Marungula Ya Swa Mfumo

◼ Lunghiselelo ro aka Tiholo ta Mfumo ensin’wini ya hina ri hambeta ri enerisa swilaveko swa vamakwerhu. Lunghiselelo leri ra ku akiwa ka Tiholo ta Mfumo ri endla leswaku hi pfuneka hinkwerhu. Hi yi tlangela hi mbilu hinkwayo minyikelo ya Nkwama wo Aka Tiholo ta Mfumo leyi nyikeriwaka nh’weti na n’hweti emavandlheni. Nakambe hi tlangela mali leyi mavandlha ma yi hakelaka n’hweti ni n’hweti hi ku tshembeka leyi a ma lombiwe yona hi nhlengeletano, hikuva mali leyi yi tlhela yi tirhiseriwa ku pfuna mavandlha lama lavaka ku pfuniwa hi mali yo aka Holo ya Mfumo.

Ha tsaka ku mi tivisa leswaku ku nyiketeriwe tiholo tin’wana ta 12 eka tin’hweti leta ha ku hundzaka: I Hout Bay na Manenberg (eCape Town); Protea Glen (eSoweto); Kanana East (eOrkney); Emzinoni na Embalenhle East (eMpumalanga); Metele (aEastern Cape); Dikebu Vlaklaagte East na Tweefontein West (eGauteng); Messina na Mashashane (eLimpopo Province).

Leswi swi vula leswaku eku heleni ka July se a ku nyiketeriwe Tiholo ta Mfumo ta 22. Swa fanela ku nkhensa hi vuyelela eka Tikomiti to Aka ta Xifundzha xa hina hikwalaho ka mintirho ya tona ya rirhandzu yo pfuna mavandlha lama a ma lava tiholo hi mahlo ngati. Nakambe hi va nkhensa hi mbilu hinkwayo, hinkwavo lava seketelaka eka mintirho yo aka. Hi fanele hi tshama hi ri karhi hi hlakulela ku hisekela ku aka Tiholo ta Mfumo ensin’wini ya hina. Xana u nga pfuna hi ndlela yo karhi?