Xiyimiso Xa Nhlangano Wa Ntirho

Vhiki leri Sungulaka Hi January 10

Risimu 223

10 min: Switiviso swa vandlha ni Switiviso leswi hlawuriweke eka Vutirheli Bya Hina Bya Mfumo. Khutaza hinkwavo leswaku va hlalela vhidiyo leyi nge No Blood—Medicine Meets the Challenge, leyi ku nga ta buriwa ha yona vhiki leri taka. Tirhisa swiringanyeto leswi nga eka tluka 8 u kombisa ndlela yo fambisa Xihondzo xo Rindza xa January 15 ni Xalamuka! ya February 8. 

15 min: ‘Ku Wundliwa Hi Marito Ya Ripfumelo.’a Loko nkarhi wu pfumela hlaya u tlhela u hlamusela matsalwa lama kombisiweke.

20 min: “Ringeta Ku Tirhisa Xingheniso Lexi Pfumelelanaka Ni Swiyimo.” Bulo ni vayingiseri leri sekeriweke eka xiengetelo lexi nga eka tluka 6. Endla minkombiso yimbirhi leyi kombisaka ndlela leyi swingheniso leswi swi nga tirhisiwaka ha yona eka nkandziyiso lowu nga ta va wu fambisiwa n’hweti yoleyo.

Risimu 143 ni xikhongelo xo pfala.

Vhiki Leri Sungulaka Hi January 17

Risimu 34

5 min: Switiviso swa vandlha.

15 min: Vantshwa—Xana Mi Endla Nhluvuko Hi Tlhelo Ra Moya? Nkulumo hi nkulu leyi sekeriweke eka Xihondzo xo Rindza xa April 1, 2003, matluka 8-10. Boxa tipakani ta xiviri leti vantshwa va nga ti fikelelaka u tlhela u va khutaza ku tivekela tipakani leti kongomeke ta moya.

25 min: “Vuyeriwa Hi Vhidiyo Leyi Nge No Blood—Medicine Meets the Challenge.” Bulo ni vayingiseri hi vhidiyo leyi nge No Blood, tirhisa swivutiso leswi nga eka tluka 2. Endzhaku ko vutisa swivutiso hinkwaswo, hlaya ndzimana yo hetelela. Khutaza hinkwavo leswaku va va kona vhiki leri taka loko ku buriwa hi malunghiselelo lamantshwa ya ku hi pfuna leswaku hi papalata ngati.

Risimu 78 ni xikhongelo xo pfala.

Vhiki Leri Sungulaka Hi January 24

Risimu 163

10 min: Switiviso swa vandlha. Xiviko xa timali.

10 min: Swilaveko swa vandlha.

25 min: Ku Yingisa Xileriso Xa Xikwembu Xa Ku Papalata Ngati. Nkulumo hi nkulu, u fanele a tirhisa phepha ra nkulumo leri humaka erhavini. Vula ta ha suka leswaku makhadi ya DPA a ma nge tatiwi eka nhlangano lowu. Loko xivulavuri xi ri karhi xi hlaya rungula leri faneleke ri hlayiwa kunene eka phepha ra nkulumo ya xona, xi nga ha engetela tinhla to koma, xi kandziyisa tinhla-nkulu kambe a xi fanelanga xi tshika rungula ra nkulumo ivi xi ri siva hi rungula ra xona n’wini hi ku tirhisa swikombiso kumbe matsalwa lama engetelekeke. Matsalwa lama kombisiweke ma nga hlayiwa kumbe ma tshahiwa loko nkarhi wu pfumela. Loko u fika eka tinhla leti fambisanaka ni leti boxiweke eka bokisi leri nge “Malunghiselelo Lamantshwa Yo Hi Pfuna Leswaku Hi Papalata Ngati” ti kandziyise loko swi fanerile. Matsalana u fanele a nyika vahuweleri hinkwavo lava khuvuriweke makhadi ya DPA ni phepha leri nge “Swiletelo Swo Tata Khadi Ra DPA,” leswaku va ta kota ku fambisana ni nkulumo leyi loko yi ri karhi yi nyikeriwa. Nakambe matsalana u fanele ku tiyiseka leswaku ku ni mphakelo lowu ringaneke wa makhadi ya vana ya Identity Card.

Risimu 200 ni xikhongelo xo pfala.

Vhiki Leri Sungulaka Hi January 31

Risimu 157

5 min: Switiviso swa vandlha. Tsundzuxa vahuweleri leswaku va siya swiviko swa ntirho wa nsimu wa January. Tirhisa swiringanyeto leswi nga eka tluka 8, u kombisa ndlela yo fambisa Xihondzo xo Rindza xa February 1 kumbe Xalamuka! ya February 8.

25 min: “Ndlela Yo Tirhisa Xikombiso Xa Swingheniso.”b Tirhisa swivutiso leswi kumekaka eka xihloko lexi. Hlamusela leswaku matluka 3-5 lama nga eka xiengetelo xa Vutirheli Bya Hina Bya Mfumo bya n’hweti leyi, ma tamele swingheniso swa minkandziyiso leyi hi nga ta va hi yi fambisa. Hlayisa xiengetelo lexi leswaku u ta xi tirhisa exikarhi ka lembe. Endzhaku ko bula hi xihloko lexi, hlamusela ndlela leyi hi nga yi fambisaka ha yona buku leyi nge Tshinela Eka Yehovha, hi February. Endla nkombiso hi swingheniso swimbirhi. Ku nga ha tirhisiwa xikombiso xa swingheniso leswi nga eka tluka 3 kumbe ku tirhisiwa swingheniso swin’wana leswi tirhaka ensin’wini ya ka n’wina.

15 min: Xana U Kambisisa Matsalwa Siku Ni Siku? Nkulumo leyi katsaka ku bula ni vayingiseri leyi sekeriweke eka marito yo rhanga ya xibukwana lexi nge Ku Kambisisa Matsalwa Siku Ni Siku—2005. Bula hi xilaveko xo va hinkwerhu hi ti nyika timinete ti nga ri tingani siku rin’wana ni rin’wana, leswaku hi kambisisa tsalwa ni tinhlamuselo ta siku rero. Hlela ka ha ri emahlweni leswaku ku va ni muhuweleri un’we kumbe vambirhi lava nga ta hlamusela ndlela leyi va tshamaka va ri karhi va kambisisa ndzimana ya siku ha yona ni ndlela leyi sweswo swi va vuyeriseke ha yona. Gimeta hi ku hlamusela ndzimana ya lembe ra 2005 hi ku komisa.

Risimu 184 ni xikhongelo xo pfala.

Vhiki Leri Sungulaka Hi February 7

Risimu 97

10 min: Switiviso swa vandlha.

15 min: Pfuna Lava Ha Ku Sungulaka Ku Hlanganyela Va Rhandza Yehovha Ni Warikwavo. Nkulumo leyi sekeriweke eka Xihondzo xo Rindza xa July 1, 2004, tluka 16, tindzimana 7-9. Kandziyisa ndlela leyi xirho xin’wana ni xin’wana xa vandlha xi nga ni xiphemu ha yona eku pfuneni ka lava ha ku sungulaka ku hlanganyela leswaku va va vadyondzisiwa va Kreste.

20 min: “Ku Fambisa Tidyondzo Ta Bibele Leti Endlaka Nhluvuko—Xiyenge 5.”c Katsa ni nkombiso wa muhuweleri la nga ni ntokoto wo fambisa tidyondzo ta Bibele, a ri karhi a bula ni muhuweleri lontshwa hi ndlela yo papalata mintlhamu leyi boxiweke eka tindzimana 4 na 5.

Risimu 104 ni xikhongelo xo pfala.

[Tinhlamuselo ta le hansi]