Xiyimiso Xa Nhlangano Wa Ntirho

Vhiki Leri Sungulaka Hi September 13

Risimu 43

10 min: Switiviso swa vandlha. Switiviso leswi hlawuriweke eka Vutirheli Bya Hina Bya Mfumo. Loko swiringanyeto leswi nga eka tluka 4 swi fanela nsimu ya vandlha ra n’wina, endla nkombiso ha swona, u kombisa ndlela leyi Xihondzo xo Rindza xa September 15 ni Xalamuka! ya October 8 yi nga fambisiwaka ha yona. Ku nga ha tirhisiwa ni swingheniso swin’wana. Endzhaku ka nkombiso wun’wana ni wun’wana, kandziyisa hi ku komisa leswi hi swi dyondzeke eka wona.

20 min: “Endla Leswaku Tihlo Ra Wena Ri Tshama Ri Ri Rinene.”a Tirhisa swivutiso leswi kumekaka eka xihloko lexi. Loko nkarhi wu pfumela, hlamusela matsalwa lama kombisiweke.

15 min: Rito Ra Yehovha Ra Hanya. Nkulumo. Ntlhandlamano wa swihloko leswi nga ni nhloko-mhaka leyi nge “Rito Ra Yehovha Ra Hanya” wu sungule ku humelela eka minkandziyiso yin’wana ya Xihondzo xo Rindza leswaku hi vuyeriwa swinene eka nongonoko wa ku hlaya ka Bibele ka vhiki ni vhiki lowu kumekaka eka xiyimiso xa Xikolo Xa Vutirheli Bya Le Tilweni. Tirhisa Xihondzo xo Rindza xa September 15, 2004, matluka 24-7, u boxa tinhla ta swihloko leswi. Endzhaku ka nhlamuselo yo koma, xiyenge lexi nge “Tinhlamulo Ta Swivutiso Swa Matsalwa” xi nyika nhlamuselo ya tindzimana tin’wana to tika ta Matsalwa. Tinhlamuselo leti nga ehansi ka xiyenge lexi nge “Dyondzo Eka Hina” ti kombisa ndlela leyi rungula leri hlayiwaka ri tirhaka ha yona eka hina. Hlamusela swikombiso swi nga ri swingani leswi kombisaka ndlela leyi ntlhandlamano lowu wu nga hi pfunaka ha yona leswaku hi ri twisisa swinene Rito ra Xikwembu. Khutaza hinkwavo leswaku va xi tirhisa swinene xihloko lexi tanihi leswi hi sungulaka ku hlaya buku ya Deteronoma.

Risimu 162 ni xikhongelo xo pfala.

Vhiki Leri Sungulaka Hi September 20

Risimu 88

10 min: Switiviso swa vandlha. Pfuxeta tinhla-nkulu leti nga epapileni leri humaka erhavini, leri nga eka tluka ro sungula ra nkandziyiso lowu wa Vutirheli Bya Hina Bya Mfumo. Khutaza hinkwavo leswaku va hlaya Tinhlayo 16:1-35 kutani va hlalela vhidiyo leyi nge Respect Jehovah’s Authority leswaku va lunghiselela Nhlangano wa Ntirho wa vhiki ra October 4. Ematiko-xikaya, vakulu va fanele va endla matshalatshala ya leswaku vhidiyo leyi yi kombiwa mindyangu leyi nga riki na wona muchini wo tlanga vhidiyo. Leswi swi nga ha endliwa hi ku hlela leswaku vhidiyo leyi yi kombiwa eHolweni ya Mfumo hi siku leri nga riki ra nhlangano kumbe yi hlaleriwa endzhaku ka dyondzo ya buku. Hambiswiritano, a ku fanelanga ku siviwa nkulumo ya le rivaleni hi ku hlalela vhidiyo. Loko mavandlha lama nga ematiko-xikaya ma nga ri na wona muchini wa vhidiyo, ma nga ha tirhisa nkarhi lowu leswaku ma bula hi swilaveko swa vandlha.

15 min: Xana Hi Tirhe Njhani N’wexemu? Nkulumo leyi nga ta nyikeriwa hi nkulu, leyi sekeriweke eka xiviko xa vandlha xa ntirho wa nsimu xa lembe ra ntirho ra 2004. Dzika eka swilo leswinene swa xiviko xexo kutani u bumabumela vandlha eka swilo leswinene leswi ri swi endleke. Kandziyisa ntirho lowunene lowu endliweke hi maphayona. Boxa xilo xin’we kumbe swimbirhi leswi vandlha ri nga tirhelaka eka swona haxawa.

20 min: “Tirhisa Bibele Hi Ndlela Leyi Vuyerisaka.”b Tirhisa swivutiso leswi kumekaka eka xihloko lexi. Xingheniso xa wena xi fanele xi sekeriwa ebukwini leyi nge Xikolo Xa Vutirheli, tluka 145, tindzimana 2-3. Katsa ni minkombiso mimbirhi yo koma, eka wun’wana ku va riendzo ro sungula kasi lowun’wana ku va riendzo ro vuyela, u kombisa ndlela yo tirhisa swiringanyeto leswi nyikeriweke.

Risimu 103 ni xikhongelo xo pfala.

Vhiki Leri Sungulaka Hi September 27

Risimu 221

15 min: Switiviso swa vandlha. Xiviko xa timali. Tsundzuxa vahuweleri leswaku va siya swiviko swa ntirho wa nsimu wa September. Mulanguteri wa ntirho u fanele a bula hi malunghiselelo yo hetelela ya nsimu leyi nga aviwangiki. Leswi October yi nga n’hweti yo hetelela ya tsima ra nsimu leyi nga aviwangiki, khutaza hinkwavo leswaku va hlanganyela hi xitalo. Kombisa ndlela yo fambisa Xihondzo xo Rindza xa October 1 ni Xalamuka! ya October 8 eka tsima leri ro hlawuleka.

15 min: Timbhoni Leti Ti Yi Voneke Hi Mahlo Mintirho Ya Hina Leyinene. (1 Pet. 2:12) Nkulumo leyi katsaka ku bula ni vayingiseri, leyi sekeriweke eka Xihondzo xo Rindza xa November 1, 2002, matluka 12-14, tindzimana 14-20. Kombela vayingiseri va hlamusela ndlela leyi vaakelani va vona va khumbekeke ha yona loko va vona mintirho ya hina leyinene.

15 min: Swilaveko swa vandlha.

Risimu 38 ni xikhongelo xo pfala.

Vhiki Leri Sungulaka Hi October 4

Risimu 5

5 min: Switiviso swa vandlha.

15 min: Ku Tiyisela eMintirhweni Leyinene. (Gal. 6:10) Vulavurisana ni vahuweleri vambirhi kumbe vanharhu lava va nga maphayona ya nkarhi hinkwawo kumbe lava pfaka va va maphayona ya nkarhinyana. Hi swihi swihinga leswi va langutaneke na swona loko va ri karhi va tirhela Yehovha, naswona va swi hlule njhani? I yini lexi va pfuneke leswaku va tiyisela loko va ri karhi va endlela van’wana leswinene? Xana matshalatshala ya vona entirhweni wa Vukreste ma va vuyerise njhani, vona ni van’wana? Loko swi fanela ensin’wini ya n’wina, vula leswi endliweke leswaku ku chumayeriwa mahungu lamanene eka lava vulavulaka ririmi rimbe. Bumabumela vahuweleri hinkwavo hikwalaho ka ‘ntirho wa vona wo tshembeka ni ku tikarhata ka vona ka rirhandzu ni ku tiyisela ka vona.’—1 Tes. 1:2, 3.

25 min: “Hi Fanele Hi Xixima Vulawuri Bya Yehovha.” Hlaya Yuda 11, naswona xingheniso xa wena xi nga tluli timinete timbirhi. Kutani sungula ku bula ni vayingiseri u tirhisa swivutiso hinkwaswo leswi nga eka xihloko lexi. Kandziyisa yinhla ya leswaku, loko hi lava ku tshama hi ri lava amukelekaka eka Yehovha, hi fanele hi papalata langutelo ra Kora ra ku xandzuka ivi hi tekelela xikombiso xa vana vakwe, lava nga pfumelelangiki nchumu xi kavanyeta ku tshembeka ka vona eka Yehovha.

Risimu 99 ni xikhongelo xo pfala.

[Tinhlamuselo ta le hansi]