Xiyimiso Xa Nhlangano Wa Ntirho

Vhiki Leri Sungulaka Hi October 11

Risimu 219

10 min: Switiviso swa vandlha. Marungula Ya Swa Mfumo. Bula hi malunghiselelo yo ya ensin’wini leyi nga aviwangiki hi mahelo-vhiki ya October 30, 31, 2004. Khutaza hinkwavo leswaku va va kona tanihi leswi ku yiwaka ro hetelela.

20 min: “A Hi Tlakuseni Vito Rakwe Swin’we.”a Nkulumo leyi nga ta nyikeriwa hi matsalana wa vandlha a tirhisa swivutiso leswi kumekaka eka xihloko lexi. Boxa ntsombano lowu vandlha ra n’wina ri averiweke eka wona. U nga ha kandziyisa tinhla tin’wana leti nga eka xihloko xolexo loko swi fanerile. Gimeta hi ku vutisa swivutiso swimbirhi kumbe swinharhu leswi nga eka xihloko lexi nge “Swakudya Swa Moya Hi Nkarhi Lowu Faneleke,” lexi ku nga ta buriwa ha xona eka Nhlangano wa Ntirho wa vhiki leri landzelaka.

15 min: “Ku Ya eMinhlanganweni Nkarhi Hinkwawo I Mhaka Ya Nkoka.”b Hlela ka ha ri emahlweni leswaku muhuweleri un’we kumbe vambirhi va hlamusela tipakani leti va ti vekeleke tona leswaku va tshama va ri kona eka nhlangano wun’wana ni wun’wana wa vandlha.

Risimu 69 ni xikhongelo xo pfala.

Vhiki Leri Sungulaka Hi October 18

Risimu 127

5 min: Switiviso swa vandlha.

20 min: “Swakudya Swa Moya Hi Nkarhi Lowu Faneleke.”c Tirhisa swivutiso leswi kumekaka eka xihloko lexi. Loko mi bula hi ndzimana 2, kombela muyingiseri un’we kumbe vambirhi leswaku va hlamusela hi ku komisa hi ta ntsombano wo tsakisa lowu a va ye eka wona. Gimeta hi ku vutisa swivutiso swimbirhi kumbe swinharhu leswi nga eka xihloko lexi nge “Mahanyelo Ya Wena A Ma Ve Lama Kwetsimaka Minkarhi Hinkwayo,” lexi ku nga ta buriwa ha xona eka Nhlangano wa Ntirho wa vhiki leri landzelaka.

20 min: Humesa Vumbhoni Lebyi Seketelaka Rito Ra Xikwembu. Bulo ni vayingiseri leri sekeriweke eka buku leyi nge Xikolo Xa Vutirheli, matluka 256-7. Hi nga byi tirhisa njhani vumbhoni lebyi humaka etibukwini tin’wana leti nga riki ta Bibele leswaku hi pfuna vanhu va swi vona leswaku Matsalwa ma twisiseka? Kombela vayingiseri va hlamula swivutiso leswi landzelaka: Hi swihi swikombiso swa ntumbuluko leswi hi nyikaka vumbhoni bya leswaku ku ni Muvumbi? (rs-TS 212-13) Hi nga ti tirhisa njhani tinhlamuselo ta swidyondzi kumbe vatshila leswaku hi pfuna vanhu van’wana va vona leswaku hakunene Bibele i Rito ra Xikwembu? (rs-TS 43-5) Hi xihi xikombiso kumbe xifananiso lexi hi nga xi tirhisaka ku pfuna vanhu van’wana va vona leswaku ha yini Xikwembu xi pfumelele vubihi? (rs-TS 326) Hi yihi mintokoto kumbe swikombiso leswi u swi tirhiseke leswaku u pfuna van’wana va vona vutlhari byo landzela ndzayo ya Bibele?

Risimu 165 ni xikhongelo xo pfala.

Vhiki Leri Sungulaka Hi October 25

Risimu 56

10 min: Switiviso swa vandlha. Xiviko xa timali. Tirhisa swiringanyeto leswi nga eka tluka 12 (loko swi fanela nsimu ya ka n’wina), u kombisa ndlela yo fambisa Xihondzo xo Rindza xa November 1 ni Xalamuka! ya November 8. Nkombiso ha wun’we a wu kombise ndlela leyi hambaneke yo vulavurisana ni lava va sivaka bulo hi ku vula va ku, “A ndzi ti tsakeli Timbhoni ta Yehovha.”—Vona buku leyi nge Ku Hlamulana, matluka 17-18.

15 min: “I Yini Lexi Endlaka Vakreste Va Ntiyiso Va Va Ni Vun’we?”d Loko mi fika eka ndzimana 5, kombela vayingiseri leswaku va hlamusela mintokoto leyi kandziyisaka vun’we bya hina bya Vukreste emintsombanweni ya matiko hinkwawo, eku akiweni ka miako ya swa le tilweni kumbe eka ntirho wo phalala.

20 min: “Mahanyelo Ya Wena A Ma Ve Lama Kwetsimaka Minkarhi Hinkwayo.”e Tirhisa swivutiso leswi kumekaka eka xihloko lexi. Kombela vayingiseri va hlamusela ndlela leyi va swi voneke ha yona leswaku mahanyelo lamanene emintsombanweni ma vangamisa Yehovha. Gimeta hi ku vutisa swivutiso swimbirhi kumbe swinharhu leswi nga eka xihloko lexi nge “Ku Languteka Hi Ndlela Leyi Tengeke Ni Leyi Dzunekaka,” lexi ku nga ta buriwa ha xona eka Nhlangano wa Ntirho wa vhiki leri landzelaka.

Risimu 62 ni xikhongelo xo pfala.

Vhiki Leri Sungulaka Hi November 1

Risimu 15

10 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu. Hi n’hweti ya November hi ta fambisa buku leyi nge Dyondza Eka Mudyondzisi Lonkulu. Hi ku komisa, pfuxeta swiringanyeto swo fambisa buku leyi leswi nga eka Vutirheli Bya Hina Bya Mfumo bya May 2004, tluka 3, kutani u endla nkombiso hi xin’wana xa swingheniso sweswo. Loko ku ri ni endlelo rin’wana leri nga pfunaka ensin’wini ya n’wina, ku nga ha buriwa ha rona kutani ku endliwa ni nkombiso. Loko nkarhi wu pfumela, kombela vayingiseri va hlamusela ndlela leyi nkandziyiso lowu va wu fambiseke ha yona ensin’wini.

15 min: “Hi Nga Va Pfuna Njhani Vanghana Va Vukati Lava Nga Riki Timbhoni?”f Vulavurisana ni muhuweleri un’we kumbe vambirhi lava veke malandza ya Yehovha hikwalaho ka xikombiso lexinene lexi vekiweke hi vanghana va vona va vukati lava amukeleke ntiyiso.

20 min: “Ku Languteka Hi Ndlela Leyi Tengeke Ni Leyi Dzunekaka.”g Tirhisa swivutiso leswi kumekaka eka xihloko lexi. Loko nkarhi wu pfumela hlaya u tlhela u hlamusela matsalwa lama kombisiweke.

Risimu 175 ni xikhongelo xo pfala.

[Tinhlamuselo ta le hansi]