mulanguteri la ungamelaka ka ha ri ni nkarhi.

20 min: Ku Fambisa Buku Leyi Nge Vutivi Hi September. Nkulumo ni nkombiso. Boxa leswi vuriweke mayelana ni buku leyi. (w97-TS 1/15 tl. 26) Hlamusela leswi nga endzeni ka buku, u tlhela u kandziyisa tinhla to karhi leti nga ta tsakisa vanhu va le nsin’wini ya n’wina. (km-TS 1/02 tl. 5; km-TS 3/98 tl. 8; km-TS 10/97 tl. 1) Boxa xingheniso xo olova lexi humaka ebukwini leyi nge Ku Hlamulana kumbe eka Vutirheli Bya Hina Bya Mfumo ni tsalwa ivi u boxa yinhla kumbe ndzima leyi nga ebukwini leyi nge Vutivi. Kutani kombela muhuweleri a endla nkombiso wolowo.

Risimu 220 ni xikhongelo xo pfala.

Vhiki Leri Sungulaka Hi August 30

Risimu 90

10 min: Switiviso swa vandlha. Tsundzuxa vahuweleri leswaku va tisa swiviko swa vona swa ntirho wa nsimu wa August.

15 min: “Xikolo Xa Ndzetelo Wa Vutirheli—Nyangwa Leyikulu Leyi Yisaka eNtirhweni.” Nkulumo leyi katsaka ku bula ni vayingiseri. Katsa tinhlamuselo leti humaka eka Buku Ya Lembe Ya 2004, matluka 239-40. Vula leswaku ku ni nhlangano lowu vaka kona enhlengeletanweni ya xifundzha loko ku ri ni lava navelaka ku ya eXikolweni xa Ndzetelo wa Vutirheli. Khutaza lava fanelekaka leswaku va va kona enhlanganweni lowu.

20 min: Xana U Vuyeriwile? Bulo ni vayingiseri. Pfuxeta swiringanyeto leswi landzelaka leswi humeleleke eka tinkulumo to hambana-hambana ta Vutirheli Bya Hina Bya Mfumo eka lembe ra ntirho ra n’wexemu: Tsala xingheniso xa wena exiphephanini. (km-TS 10/03 tl. 8) Bumabumela munhu hi ku kongoma naswona swi huma embilwini. (km-TS 11/03 tl. 1) Chumayela hi nkarhi lowu u nga ni ntshembo wa leswaku vanhu va kona emakaya. (km-TS 12/03 tl. 1) Veka nkarhi lowu kongomeke wo hlaya Bibele, ku lunghiselela minhlangano ni ku ya ensin’wini. (km-TS 1/04 tl. 4) Tirhisa broxara leyi nge “Vona Tiko Lerinene” loko u endla dyondzo ya munhu hi yexe niloko u hlaya Bibele. (km-TS 3/04 p. 2) Tivekele pakani yo hlaya Bibele hinkwayo. (km-TS 4/04 tl. 1) Chumayela endhawini ya mabindzu. (km-TS 7/04 tl. 4) Sungula tidyondzo ta Bibele hi ku tirhisa swiphephana. (km-TS 8/04 tl. 2) Kombela vayingiseri va hlamusela ndlela leyi swiringanyeto leswi swi va pfuneke ha yona loko va swi tirhisa.

Risimu 145 ni xikhongelo xo pfala.

Vhiki Leri Sungulaka Hi September 6

Risimu 197

5 min: Switiviso swa vandlha.

15 min: Swilaveko swa vandlha.

25 min: “Kombisa Moya Wa Vuphayona.”c Hi ku komisa vulavurisana ni phayona rin’we kumbe mambirhi. Va kombele va hlamusela ndlela leyi xikombiso xa vatswari, vakulu kumbe van’wana xi va pfuneke ha yona leswaku va navela ku endla ntirho wa nkarhi hinkwawo.

Risimu 142 ni xikhongelo xo pfala.

[Tinhlamuselo ta le hansi]